অনসুয়াবাই কালে

অনসুয়াবাই কালে (Anasuyabai Kale) এগৰাকী ভাৰতীয় ৰাজনীতিবিদ আছিল। ১৯৫২ চনত ভাৰতীয় জাতীয় কংগ্ৰেছৰ সদস্য হিচাপে নাগপুৰৰ পৰা তেওঁ ভাৰতৰ সংসদৰ নিম্ন সদন লোকসভালৈ নিৰ্বাচিত হয়। ১৯৫৭ চনত পুনৰ দ্বিতীয় লোকসভাৰ সদস্য হিচাপে তেওঁ নিৰ্বাচিত হয়।^১২

লোকসভালৈ নিৰ্বাচিত হোৱাৰ পূৰ্বে কালে ১৯২৮ চনত মনোনীত হোৱা কেন্দ্ৰীয় প্ৰদেশ আৰু বেৰাৰৰ বিধানসভাৰ সদস্য আছিল। ১৯৩৭ চনত কেন্দ্ৰীয় প্ৰদেশ বিধানসভাৰ উপ-সভাপতি হিচাপেও তেওঁ কাৰ্যনিৰ্বাহ কৰিছিল।^১ ১৯৪৮ চনত তেওঁ সৰ্বভাৰতীয় মহিলা সন্মিলনৰ সভাপতি হিচাপে কাৰ্যনিৰ্বাহ কৰিছিল৷^৩

আউন্ধ ৰাজ্যৰ দ্য দিৱানৰ তেওঁ বংশধৰ আছিল। পুনাৰ হুজুৰ পাগা হাইস্কুল আৰু ফাৰ্গুচন কলেজত তেওঁ প্ৰাৰম্ভিক শিক্ষা গ্ৰহণ কৰে৷ তাৰ পিছত তেওঁ বৰোদাৰ বৰোদা কলেজত শিক্ষা গ্ৰহণ কৰে। পুৰুষোত্তম বালকৃষ্ণ কালেৰ লগত তেওঁ বিবাহপাশত আবদ্ধ হয়। তেওঁলোকৰ তিনিজন পুত্ৰ আৰু দুগৰাকী কন্যা সন্তান আছিল।^১ ১৯৫৭ চনত নাগপুৰৰ পৰা লোকসভা নিৰ্বাচনত জয়ী হোৱাৰ পিছত দুবছৰৰ পিছত মধ্যকালীন অৱস্থাত তেওঁৰ মৃত্যু হয়।^৪৫