অনুকী প্ৰেমচন্দ্ৰ

অনুকী প্ৰেমচন্দ্ৰ (ইংৰাজী ভাষা: Anuki Premachandra) এগৰাকী শ্ৰীলংকান সামাজিক কৰ্মী, মহিলা অধিকাৰ কৰ্মী, প্ৰেৰণাদায়ক বক্তা, যোগাযোগ বিশেষজ্ঞ, লেখিকা আৰু ইনষ্টাগ্ৰাম ব্যক্তিত্ব। তেওঁ বৰ্তমান এডভোকোটা ইনষ্টিটিউটত কৌশলগত যোগাযোগ মেনেজাৰ হিচাপে কৰ্মৰত।^১২

তেওঁ বিশেষকৈ সামাজিক নীতি, লিংগ সমতা আৰু জনস্বাস্থ্য সম্পৰ্কীয় বিষয়সমূহত জনসচেতনতা সৃষ্টি কৰাৰ বাবে পৰিচিত। সংবাদ মাধ্যম, অনলাইন প্লেটফৰ্ম আৰু জনসম্মুখীন আলোচনাৰ জৰিয়তে তেওঁ মহিলাৰ স্বাস্থ্য, শিক্ষা আৰু আৰ্থিক ক্ষমতায়নৰ বিষয়ত মত প্ৰকাশ কৰি আহিছে।

সক্ৰিয়তা

অনুকী প্ৰেমচন্দ্ৰই মহিলাৰ অধিকাৰৰ বাবে চলোৱা অভিযানৰ বাবে বিশেষভাৱে পৰিচিত। বিশেষকৈ শ্ৰীলংকাত চেনিটেৰী নেপকিনৰ ওপৰত আৰোপ কৰা কৰ হ্ৰাস কৰাৰ বাবে তেওঁ তীব্ৰ আন্দোলন চলাইছিল।^৩৪ ইয়াৰ উপৰিও তেওঁ শ্ৰীলংকাত ক্ষুদ্ৰ উদ্যোগসমূহৰ বিকাশৰ ক্ষেত্ৰত থকা আইনী আৰু নিয়ন্ত্ৰণমূলক বাধা নিৰাময়ৰ বাবেও ওকালতি কৰি আহিছে।^২

২০২০ চনত তেওঁক 'কচমোপলিটান' (Cosmopolitan) আলোচনীৰ "৩৫ অনুৰ্ধ ৩৫" তালিকাত অন্তৰ্ভুক্ত কৰা হৈছিল।^৫৬ ২০২০ চনৰ নৱেম্বৰ মাহত তেওঁ বিশ্ব বেংকৰ এক অনুষ্ঠানত দক্ষিণ এছিয়াৰ পথ সুৰক্ষা আৰু ক’ভিড-১৯ মহামাৰীৰ সময়ত চহৰীয়া যাতায়তৰ পুনৰ বিচাৰ সম্পৰ্কে এগৰাকী বক্তা হিচাপে অংশগ্ৰহণ কৰিছিল।^৭

মহিলাৰ চেনিটেৰী সামগ্ৰীৰ ওপৰত কৰ বিলুপ্ত কৰাৰ বাবে তেওঁ চলোৱা প্ৰচেষ্টা সফল হয়। শ্ৰীলংকা চৰকাৰে ঘোষণা কৰে যে ২০২১ চনৰ জানুৱাৰী মাহৰ পৰা বিদ্যালয়ৰ ছাত্ৰীসকলক বিনামূলীয়াকৈ চেনিটেৰী নেপকিন প্ৰদান কৰা হ'ব।^৮৯

তেওঁ বিভিন্ন সন্মিলন, আলোচনা সভা আৰু গণমাধ্যমত অংশগ্ৰহণ কৰি সামাজিক নীতি আৰু নাগৰিক অধিকাৰ সম্পৰ্কে মতামত আগবঢ়াই আহিছে। সামাজিক মাধ্যমতো তেওঁ সক্ৰিয়, য'ত তেওঁ সমাজ, নীতি আৰু লিংগ সমতা বিষয়ত নিজৰ মতামত আৰু বিশ্লেষণ শ্বেয়াৰ কৰে।