হেজেল ক্ৰাউনী

হেজেল ক্ৰাউনী (ইংৰাজী ভাষা: Hazel Crowney; যাক হেজেল ক্ৰোনী বুলিও লিখা হয়) এগৰাকী ব্ৰিটিছ অভিনেত্ৰী আৰু মডেল। তেওঁ কেইবাটাও বিজ্ঞাপন অভিযান আৰু কিছুমান বলিউডৰ চলচ্চিত্ৰত অভিনয় কৰিছে।

প্ৰাৰম্ভিক জীৱন

ক্ৰাউনীৰ জন্ম যুক্তৰাজ্যৰ লণ্ডনত হৈছিল। তেওঁৰ পিতৃ-মাতৃ কৰিন আৰু ফিল ক্ৰাউনী ইংৰাজ আছিল। তেওঁৰ ৰবীন আৰু জুয়ী নামৰ দুগৰাকী কনিষ্ঠ ভগ্নী আছে। হেজেল ইংলেণ্ডৰ চেষ্টাৰৰ গ্ৰসভেনৰ পাৰ্কত ডাঙৰ-দীঘল হৈছিল। তেওঁ টানব্ৰিজ ৱেলছৰ বেনেট মেমৰিয়েল স্কুলত বিদ্যালয়ৰ শিক্ষা সমাপ্ত কৰে আৰু পিছলৈ ৱেষ্ট কেণ্ট কলেজত ফেশ্বন আৰু বস্ত্ৰশিল্প অধ্যয়ন কৰে।^১

কৰ্মজীৱন

২০০৪ চনত ক্ৰাউনীয়ে থাইলেণ্ডত ভ্ৰমণ কৰি থকাৰ সময়ত তাত এখন ভাৰতীয় ছবিৰ দৃশ্যগ্ৰহণ চলি থকা অৱস্থাত বলীউডত প্ৰৱেশৰ সুযোগ লাভ কৰে। বলীউডৰ ছবিত তেওঁৰ প্ৰথম উপস্থিতি আছিল ‘লেকে পেহলা পেহলা প্যাৰ’ নামৰ আইটেম গানটোত। তেওঁ জানচিন ছবিত এগৰাকী অতিৰিক্ত শিল্পী হিচাপে কাম কৰিছিল।^২ ভাৰতীয় উপমহাদেশৰ বিষয়ে বিশেষ জ্ঞান নথকা সত্ত্বেও তেওঁ সংগীত আৰু নৃত্যৰ প্ৰতি আকৰ্ষিত হৈছিল আৰু মুম্বাইত ভাগ্য পৰীক্ষা কৰাৰ সিদ্ধান্ত লৈছিল।^১

২০০৭ চনত এমপি৩: মেৰা পেহলা পেহলা প্যাৰ ছবিত প্ৰথমটো সঠিক চৰিত্ৰ লাভ কৰাৰ পূৰ্বে তেওঁ পণ্ডছ, নকিয়া, এইচ এছ বি চি আৰু ছামছুঙৰ দৰে ব্ৰেণ্ডৰ বিজ্ঞাপনত কাম কৰিছিল। ইয়াৰ উপৰি তেওঁ বহুতো অনুষ্ঠানত কাম কৰিছিল যাৰ বাবে তেওঁক উচ্চ পাৰিতোষিক দিয়া হৈছিল।^৩

২০১০ চনত ৰাজ ঠাকৰেৰ নেতৃত্বত মহাৰাষ্ট্ৰ নৱনিৰ্মাণ সেনাই (MNS) হেজেল ক্ৰাউনী আৰু এলিচ প্যাটেনৰ দৰে ভাৰতীয় মূলৰ নোহোৱা অভিনেত্ৰীসকলক বলীউড ত্যাগ কৰিবলৈ দাবী জনাইছিল। তেওঁলোকে অভিযোগ কৰিছিল যে বিদেশী অভিনেতা-অভিনেত্ৰীসকলে স্থানীয় লোকৰ কৰ্মসংস্থাপনৰ সুযোগ কাঢ়ি লৈছে।^৪

ক্ৰাউনীয়ে ২০১৪ চনত মুক্তি পোৱা কাশ তুম হোতে নামৰ ছবিখনৰ ‘ৰেছমা কি জাৱানী’ নামৰ এটি আইটেম গানত নৃত্য পৰিৱেশন কৰিছে।^৫ ইয়াৰ উপৰি তেওঁ ২০১৬ চনত মুক্তি পোৱা তেলেগু ছবি শংকৰাত এটা আইটেম গানত অভিনয় কৰিছিল।^৬

চলচ্চিত্ৰপঞ্জী

চলচ্চিত্ৰসমূহ

টেলিভিছনত উপস্থিতি