ৰিতেশ আগৰৱাল

ৰিতেশ আগৰৱাল এগৰাকী ভাৰতীয় বিলিয়নাৰ উদ্যোগী ব্যক্তি। তেওঁ অয়' ৰুমছৰ প্ৰতিষ্ঠাপক আৰু মুখ্য কাৰ্য্যবাহী বিষয়া।

প্ৰাৰম্ভিক জীৱন

উৰিষ্যাৰ বিছাম কটকত এটা মাৰোৱাৰী সম্প্ৰদায়ৰ পৰিয়ালত ৰিতেশ আগৰৱালৰ জন্ম হৈছিল।^১ তেওঁ তিতিলাগড়ত ডাঙৰ-দীঘল হৈছিল।^{২৩৪৫৬} ৰিতেশৰ পৰিয়ালটোৱে দক্ষিণ উৰিষ্যাৰ ৰায়াগড়া নামৰ চহৰখনত এখন সৰু দোকান চলাইছিল। তেওঁ ৰায়াগড়াৰ ছেক্ৰেড হাৰ্ট স্কুলৰ পৰা স্কুলীয়া শিক্ষা সম্পূৰ্ণ কৰিছিল।^৭ ১৩ বছৰ বয়সত তেওঁ চিম কাৰ্ড বিক্ৰী কৰিবলৈ আৰম্ভ কৰে।^৮ ছেইণ্ট জনছ্ ছিনিয়ৰ ছেকেণ্ডাৰী স্কুলৰ পৰা উত্তীৰ্ণ হোৱাৰ পিছত ৰিতেশে কলেজীয়া শিক্ষা লাভ কৰিবলৈ ২০১১ চনত দিল্লীলৈ যায়।^৯ কিন্তু তেওঁ শিক্ষা আধাতে এৰি দিয়ে, আৰু ২০১৩ চনত থিয়েল ফেল'শ্বিপৰ (পিটাৰ থিয়েলে আৰম্ভ কৰা) বাবে নিৰ্বাচিত হয়।^১০১১

কেৰিয়াৰ

আগৰৱালে কমখৰচী হোটেল আৰক্ষণৰ ব্যৱস্থা কৰিবলৈ "অৰেভেল ষ্টেইজ" নামৰ এটা মিতব্যয়ী বাসস্থান পৰ্টেল আৰম্ভ কৰিছিল।^১২১৩ ২০১২ চনৰ ছেপ্টেম্বৰ মাহত ভেঞ্চৰ নাৰ্চাৰীয়ে ইয়াক 'এক্সিলাৰেটৰ প্ৰগ্ৰেম'ত অন্তৰ্ভুক্ত কৰে, আৰু পিছলৈ ২০১৩ চনৰ থিয়েল ফেল'শ্বিপ প্ৰগ্ৰেমৰ অন্যতম বিজয়ী হিচাপে ই এক লাখ ডলাৰৰ অনুদান লাভ কৰে।^১৪১৫ ২০১৩ চনৰ মে' মাহত কোম্পানীটো অয়' ৰুমছ্ (OYO Rooms) হিচাপে আৰম্ভ কৰা হয়।^{১৬১৭১৮}

২০১৮ চনৰ ছেপ্টেম্বৰ মাহলৈকে কোম্পানীটোৱে ১ বিলিয়ন ডলাৰ সংগ্ৰহ কৰে।^১৯ ২০১৯ চনৰ জুলাই মাহত আগৰৱালে কোম্পানীটোৰ ২ বিলিয়ন ডলাৰৰ শ্বেয়াৰ ক্ৰয় কৰাৰ খবৰ ওলাইছিল, যাৰ ফলত তেওঁৰ অংশীদাৰিত্ব তিনিগুণ বৃদ্ধি পাইছিল।^{২০২১২২}

"হুৰুণ ৰিচ্ছ্ লিষ্ট ২০২০" অনুসৰি ২০২০ চনত তেওঁৰ সম্পত্তিৰ পৰিমাণ প্ৰায় ১.১ বিলিয়ন ডলাৰ (₹৭২৫৩ কোটি) বুলি অনুমান কৰা হৈছিল। ২০২০ চনৰ ফেব্ৰুৱাৰী মাহলৈকে তেওঁ কাইলী জেনাৰৰ পিছতে বিশ্বৰ দ্বিতীয় কনিষ্ঠ স্ব-নিৰ্মিত বিলিয়নাৰ।^{২৩২৪২৫}

