আজলীতৰা নেওগ

আজলীতৰা নেওগ (১৯১৩–১৯৪৯) এগৰাকী অসমীয়া শিশু সাহিত্যিক আৰু কবি।

সংক্ষিপ্ত জীৱনী

১৯১৩ চনৰ ৫ ডিচেম্বৰত আজলীতৰা নেওগৰ জন্ম হৈছিল। তেওঁ বেণুধৰ ৰাজখোৱা আৰু ৰত্নকুমাৰীৰ পঞ্চম কন্যা আছিল।^১ তেওঁ ৰচিত শিশু গ্ৰন্থসমূহ হ'ল: ‘আলিবাবা আৰু দুকুৰি ডকাইত’, ‘সিন্দবাদ আৰু সাতোটি জলযাত্ৰা’, ‘আলাউদ্দিন আৰু এটি আচৰিত চাকি’, ‘আনন্দৰাম ঢেকিয়াল ফুকন’, ‘গুণাভিৰাম বৰুৱা’।^২

১৯৩০ চনত ডিম্বেশ্বৰ নেওগৰ লগত বিবাহ পাশত আৱদ্ধ হয়। তেওঁলোকৰ মুঠ সাতটা সন্তান (তিনিজন পুত্ৰ আৰু চাৰিগৰাকী জী) আছিল। ১৯৪৯ চনৰ ১ নৱেম্বৰৰ দিনা কেৱল ৩৫ বছৰ বয়সতে আজলীতৰা নেওগৰ মৃত্যু হয়।^১

বাহ্যিক সংযোগ

• আজলীতৰা নেওগৰ বিষয়ে