ৰায় লক্ষ্মী

লক্ষ্মী ৰায় এগৰাকী ভাৰতীয় অভিনেত্ৰী আৰু মডেল. যিয়ে প্ৰধানকৈ তামিল, মালয়ালম, তেলেগু, কানাড়া আৰু হিন্দী ভাষাত কাম কৰে।^১২ পেছাগতভাৱে তেওঁক ৰায় লক্ষ্মী হিচাপে জনাজাত।^৩৪

ৰায় লক্ষ্মীৰ জন্ম হৈছিল কৰ্ণাটকৰ বাংগালুৰুত ৰাম ৰায় আৰু মঞ্জুলা ৰায়ৰ ঘৰত। তেওঁৰ পৰিয়াল বেলগামলৈ স্থানান্তৰিত হয়।^৫৬৭

২০০৫ চনত^৮ তামিল ভাষাৰ কৰ্কা কাছাদাৰা ছবিৰে ৰায় লক্ষ্মীৰ চলচ্চিত্ৰত অভিষেক ঘটে।^৯ ইয়াৰ পিছত আৰ পাৰ্থিবনৰ সৈতে কমেডী ছবি কুণ্ডক্কা মাণ্ডাক্কা (২০০৫), পেৰাৰাছুৰ একচন-মছলা ফ্লিক ধৰ্মপুৰী (২০০৬) আৰু ৰোমাঞ্চ ছবি নেঞ্জাই থোডু (২০০৭)কে ধৰি কেইবাখনো তামিল ছবিত অভিনয় কৰে। বাল্মিকী (২০০৫) কানাড়া ভাষাত তেওঁৰ প্ৰথম ছবি, য’ত তেওঁ শিৱ ৰাজকুমাৰৰ বিপৰীতে অভিনয় কৰিছিল।^১০