ভাৰ্জিনিয়া উল্‌ফ

এডেলাইন ভাৰ্জিনিয়া উল্‌ফ (Adeline Virginia Woolf) আছিল বিংশ শতাব্দীৰ এগৰাকী ইংৰাজী সাহিত্যিক। তেওঁক আধুনিকতাবাদী তথা চেতনা-স্ৰোত ধাৰাৰ অন্যতম বাটকটীয়া হিচাপে গণ্য কৰা হয়। ^১

জন্ম-পৰিচয়

১৮৮২ চনত লণ্ডনৰ এটি প্ৰখ্যাত পৰিয়ালত ভাৰ্জিনিয়া উল্‌ফৰ জন্ম হয়। উল্‌ফ আছিল পিতৃ-মাতৃৰ কনিষ্ঠ সন্তান। তেওঁৰ পিতৃ লেছলি ষ্টেফেন (Leslie Stephen) আছিল এগৰাকী প্ৰবন্ধকাৰ। সেয়ে ভাৰ্জিনিয়াই নিজৰ ঘৰতে জন্মলগ্নৰে পৰা এটি সাহিত্যিক পৰিৱেশ পাইছিল। উল্‌ফে তেওঁলোকৰ গ্ৰীষ্মকালীন ঘৰৰ পৰা প্ৰথম Godrevy Lighthouse দেখা পাইছিল আৰু পাছলৈ তেখেতৰ উপন্যাস টু দ্য লাইটহাউছ (To the Lighthouse) লিখিবলৈ প্ৰভাৱান্বিত হৈছিল।^২

১৮৯৫ চনত উল্‌ফৰ তেৰ বছৰ বয়সত তেওঁৰ মাতৃৰ বিয়োগ ঘটে। মাতৃৰ বিয়োগত উল্‌ফ মানসিকভাৱে ভাগি পৰে আৰু গোটেই জীৱনজুৰি এই বেদনাই তেওঁক ভাৰাক্ৰান্ত কৰি ৰাখে। ^৩