আলু ভৰ্তা

আলু ভৰ্তা,^১২৩ হ'ল সিজোৱা কোমল আলু গুড়ি কৰি কটা জলকীয়া, পিঁয়াজ, নিমখ আৰু সৰিয়হৰ তেল মিহলাই তৈয়াৰ কৰা খাদ্য। ইয়াক অন্যতম চাইড ডিচ হিচাপে পৰিবেশন কৰা হয়।^২ ভাৰতীয় উপমহাদেশৰ পূব অংশত ইয়াক সাধাৰণতে খিচিৰিৰ সৈতে খোৱা হয়।^৪ এইবিধ খাদ্য ভাৰতৰ পশ্চিমবংগ, অসম, বিহাৰ আদি ৰাজ্যৰ লগতে বাংলাদেশত জনপ্ৰিয়।

সামগ্ৰীসমূহ

• আলু
• সৰিয়হৰ তেল/ঘিউ
• জলকীয়া
• কটা পিঁয়াজ
• নিমখ

প্ৰস্তুতি পদ্ধতি

প্ৰথমে এটা সুকীয়া পাত্ৰত পৰ্যাপ্ত পৰিমাণৰ আলু উতলাই লওক। সিজোৱা আলুৰ খোলা উলিয়াই এটা সুকীয়া বাটিত এফালে থৈ দিব। এতিয়া কেৰাহীত কটা পিয়াঁজ আৰু কটা জলকীয়াখিনি অলপ তেল দি ভাজিব। এই পৰ্যায়ত সিজোৱা আলুখিনি হাতেৰে হেঁচা মাৰি থেতেলিয়াই পেলাব লাগে। ভজা পিঁয়াজ, চিলি পাউদাৰ, আৰু সৰিয়হৰ তেল দি ভালদৰে মিহলাই লওক। পৰ্যাপ্ত পৰিমাণৰ নিমখ দিব। বহুতে আলুৰ লগতে সিজোৱা কণী, বীন, বেঙেনা আদিও ব্যৱহাৰ কৰে।

ইয়াৰ উপৰিও বহুতে জলকীয়া পাউদাৰ ব্যৱহাৰ কৰে; ইয়াৰ ফলত সোৱাদ আৰু গোন্ধ বেলেগ হয়। কটা সেউজীয়া জলকীয়াও ব্যৱহাৰ কৰা হয়। ঘিউ প্ৰায়ে বৈচিত্ৰ্য আৰু সোৱাদৰ বাবে ব্যৱহাৰ কৰা হয়।

বৈচিত্ৰ্য

আলু ভৰোৱাৰ বৈচিত্ৰ্য বিভিন্ন উপাদান যোগ কৰাৰ পৰাই আহে। উদাহৰণ স্বৰূপে:

• আলু পিটিকা
• কণী আৰু আলুৰ কেচৰল
• বীন আৰু আলুৰ ষ্টু