৫ অক্টোবৰ

আজিৰ দিনটোত ঘটা কেইটামান উল্লেখযোগ্য ঘটনা হ’ল-

ঘটনাৱলী

• ১৮৬৪ - ভাৰতৰ কলকাতাৰ বেছিভাগ অঞ্চল ক্ৰান্তীয় ঘূৰ্ণীবতাহৰ দ্বাৰা প্লাবিত আৰু ধ্বংস হৈছিল। এই ঘূৰ্ণীবতাহক ১৮৬৪ চনৰ কলিকতা ঘূৰ্ণীবতাহ বুলি অভিহিত কৰা। এই ধুমুহাৰ ফলত ৬০,০০০ ৰো অধিক লোকৰ মৃত্যু হৈছিল।
• ১৯১০ - পৰ্তুগালৰ এক বিপ্লৱত ৰাজতন্ত্ৰৰ সমাপ্তি ঘটে আৰু গণৰাজ্য ঘোষণা কৰা হয়।
• ১৯৬২ - ইয়ান ফ্লেমিংৰ 'ডক্টৰ ন'' উপন্যাসৰ ওপৰত আধাৰিত জেমছ বণ্ড চলচ্চিত্ৰ শৃংখলাৰ প্ৰথম খন চলচ্চিত্ৰ ব্ৰিটেইনত মুক্তি লাভ কৰে।
• ১৯৮৮ - ব্ৰাজিলৰ সংবিধান সভাই তেওঁলোকৰৰ সংবিধানৰ অনুমোদন জনায়।
• ২০১১ - ভাৰতত বিশ্বৰ আটাইতকৈ সস্তা ২২৫০ টকাৰ টেবলেট পিচি আকাশ মুকলি কৰা হৈছিল।

জন্ম

• ১৫২৪ - ৰাণী দুৰ্গাৱতী, গোণ্ডৰ ৰাণী, ভাৰতৰ ইতিহাসৰ এগৰাকী প্ৰসিদ্ধ বীৰাংগনা।
• ১৮৮২ - ৰবাৰ্ট হাচিংছ গ'ডাৰ্ড, এজন আমেৰিকান অভিযন্তা, অধ্যাপক, পদাৰ্থবিজ্ঞানী আৰু আৱিষ্কাৰক আছিল। তেখেতক পৃথিৱীৰ প্ৰথম তৰল-ইন্ধনযুক্ত ৰকেট সৃষ্টি আৰু নিৰ্মাণকৰাৰ কৃতিত্ব দিয়া হয়। (জঃ আগষ্ট ১০, ১৯৪৫)
• ১৯০৩ - মেৰিয়ন কিং হুবাৰ্ট, আমেৰিকান ভূতাত্ত্বিক আৰু ভূ-পদাৰ্থবিজ্ঞানী। তেওঁ 'হুবাৰ্ট পিক থিয়ৰী'ৰ (Hubbert peak theory) বাবে জনাজাত। (জঃ ১১ অক্টোবৰ, ১৯৮৯)
• ১৯২৩ - কৈলাশপতি মিশ্ৰ, এজন ৰাজনীতিবিদ আৰু গুজৰাটৰ ৰাজ্যপাল আছিল।
• ১৯৫২ - ইমৰান খান, পাকিস্তানৰ ক্ৰিকেটাৰ তথা প্ৰধানমন্ত্ৰী।
• ১৯৬৩ - আদিল হুছেইন, অসমৰ এগৰাকী প্ৰসিদ্ধ মঞ্চ, দূৰদৰ্শন আৰু চলচ্চিত্ৰ অভিনেতা।
• ১৯৭৫ - কেট ৱিনস্লেট, ব্ৰিটিছ অভিনেত্ৰী, আৰ. এম. এছ. টাইটানিক আৰু ৰিভলিউচনৰী ৰোড কথাছবিৰ বাবে বিখ্যাত, ইংলেণ্ডৰ বাৰ্কশায়াৰৰ ৰিডিঙত জন্মগ্ৰহণ কৰিছিল।

মৃত্যু

• ৫৭৮ - জাষ্টিন দ্বিতীয়, বাইজেন্টাইন সম্ৰাট। (জন্মঃ ৫২০)
• ১০৫৬ - হেনৰী তৃতীয়, ৰোমান সম্ৰাট। (জন্মঃ ১০১৬)
• ১২৮৫ - ফিলিপ তৃতীয়, ফ্ৰান্স ৰজা।
• ১৮০৫ - লৰ্ড কৰ্ণৱালিছ, ভাৰতত ব্ৰিটিছ সাম্ৰাজ্যৰ দ্বিতীয় গৱৰ্ণৰ আছিল।
• ২০১১ - ষ্টিভ জবছ, তেওঁ এপ'ল আই এন চিৰ অধ্যক্ষ, মুখ্য কাৰ্যবাহী বিষয়া (চিইও) আৰু সহ-প্ৰতিষ্ঠাপক আছিল।

দিৱস

• বিশ্ব শিক্ষক দিৱস।
• বিশ্ব মহাকাশ সপ্তাহৰ দ্বিতীয় দিন।(৪ ৰ পৰা ১০ অক্টোবৰলৈ পালন কৰা হয়)

বাহ্যিক সংযোগ

• বিবিচি: এই দিনত
• দ্য নিউ য়ৰ্ক টাইমচ: এই দিনটোত ঘটা কেইটামান উল্লেখযোগ্য ঘটনা