অসম নেমু

অসম নেমু হৈছে কাজি নেমু আৰু গোল নেমুু নামৰ ভাৰতৰ অসমত পোৱা আৰু খেতি কৰা কৃষিজাত পাচলী।^১ নেমু হৈছে অসমীয়া খাদ্যাভ্যাস অত্যাৱশ্যকীয় উপাদান।^২ ইয়াক অসমীয়াত নেমু টেঙা বুলিও কোৱা হয়। অসম নেমুৰ বৈজ্ঞানিক নাম হৈছে ছাইট্ৰাছ লাইমন^৩ আৰু ছাইট্ৰাছ জাম্ভিৰি।

অসম নেমুৰ পৰা শীতল পানীয় বা চৰবৎ প্ৰস্তুত কৰা হয়। ইয়াৰ ফলৰ বাকলি আৰু অন্যান্য অংশ আচাৰ হিচাপে নাইবা অন্য বিভিন্ন প্ৰকাৰে খোৱা হয।^৪

প্ৰকাৰ

গোল নেমু

মূল প্ৰবন্ধ: গোলনেমু

গোল নেমু ভাৰতত পোৱা অন্য নেমুৰ সৈতে একে। ইয়াৰ আকাৰ অলপ ডাঙৰ আৰু আকৃতি ঘূৰণীয়া। পকিলে ইয়াৰ বৰণ হালধীয়া হয় আৰু সোৱাদ মিঠা হয়।

কাজি নেমু

মূল প্ৰবন্ধ: কাজিনেমু

নেমুৰ দীঘলীয়া প্ৰকাৰটো হৈছে কাজি নেমু।^৫ গোল নেমুতকৈ কাজি নেমু বেছি ৰসাল। ই অসমীয়া খাদ্যাভ্যাসৰ সৈতে জড়িত আৰু অধিক জনপ্ৰিয়। ই গোল নেমুৰ সমানেই ডাঙৰ আৰু পকিলে হালধীয়া বৰণ ধৰে।^৬৭