ইফিয়ান্সা

ইফিয়ান্সা (/ˌɪfiəˈnæsə/; ইংৰাজী: Iphianassa, আক্ষৰিক অৰ্থ: 'শক্তিশালী ৰাণী') গ্ৰীক মহাকাব্য ইলিয়াডত^১ বৰ্ণনা কৰা অনুসৰি ৰজা আগামেমনন আৰু ক্লাইটেমনেষ্ট্ৰাৰ এগৰাকী অস্পষ্ট আৰু বিতৰ্কিত কন্যা তথা লাওডিচ^২ আৰু ক্ৰাইছ'থেমিছৰ ভগ্নী, কেতিয়াবা তেওঁক ইফিজেনিয়াৰ সৈতে একে বুলি গণ্য কৰা হয়।^৩

কিংবদন্তি

ছফক্লিছ, ইস্কিলাছ আৰু ইউৰিপিডিছৰ দ্বাৰা ৰচিত অৰেষ্টেছ আৰু ইলেক্ট্ৰাৰ কাহিনী সম্পৰ্কীয় বিদ্যমান নাটকসমূহত ইফিয়ান্সাক চৰিত্ৰ হিচাপে অন্তৰ্ভুক্ত কৰা হোৱা নাই। এয়া তেওঁ আৰু ইফিজেনিয়া একে বুলি কোৱা তত্ত্বৰ সৈতে সামঞ্জস্যপূৰ্ণ। আনহাতে, ছফক্লেছে তেওঁৰ কথা উল্লেখ কৰিছে আৰু ইংগিত দিয়ে যে তেওঁ ইলেক্ট্ৰা আৰু ক্ৰাইছ'থেমিছৰ সৈতে একেলগে এজিষ্টাছ আৰু ক্লাইটেমনেষ্ট্ৰাৰ ৰাজপ্ৰসাদত বাস কৰে।^৪

লুক্ৰেটিয়াছে ডি ৰেৰাম নেচুৰাত ইফিয়ানাছাক তেওঁৰ পিতৃয়ে অলিছত থকা "ক্ৰছৱেজৰ ভাৰ্জিন" (Triviai virginis) ডায়েনাৰ^৫ বেদীত বলি দিয়াৰ কথা উল্লেখ কৰিছে, যিটো যাত্ৰাৰ সফলতা নিশ্চিত কৰাৰ বাবে নৈবদ্য হিচাপে আগবঢ়োৱা হৈছিল, নিঃসন্দেহে এয়া ইফিজেনিয়াৰ কাহিনীৰ সৈতে সাদৃশ্য আছে। লুক্ৰেটিয়াছে এই খণ্ডটোৰ উদ্ধৃতি উল্লেখ কৰিছিল: "অন্ধবিশ্বাসে (ধৰ্ম) ইমান ডাঙৰ দুষ্টতাক প্ৰৰোচিত কৰিবলৈ সক্ষম হৈছিল।"^৬