ৰঙাবক্ষৰ পখিলা

ৰঙাবক্ষৰ পখিলা (Redbreast, বৈজ্ঞানিক নাম-Papilio alcmenor) দক্ষিণ এছিয়াত দেখা পোৱা এটা চাতকনেজীয়া পখিলাৰ প্ৰজাতি৷

বিৱৰণ

মতা ৰঙাবক্ষৰ পখিলাৰ পাখিৰ ওপৰৰ অংশ ক'লা৷ আগফালৰ পাখি (Fore wing)ৰ বৰণ ক'লা, তাতে শেঁতা বৰণৰ কিছুমান পথালি আৰু সমান্তৰাল আঁচ থকা দেখা যায়৷ পাখিৰ তলৰ অংশ ধূসৰ বৰণীয়া আৰু আঁচবোৰ ওপৰৰ পাখিতকৈ যথেষ্ট বহল হয়৷ ইয়াৰ পিছফালৰ পাখিৰ বৰণ ক'লা৷ আগফালৰ পাখিৰ গুৰিত এটা গাঢ় ৰঙা দাগ থাকে৷

মাইকী ৰঙাবক্ষৰ পখিলাৰ পাখিৰ ওপৰৰ অংশ পাতল ক'লা বৰণীয়া৷ আগফালৰ পাখি দুখনত থকা পথালি আৰু সমান্তৰাল আঁচবোৰ (adnervular streaks) শেঁতা আৰু বহল হয়৷ ^১

বিতৰণ

উত্তৰ-পূব ভাৰত, নেপাল, ভূটান আৰু চীনত ই বিস্তৃত হৈ আছে৷

স্থিতি

ৰঙাবক্ষৰ পখিলা সতকাই দেখিবলৈ পোৱা যায় আৰু বৰ্তমানলৈকে ই সংকটৰ পৰা মুক্ত বুলি ঠাৱৰ কৰা হৈছে৷^২

লগতে পঢ়ক

• Evans, W.H. (1932) The Identification of Indian Butterflies. (2nd Ed), Bombay Natural History Society, Mumbai, India
• Haribal, Meena (1994) Butterflies of Sikkim Himalaya and their Natural History.
• Wynter-Blyth, M.A. (1957) Butterflies of the Indian Region, Bombay Natural History Society, Mumbai, India.