অম্বিকা বেৰী

অম্বিকা বেৰী: Ambica Beri; জন্ম অম্বিকা সুবেৰৱাল, এগৰাকী ভাৰতীয় আৰ্ট গেলেৰীৰ মালিক। তেওঁ শিল্পীসকলৰ বাবে এটি প্ৰশান্তি স্থান স্থাপন কৰিছিল।

ৰিট্ৰিট বা প্ৰশান্তি স্থান বা সৃষ্টিশীল আশ্ৰয়স্থল প্ৰতিষ্ঠা কৰাৰ বাবে ২০১৮ চনত নাৰী শক্তিৰ সন্মানেৰে সন্মানিত হৈছিল।

জীৱন

অম্বিকা সুবেৰৱালে এগৰাকী মহিলা হিচাপে শিল্পৰ প্ৰতি আগ্ৰহী আছিল। তেওঁৰ পিতৃ এজন স্থপতিবিদ আছিল।^১

বেৰীক আৰ্ট গেলেৰীৰ মালিক হিচাপে জনা যায়।^২ তেওঁৰ গেলেৰীখন প্ৰায় ১৯৯০ চনত মুকলি হয় আৰু ইয়াক গেলেৰী সংস্কৃত নামেৰে জনা যায় আৰু ই কলকাতাত আছে।^১

বেৰীয়ে শিল্পীসকলৰ বাবে এটা প্ৰশান্তি স্থান স্থাপন কৰে।^২ ইয়াৰ নাম "আৰ্ট ইচোল" আৰু ইয়াক "শিল্পী, লেখক আৰু ভাস্কৰ্য্যশিল্পীৰ বাবে ভাৰতৰ একমাত্ৰ স্থায়ী সৃষ্টিশীল আশ্ৰয়স্থল" বুলি কোৱা হৈছিল। এই ৰিট্ৰিটটো খাজুৰাহো পৰ্যটন এলেকাৰ পৰা ১৪০ কিলোমিটাৰ দূৰত্বত থকা ইচাল নামৰ সৰু গাঁওখনত অৱস্থিত।^৩

বেৰীয়ে মাইহাৰত বাস কৰা বঙালী সৰোদবাদক, বহু বাদ্যযন্ত্ৰবাদক আৰু সুৰকাৰ আল্লাউদ্দিন খানৰ ঘৰ পুনৰ নিৰ্মাণ কৰিছিল। এই ঘৰটোৰ তিনিটা অংশৰ ভিতৰত এটা অংশ গঠন কৰে - বাকী দুটা অংশ হৈছে, এটা শিল্পীসকলৰ ৰিট্ৰিট আৰু আন টো অংশ আমাৰিয়া, লেখকসকলৰ বাবে।^৪ এই স্থানত তিনি একৰ ভাস্কৰ্য্য উদ্যান আছে যিখন বিভিন্ন ধৰনৰ প্ৰদৰ্শিত কামৰে ভৰপূৰ আৰু ইয়াত আল্লাউদ্দিন খানৰ মূৰ্তিও আছে।^১

বেৰীয়ে ২০১৮ চনত নাৰী শক্তিৰ নামেৰে জনাজাত "মহিলাৰ বাবে সৰ্বোচ্চ অসামৰিক সন্মান" লাভ কৰে। আন্তঃৰাষ্ট্ৰীয় নাৰী দিৱস ২০১৮ তাৰিখে বেৰীক নাৰী শক্তিৰ সন্মান প্ৰদান কৰা হয়।^৫২ নতুন দিল্লীৰ ৰাষ্ট্ৰপতি ভৱনত (ৰাষ্ট্ৰপতি ভৱন) ভাৰতৰ ৰাষ্ট্ৰপতি ৰামনাথ কোবিন্দে ভাৰতৰ প্ৰধানমন্ত্ৰী নৰেন্দ্ৰ মোদী আৰু মহিলা আৰু শিশু উন্নয়ন মন্ত্ৰী মনেকা সঞ্জয় গান্ধীয়েও অংশগ্ৰহণ কৰি এই বঁটা প্ৰদান কৰে। সেই বছৰ প্ৰায় ৩০ জন লোক আৰু ৯ টা সংস্থাক সন্মান জনোৱা হয় আৰু এই বঁটা আৰু ১ লাখ ডলাৰকৈ পুৰস্কাৰ লাভ কৰে।^৬৭