আলিনা চাংকো

আলিনা স্তানিচ্লাভোভনা চাংকো (ইংৰাজী: Alina Stanislavovna Sanko; জন্ম: ২৩ জানুৱাৰী ১৯৯৮) এগৰাকী ৰাছিয়ান সৌন্দৰ্য প্ৰতিযোগিতাৰ খিতাপধাৰী যিয়ে মিছ ৰাছিয়া ২০১৯ ৰ মুকুট পিন্ধিবলৈ সক্ষম হৈছিল। তেওঁ মিছ ৱৰ্ল্ড ২০১৯ ত ৰাছিয়াক প্ৰতিনিধিত্ব কৰিছিল, য’ত তেওঁ শীৰ্ষ ১২ গৰাকীৰ ভিতৰত স্থান লাভ কৰিছিল আৰু মিছ ইউনিভাৰ্ছ ২০২০ ত তেওঁ কোনো স্থান লাভ কৰিবলৈ সক্ষম হোৱা নাছিল।

প্ৰাৰম্ভিক জীৱন আৰু শিক্ষা

চাংকোৰ জন্ম হৈছিল আজভত। মিছ ৰাছিয়া ২০১৯ জয় কৰাৰ আগতে চাংকো মস্কোত বাস কৰিছিল আৰু মস্কো ষ্টেট ইউনিভাৰ্ছিটি অফ লেণ্ড মেনেজমেণ্টত স্থপতি্যা অধ্যয়ন কৰিছিল।^১ তেওঁ আগতে এটা অনলাইন ক্যাটালগৰ মডেল হিচাপে কাম কৰিছিল।^২

সৌন্দৰ্য প্ৰতিযোগিতা

২০১৯ চনত চাংকোৱে আজভক প্ৰতিনিধিত্ব কৰি মিছ ৰাছিয়া ২০১৯ খিতাপ জয় কৰে।^৩ তেওঁ চুভাশিয়াৰ য়ুলিয়া পোলিয়াচিখিনাৰ উত্তৰাধিকাৰী হয়। এই প্ৰতিযোগিতাত য়েকাটেৰিনবাৰ্গৰ আৰিনা ভেৰিনা আৰু টাটাৰস্তানৰ ৰালিনা আৰাবোৱা ক্ৰমে প্ৰথম আৰু দ্বিতীয় ৰানাৰ্ছ-আপ হয়।^৪৫৬ বিজয়ীৰ পুৰস্কাৰৰ অংশ হিচাপে চাংকোক এখন নতুন গাড়ী আৰু ৩ নিযুত ৰাছিয়ান ৰুবল প্ৰদান কৰা হয়।^৭৮

মিছ ৰাছিয়া হিচাপে চাংকোৱে মিছ ৱৰ্ল্ড ২০১৯ আৰু মিছ ইউনিভাৰ্ছ ২০১৯ দুয়োখন প্ৰতিযোগিতাতে ৰাছিয়াক প্ৰতিনিধিত্ব কৰাৰ কথা আছিল; অৱশ্যে তাৰিখৰ সংঘাতৰ বাবে তেওঁ কেৱল মিছ ৱৰ্ল্ডতহে প্ৰতিযোগিতা কৰিছিল। প্ৰতিযোগিতাৰ তাৰিখ আৰু স্থান ঘোষণাৰ পলম হোৱাৰ বাবে ৰাছিয়াই মিছ ইউনিভাৰ্ছৰপৰা নাম প্ৰত্যাহাৰ কৰিছিল, যাৰ ফলত চাংকোৰ পৰিৱৰ্তে আন কাৰোবাক বিচাৰি উলিওৱা আৰু আমেৰিকাৰ ভিছা সুৰক্ষিত কৰাটো কঠিন হৈ পৰিছিল।^{৯১০১১} ২০২১ চনৰ মাৰ্চ মাহত এইটো নিশ্চিত কৰা হয় যে চাংকোৱে মিছ ইউনিভাৰ্ছ ২০২০ ত ৰাছিয়াক প্ৰতিনিধিত্ব কৰিব।^১২