ফ'ৰ্বছে প্ৰকাশ কৰা এছিয়া মহাদেশৰ ৩০ৰ অনূৰ্ধ্বৰ ৩০ গৰাকী ব্যক্তিৰ তালিকাত তেওঁৰ নামো সন্নিৱিষ্ট হৈছে।^২৬

বিতৰ্ক

অয়’ৰ সহ-প্ৰতিষ্ঠাপকৰ দ্বাৰা প্ৰতাৰণা কৰাৰ অভিযোগ

আগৰৱালে কোম্পানীটোৰ প্ৰাৰম্ভিক সময়ছোৱাত অয়'ৰ সহ-প্ৰতিষ্ঠাপক মনীষ সিনহাক প্ৰতাৰণা কৰাৰ অভিযোগ উত্থাপন হৈছে।^২৭

আমেৰিকাত জৰিমনা

আগৰৱালে তেওঁৰ কোম্পানী অয়'ৰ জৰিয়তে আমেৰিকাৰ হোটেলৰ মালিকসকলৰ সৈতে চুক্তি স্বাক্ষৰ কৰিছিল, য’ত মালিকসকলৰ অট্টালিকাসমূহক ক্ষতিপূৰণ আৰু নিশ্চিত ৰাজহ প্ৰদানৰ বিনিময়ত অয়’ৰ নামেৰে নামাকৰণ কৰা হ’ব। কিন্তু অয়'ই কেলিফ'ৰ্ণিয়া ৰাজ্যত কৰ্তৃত্বশীল ব্যৱসায় চলাবলৈ অনুমোদন নোপোৱাৰ কথাটো জনা নাছিল, যাৰ বাবে ২০১৯ চনৰ মাৰ্চ মাহত কেলিফৰ্ণিয়াৰ নিয়ন্ত্ৰকসকলে অয়'ক ২ লাখ ডলাৰ জৰিমনা বিহে। ৱাশ্বিংটনৰ নিয়ন্ত্ৰকসকলেও তাত সঠিক পঞ্জীয়ন নকৰাকৈ বহুতো হোটেলৰ মালিক আৰু পৰিচালকক অয়'ই তেওঁলোকৰ সেৱা আগবঢ়াবলৈ আমন্ত্ৰণ জনোৱা বুলি জানিবলৈ পোৱাত কোম্পানীটোক ৱাশ্বিংটনত তেওঁলোকৰ ব্যৱসায় বন্ধ কৰাৰ নিৰ্দেশ দিছিল।^২৮

প্ৰৱঞ্চনাৰ অভিযোগ

২০২০ চনৰ ছেপ্টেম্বৰ মাহত ডেৰা বাছিত চণ্ডীগড়ৰ এজন ব্যৱসায়ীয়ে আগৰৱালৰ বিৰুদ্ধে IPC 420 (প্ৰৱঞ্চনা) 120 B (অপৰাধৰ চক্ৰান্ত)ৰ অধীনত জালিয়াতি আৰু ষড়যন্ত্ৰৰ গোচৰ তৰিছিল।^২৯

ভাৰতৰ ১০ হাজাৰ হোটেল মালিকৰ পৰা অয়'ই নেতিবাচক প্ৰতিক্ৰিয়াৰ সন্মুখীন হ’বলগীয়া হৈছিল। তেওঁলোকৰ মতে, হোটেলসমূহে অয়’ত যোগদান কৰাৰ সময়ত দিবলগীয়া অপ্ৰকাশ্য মাচুলৰ জৰিয়তে অয়’ই ৰাজহৰ আধা বা ততোধিক ধন সংগ্ৰহ কৰে।

২০১৯ চনৰ অক্টোবৰ মাহত প্ৰকাশিত এক প্ৰতিবেদন অনুসৰি আগৰৱালৰ বিৰুদ্ধে জালিয়াতিৰ অভিযোগ কৰি কৰ্ণাটকৰ বেংগালুৰু, মহীশূৰ, আৰু অন্যান্য চহৰত হোটেল পৰিচালকসকলে আৰক্ষীৰ গোচৰ তৰিছিল। অৱশ্যে বেংগালুৰুত তৰা এটা গোচৰত স্থগিতাদেশৰ বাবে আগৰৱালে সফলতাৰে আবেদন জনায়।^৩০