ৰচনা খাতাউ

ৰচনা খাতাউ (ইংৰাজী ভাষা: Rachna Khatau) এগৰাকী ব্ৰিটিছ-আমেৰিকা যুক্তৰাষ্ট্ৰন টেলিভিছন আৰু মঞ্চ অভিনেত্ৰী, গায়িকা, লেখিকা আৰু টেলিভিছন ঘোষিকা। ২০১৩ চনৰপৰা ২০১৭ চনলৈকে ফ্ৰীফৰ্ম চিটকম বেবী ড্যাডীত চন্দ্ৰা চৰিত্ৰত কৰা অভিনয়ৰ বাবে তেওঁ বিশেষভাৱে পৰিচিত।

প্ৰাৰম্ভিক জীৱন

ৰচনা খাতাউ ইলেনয়ৰ চিকাগোত ডাঙৰ-দীঘল হৈছিল।^১ তেওঁ ইউনিভাৰ্চিটি অৱ চাউদাৰ্ণ কেলিফৰ্ণিয়াৰপৰা সাংবাদিকতা বিষয়ত স্নাতকোত্তৰ ডিগ্ৰী লাভ কৰিছিল।^২

কেৰিয়াৰ

ৰচনাই 'দ্য চেকেণ্ড চিটি হলিউড'ৰ বহুতো প্ৰিমিয়াম শ্ব’ত অভিনয় কৰিছে।^১ এগৰাকী গায়িকা হিচাপে ৰচনাই পূৰ্বে ইউনিভাৰ্চেল ৰেকৰ্ডছৰ এক সহযোগী লেবেলৰ সৈতে চুক্তিবদ্ধ হৈছিল। তেওঁ পোনপটীয়া অনুষ্ঠানৰ ঘোষিকা হিচাপে কাম কৰিছে আৰু এক্সট্ৰাৰ ৰেড কাৰ্পেট সংবাদদাতাও আছিল।^৩

তেওঁৰ প্ৰাৰম্ভিক কামসমূহৰ ভিতৰত আছিল কম বাজেটৰ স্বতন্ত্ৰ চলচ্চিত্ৰ যেনে হেদাৰ (২০০৬), টাৰ্বো (২০০৯) আৰু এম্বেৰেচিং ফেচবুক গাৰ্ল (২০১১)।

ৰচনাই ধাৰাবাহিকখনৰ অন্যতম চৰিত্ৰ হিচাপে বেবী ড্যাডী নামৰ চিটকমখনত অতি উৎসাহী চুবুৰীয়া চন্দ্ৰাৰ চৰিত্ৰত অভিনয় কৰিছিল।^৪ তেওঁ ২০১৩ চনৰপৰা ২০১৭ চনত ধাৰাবাহিকখন শেষ হোৱালৈকে ইয়াত অভিনয় কৰিছিল।^৪ তেতিয়াৰপৰা তেওঁ ডিজনীৰ বিজাৰ্ডভাৰ্কত প্ৰিন্সিপাল কাৰেন^৫ আৰু নিকেলোডিয়নৰ গেম শ্বেকাৰ্ছত পাম চৌধুৰী হিচাপে অতিথি শিল্পীৰ চৰিত্ৰত অভিনয় কৰিছে।^৬

ৰচনাই লছ এঞ্জেলছৰ ইষ্ট ৱেষ্ট প্লেয়াৰ্ছ থিয়েটাৰত ৱাছাৰ/ড্ৰায়াৰ আৰু এ নাইচ ইণ্ডিয়ান বয় নামৰ ধেমেলীয়া নাটকত অভিনয় কৰিছে।^৭৮

ব্যক্তিগত জীৱন

ৰচনাই নিয়মীয়াকৈ 'দ্য আৰ্ট অৱ এলিচিয়াম'ৰ সৈতে স্বেচ্ছাসেৱক হিচাপে কাম কৰে, য’ত তেওঁ বৌদ্ধিকভাৱে অক্ষম শিশুসকলৰ বাবে অনুষ্ঠান পৰিৱেশন কৰে। ইয়াৰ উপৰি তেওঁ 'লাফটাৰ ফৰ এ চেঞ্জ'ৰ জৰিয়তে লছ এঞ্জেলছ চিলড্ৰেন হস্পিটেলৰ ৰোগী আৰু পৰিয়ালসমূহৰ সৈতে ইম্প্ৰভ গেমছ খেলে।^৩