আশ্ৰিতা

আশ্ৰিতা এগৰাকী ভাৰতীয় অভিনেত্ৰী যিয়ে মূলতঃ তামিল ভাষাৰ ছবিত অভিনয় কৰিছে। ২০১৩ চনত ইছাক্কি ছবিৰ জৰিয়তে অভিনয়ত অভিষেক ঘটায় ৷ ইয়াৰ পিছত তেওঁ অৰেঞ্জ মিত্তাই (২০১৫) আৰু অজাহেন্দ্ৰ ছল্লুক্কু আমুধা (২০১৬)কে ধৰি আন কিছুমান উল্লেখযোগ্য ছবিত অভিনয় কৰে। তেওঁৰ অভিনয় দক্ষতা আৰু পৰ্দাত তেওঁৰ উপস্থিতিয়ে ক্ৰমান্বয়ে তেওঁক তামিল চলচ্চিত্ৰ জগতত প্ৰতিষ্ঠা কৰিছে।

কেৰিয়াৰ

আশ্ৰিতাৰ জন্ম হৈছিল মাদুৰাইৰ এটা তামিল পৰিয়ালত। তেওঁ বহুতো ছপা বিজ্ঞাপনৰ বাবে মডেলিং কৰিছে, যিয়ে তেওঁক বিভিন্ন সৌন্দৰ্য্য প্ৰতিযোগিতাত অংশগ্ৰহণ কৰাৰ সুযোগ দিয়ে। তেওঁ ভিভেল মিছ চাউথ ইণ্ডিয়া বিউটিফুল ফেচ প্ৰতিযোগিতাত জয়ী হোৱাৰ লগতে মিছ অন্ধ্ৰ প্ৰদেশ প্ৰতিযোগিতাত ৰানাৰ্ছ আপ হয়।

সৌন্দৰ্য প্ৰতিযোগিতাত অংশগ্ৰহণ কৰাৰ পিছত কম বাজেটৰ গাঁওকেন্দ্ৰিক ছবি ইছাক্কি (২০১৩)ৰ জৰিয়তে ডাঙৰ পৰ্দাত তেওঁৰ অভিষেক ঘটে। এই ছবিখনত তেওঁ এগৰাকী শিক্ষয়িত্ৰীৰ চৰিত্ৰত অভিনয় কৰিছে।^১২

২০১৪ চনত তেওঁ ধনুশ ৫এম ভাগুপ্পু নামৰ চলচিত্ৰত আখিলৰ বিপৰীতে মুখ্য মহিলা চৰিত্ৰত অভিনয় কৰে, যিটো অতি সীমিত পৰিসৰত মুক্তি পাইছিল।^৩

২০১৫ চনত তেওঁ ৰমেশ তিলকৰ বিপৰীতে বিজয় চেথুপতীৰ প্ৰযোজনাত অৰেঞ্জ মিট্টাই নামৰ চলচ্চিত্ৰখনত "কাভ্য" নামৰ এখন চহৰীয়া ছোৱালীৰ চৰিত্ৰত অভিনয় কৰে।^৪ চলচ্চিত্ৰখন ভাল পৰ্যালোচনাৰ সন্মুখীন হৈছিল, যদিও বক্স অফিচত বিশেষ সফল হোৱা নাছিল।^৫

পাছত আশ্ৰিতাই নগৰাজৰ অলগেন্দ্ৰ চোল্লুক্কু অমুধা নামৰ চলচিত্ৰখনত মুখ্য চৰিত্ৰত অভিনয় কৰে, য’ত তেওঁ সফলভাৱে অডিশন দিছিল।^৬৭৮

চলচ্চিত্ৰৰ তালিকা