ঈশ্বৰ্য মেনন

ঈশ্বৰ্য মেনন (Iswarya Menon) এগৰাকী ভাৰতীয় অভিনেত্ৰী; তেওঁ তামিল,^১ কানাড়া, তেলেগু আৰু মালয়ালম ছবিত কাম কৰে।^২৩

ঈশ্বৰ্য মেননৰ পৰিয়াল কেৰালাৰ চেন্দমংগলমৰ। জন্ম আৰু ডাঙৰ-দীঘল তামিলনাডুৰ ইৰোডত হৈছে। ইৰোডৰ ভেলালাৰ মেট্ৰিক স্কুলত উচ্চতৰ মাধ্যমিক শিক্ষা গ্ৰহণ কৰে।^৪ তেওঁ এছ আৰ এম ইনষ্টিটিউট অৱ চাইন্স এণ্ড টেকন'লজীৰ পৰা ইনষ্ট্ৰুমেণ্টেচন ইঞ্জিনিয়াৰিং সম্পূৰ্ণ কৰে।^৫

কৰ্মজীৱন

মেননক প্ৰথমবাৰৰ বাবে তামিল কমেডী ছবি থিয়া ভেলাই ছেইয়ানুম কুমাৰুত দেখা গৈছিল।^৬ এম এছ ৰমেশৰ পৰিচালনাত নিৰ্মিত দাসৱালা ছবিৰে কানাড়া উদ্যোগত অক্ষৰা হিচাপে আত্মপ্ৰকাশ কৰে, য’ত তেওঁ যোগী খ্যাত প্ৰেমৰ বিপৰীতে তেওঁক অভিনয় কৰিছিল।^৭ ২০১৩ চনৰ ১১ অক্টোবৰত মুক্তি পোৱা ছবিখন আৰু মানসিকভাৱে বিকলাংগ ছোৱালীৰ ভূমিকাত তেওঁৰ অভিনয়ে সমাদৰ লাভ কৰে।^৮৯ তেওঁৰ পৰৱৰ্তী মুক্তি আছিল তামিল ছবি এপ্পল পেনে।^১০ ছবিখন মাতৃ আৰু কন্যাৰ সম্পৰ্কৰ ওপৰত আধাৰিত আছিল, য'ত ঈশ্বৰ্য কন্যাৰ চৰিত্ৰ আৰু ৰোজাই মাতৃৰ চৰিত্ৰ ৰূপায়ন কৰিছিল।^১১ ইয়াৰ পিছত তেওঁক কানাড়া হৰৰ কমেডী নমো ভুতাত্মাত দেখা যায়।^১২