মৰিয়ম উৱাইছ

মৰিয়ম উৱাইছ (Maryam Hajiya Uwais)নাইজেৰিয়াৰ এগৰাকী ব্যৱসায়ী, অধিবক্তা, মানৱ অধিকাৰ কৰ্মী আৰু ৰাজনীতিবিদ। ২০১৫ চনৰ পৰা ২০২৩ চনলৈকে তেওঁ ৰাষ্ট্ৰপতি মুহাম্মাদু বুহাৰীৰ সামাজিক বিনিয়োগৰ বিশেষ উপদেষ্টা হিচাপে কাৰ্যনিৰ্বাহ কৰিছিল।^১২ তেওঁ কানো ৰাজ্যৰ উদ্যোগ মন্ত্ৰালয়, নাইজেৰিয়াৰ কেন্দ্ৰীয় বেংক আৰু নাইজেৰিয়াৰ আইন সংস্কাৰ আয়োগত কাম কৰিছিল।^৩

বিশেষ উপদেষ্টা হিচাপে নিযুক্তি পোৱাৰ পূৰ্বে উৱাইছ আছিল দৰিদ্ৰতাৰ বিৰোধী এগৰাকী কৰ্মী। তেওঁ এন-পাৱাৰত কাম কৰিছিল।^৪

কৰ্মজীৱন

১৯৮১ চনত আহমদু বেলো বিশ্ববিদ্যালয়ত পঢ়ি উৱাইছে ১৯৮৫ চনত এল এল এম লাভ কৰে।^৫ নাইজেৰিয়া ইনষ্টিটিউট অৱ এডভান্সড লিগেল ষ্টাডিজে সেই বছৰতে তেওঁক এডভান্সড প্ৰেকটিছ এণ্ড প্ৰচিডিৰত সন্মানৰ প্ৰমাণপত্ৰ আৰু ১৯৮৯ চনত লিগেল ড্ৰাফটিং প্ৰদান কৰে।^৬

ৰাষ্ট্ৰীয় মানৱ অধিকাৰ আয়োগৰ পৰিষদৰ শিশু অধিকাৰৰ বিশেষ প্ৰতিবেদক হিচাপে তেওঁ কাম কৰিছিল। ২০০৯ চনত তেওঁ ইছা ৱালি সৱলীকৰণ পদক্ষেপ প্ৰতিষ্ঠা কৰে।তেওঁ ষ্টেনবিক আইবিটিচি হোল্ডিংছৰ অকাৰ্যবাহী সঞ্চালক আৰু পৰিচালনা সমিতিৰ সদস্য হিচাপেও কাম কৰি আহিছে।^৭

সক্ৰিয়তা

লিংগ সম্পৰ্কীয় বিষয় আৰু নাৰীবাদৰ ওপৰত তেওঁৰ পোষকতা কৰি আহিছে।^৮

উৱাইছ নাইজেৰিয়াৰ ফেডাৰেল চৰকাৰৰ পৃষ্ঠপোষকতা আৰু মালিকানাধীন এট-ৰিস্ক-চাইল্ডেন প্ৰগ্ৰেমৰ ৰাষ্ট্ৰীয় সমন্বয়ক আছিল।^৯

বঁটা-সন্মান

২০১১ চনত গুডলাক জোনাথানে মৰিয়াম, সৌদাতু মাহদী আৰু অন্যান্যসকলক ফেডাৰেল ৰিপাব্লিকৰ অৰ্ডাৰৰ সদস্যৰ ৰাষ্ট্ৰীয় সন্মান প্ৰদান কৰে।^১০ আন্তৰ্জাতিক মহিলা সংস্থাই সেই বছৰতে তেওঁক বছৰৰ মানৱীয় বঁটা প্ৰদান কৰে।^১১ ২০১২ চনত নাইজেৰিয়াত সেৱা আগবঢ়োৱা মহিলাসকলৰ বাবে এই ডে বঁটা লাভ কৰে।^১২নাইজেৰিয়াত মহিলা আৰু শিশুৰ অধিকাৰ উন্নীতকৰণত অসাধাৰণ অৱদানৰ বাবে ৰাষ্ট্ৰীয় মানৱ অধিকাৰ আয়োগৰ বঁটা লাভ কৰিছিল।^১৩

২০১৮ চনত শ্বৱাব ফাউণ্ডেশ্যন ফৰ ছ’চিয়েল এণ্টাৰপ্ৰেনিউৰশ্বিপৰ দ্বাৰা উৱাইছক ‘ৰাজহুৱা সামাজিক উদ্যোগী’ বঁটাৰে সন্মানিত কৰা হয়।^১৪১৫