ইয়ান কেৰশ্ব

ছাৰ ইয়ান কেৰশ্ব (Ian Kershaw) FRHistS FBA (জন্ম ২৯ এপ্ৰিল ১৯৪৩) এজন ইংৰাজ ইতিহাসবিদ যাৰ কাম মূলতঃ ২০ শতিকাৰ জাৰ্মানীৰ সামাজিক ইতিহাসৰ ওপৰত কেন্দ্ৰিত। তেওঁক বহুতে এডল্ফ হিটলাৰ আৰু নাজী জাৰ্মানীৰ বিশ্বৰ অন্যতম আগশাৰীৰ বিশেষজ্ঞ হিচাপে গণ্য কৰে আৰু বিশেষকৈ হিটলাৰৰ জীৱনীৰ বাবে তেওঁক বিখ্যাত।^১

তেওঁ জাৰ্মান ইতিহাসবিদ মাৰ্টিন ব্ৰছজাটৰ অনুগামী, আৰু অৱসৰ লোৱালৈকে তেওঁ শ্বেফিল্ড বিশ্ববিদ্যালয়ৰ অধ্যাপক আছিল। কেৰশ্বৱে ব্ৰছজাটক এজন "প্ৰেৰণাদায়ক গুৰু" বুলি অভিহিত কৰিছে যিয়ে নাজী জাৰ্মানীৰ বিষয়ে তেওঁৰ বুজন ক্ষমতা গঢ় দিবলৈ বহুখিনি কৰিছিল।^২ কেৰশ্বৱে বিবিচিৰ বহুতো তথ্যচিত্ৰত ঐতিহাসিক উপদেষ্টা হিচাপে কাম কৰিছিল, বিশেষকৈ দ্য নাজিছ: এ ৱাৰ্নিং ফ্ৰম হিষ্ট্ৰী এণ্ড ৱাৰ অৱ দ্য চেঞ্চুৰী। তেওঁ "হিটলাৰৰ বিৰুদ্ধে জাৰ্মান" শীৰ্ষক এটা পাঠ্যক্ৰম শিকাইছিল।^৩

চমু জীৱন

১৯৪৩ চনৰ ২৯ এপ্ৰিলত ইংলেণ্ডৰ লেংকাশ্বাৰৰ অলধামত এজন সংগীতজ্ঞ জোচেফ কেৰশ্ব' আৰু এলিছ (ৰবিনছন) কেৰশ্ব'ৰ ঘৰত ইয়ান কেৰশ্বৱে জন্মগ্ৰহণ কৰে।^৪৫ তেওঁ মানচেষ্টাৰৰ ছেইণ্ট বেডছ কলেজৰ কাউনথিল গ্ৰামাৰ স্কুলত শিক্ষা গ্ৰহণ কৰে আৰু তাত তেওঁক ফাদাৰ জিঅ'ফ্ৰে বাৰ্ক,^৬লিভাৰপুল বিশ্ববিদ্যালয় (বিএ), আৰু অক্সফৰ্ডৰ মাৰ্টন কলেজ (ডিফিল)ৰ দ্বাৰা অধ্যাপনা কৰে। প্ৰথমে তেওঁ মধ্যযুগীয়বাদী হিচাপে প্ৰশিক্ষণ লৈছিল যদিও ১৯৭০ চনত আধুনিক জাৰ্মান সামাজিক ইতিহাসৰ অধ্যয়নত মন মেলিছিল। প্ৰথমতে তেওঁ মূলতঃ বোল্টন এবেৰ অৰ্থনৈতিক ইতিহাসৰ বিষয়ে চিন্তা-চৰ্চা কৰিছিল। মানচেষ্টাৰত মধ্যযুগীয় ইতিহাসৰ প্ৰবক্তা হিচাপে কেৰশ্বৱে মধ্যযুগত জাৰ্মান কৃষকসকলৰ বিষয়ে অধ্যয়ন কৰিবলৈ জাৰ্মান ভাষা শিকিছিল। ১৯৭২ চনত তেওঁ বাভাৰিয়া ভ্ৰমণ কৰে আৰু মিউনিখৰ কেফেত লগ পোৱা এজন বুঢ়া মানুহৰ মতামত শুনি স্তম্ভিত হৈ পৰে যিয়ে তেওঁক ক'লে: "আপোনালোক ইংৰাজ ইমানেই মূৰ্খ আছিল। যদিহে আপুনি আমাৰ পক্ষ ল'লেহেঁতেন। আমি একেলগে বলছেভিজমক পৰাস্ত কৰি পৃথিৱীখন শাসন কৰিব পাৰিলোহেঁতেন!"—এই কাণ্ডৰ ফলত কেৰশ্ব'ৱে জাৰ্মানীৰ সাধাৰণ মানুহে কেনেকৈ আৰু কিয় নাজীবাদক সমৰ্থন কৰিব পাৰে সেই বিষয়ে জানিবলৈ আগ্ৰহী হৈ পৰে।^৭

তেওঁৰ পত্নী ডেম বেটী কেৰশ্ব’ নাৰ্চিঙৰ প্ৰাক্তন অধ্যাপিকা আৰু শ্বেফিল্ড বিশ্ববিদ্যালয়ৰ স্কুল অৱ নাৰ্চিং ষ্টাডিজৰ ডীন।^৮

বাহ্যিক সংযোগ

On Kershaw

• Ian Kershaw's website at the University of Sheffield
• The Road to Destruction, Richard Gott on Hitler: Nemesis
• Sir Ian Kershaw: Dissecting Hitler
• Review of Hitler, 1889–1936: Hubris
• Review of Making Friends With Hitler Lord Londonderry and Britain's Road to War
• Avner Shapira. (27 January 2009). The Germans Are Coming. Haaretz
• Review of Fateful Choices by Gerhard Weinberg

Kershaw interviewed

• Interview with Ian Kershaw on the Penguin website
• Interview with Ian Kershaw
• Interview with Kershaw
• Interview with Ian Kershaw

By Kershaw

• Beware the Moral High Ground
• Review of Hitler's Library