ৰাছা শ্বেহাদা

ৰাছা শ্বেহাদা (: Rasha Shehada, আৰবী: رشا شحادة ) এগৰাকী পেলেষ্টাইনী পৰিচালন সঞ্চালক, যিয়ে সংযুক্ত আৰব আমিৰশ্বাহীত অৱস্তিত পৰিয়ালৰ আমদানি ব্যৱসায় ডাইমণ্ড লাইনৰ বাবে কাম কৰে। তেওঁ ২০১৫ চনৰ বিবিচি ৰ বছেৰেকীয়া ১০০ মহিলাৰ তালিকাত স্থান লাভ কৰে, য’ত সমগ্ৰ বিশ্বজুৰি ইতিবাচক প্ৰভাৱ পেলোৱা মহিলাসকলক সন্মানিত কৰা হয়।

কৰ্মজীৱন

ৰাছা শ্বেহাদাৰ জন্ম পেলেষ্টাইনত হৈছিল,^১ তিনিজন ভাতৃ-ভগ্নীৰ মাজত তেওঁ আছিল মাজৰ সন্তান।^২ শৈশৱত তেওঁ নিজৰ পৰিয়ালৰ সৈতে সংযুক্ত আৰব আমিৰশ্বাহীলৈ গুচি যায় আৰু প্ৰথমতে আবুধাবিত বসবাস কৰে।^৩ তেওঁৰ দেউতাকে আবুধাবিত “ডাইমণ্ড লাইন” নামৰ এটা আমদানি ব্যৱসায় স্থাপন কৰিছিল।

শ্বেহাদাই আমেৰিকান ইউনিভাৰ্চিটি অৱ শ্বাৰজাহত অধ্যয়ন কৰি ২০০৭ চনত স্নাতক ডিগ্ৰী লাভ কৰে।^৪ স্নাতকোত্তৰ অধ্যয়নৰ পিছত তেওঁ প্ৰথমে আন্তঃৰাষ্ট্ৰীয় বিপণনত কাম কৰিছিল।^২

পিছলৈ তেওঁ পৰিয়ালৰ ব্যৱসায়ত যোগ দিয়ে আৰু ২০১১ চনত সৰু ব্যৱসায়ীসকলৰ বাবে অনুষ্ঠিত এক মধ্যপ্ৰাচ্য–আমেৰিকা বিনিময় কাৰ্যসূচীৰ অংশ হিচাপে অহাইঅ’লৈ যায়। তেওঁ কৈছিল যে আমেৰিকাত দেখা পৰিয়াল-চালিত ব্যৱসায়সমূহৰ সৈতে তেওঁলোকৰ ব্যৱসায়ৰ মিল দেখা পাইছিল। তাৰ পিছত তেওঁ কোম্পানীত ব্যৱসায় উন্নয়ন বিভাগত কাম আৰম্ভ কৰে আৰু বাহিৰৰ পৰামৰ্শদাতা নিযুক্ত কৰাৰ পৰিবৰ্তে বিদ্যমান কৰ্মচাৰীক প্ৰশিক্ষণ দিয়াত বিনিয়োগ কৰিবলৈ নিজৰ দেউতাকক উৎসাহিত কৰে।^১

দেউতাকৰ অৱসৰৰ পূৰ্বে তেওঁ কোম্পানীটোৰ মালিকীস্বত্ব তেওঁৰ তিনিটা সন্তানৰ মাজত সমান অংশত বিভক্ত কৰিছিল। শ্বেহাদাৰ ভাতৃ আৰু ভগ্নীয়ে ২০১৩ চনত তেওঁক পৰিচালন সঞ্চালক হিচাপে নিযুক্তি দিয়ে।^১পৰিচালন সঞ্চালক হিচাপে তেওঁৰ প্ৰথম কাম আছিল সাধাৰণ হোটেল সামগ্ৰী যোগান ধৰা কাৰ্য বন্ধ কৰি কোম্পানীটোক চাফিং অইল আমদানি ব্যৱসায়ৰ দিশে পুনৰ কেন্দ্ৰীভূত কৰা।

ফৰ্বছে তেওঁক পৰিয়াল-চালিত ব্যৱসায় ক্ষেত্ৰত অঞ্চলটোৰ অন্যতম প্ৰভাৱশালী মহিলা হিচাপে তালিকাভুক্ত কৰিছিল।^১ ২০১৫ চনত বিবিচিৰ ১০০ মহিলা কাৰ্যসূচীত ৩০আণ্ডাৰ৩০ গোটৰ অংশ হিচাপে অন্তৰ্ভুক্ত কৰা হৈছিল।