সোণম ডেচান ৱাংচুক

ৰাজকুমাৰী সোণম ডেচান ৱাংচুক (: Sonam Dechan Wangchuck ড্জংখা: བསོད་ནམས་བདེ་ཆེན་དབང་ཕྱུག, ৱাইলি: bsod nams bde chen dbang phyug, জন্ম ৫ আগষ্ট ১৯৮১) ভূটানৰ এগৰাকী ৰাজকুমাৰী। ভূটানৰ চতুৰ্থ ৰজা জিগমে চিংগে ৱাংচুক আৰু ৰাণী মাতৃ ডৰ্জি ৱাংমো ৱাংচুকৰ কন্যা। পঞ্চম ৰজা জিগমে খেছাৰ নামগিয়েল ৱাংচুকৰ আঢ়ৈ বছৰীয়া ভগ্নী।

জীৱনী

আমেৰিকাৰ কানেকটিকাটৰ ৱালিংফোৰ্ডৰ চোয়াটে ৰোজমেৰী হলৰ লুংটেনজাম্পা মধ্য মাধ্যমিক বিদ্যালয় আৰু ইয়াংচেনফুগ উচ্চতৰ মাধ্যমিক বিদ্যালয়ত শিক্ষা গ্ৰহণ কৰে।

ষ্টেনফৰ্ড বিশ্ববিদ্যালয়ৰ পৰা আন্তঃৰাষ্ট্ৰীয় সম্পৰ্কত ডিগ্ৰী লাভ কৰিছে (১৯৯৯) আৰু হাৰ্ভাৰ্ড ল স্কুলৰ পৰা আইনত স্নাতকোত্তৰ ডিগ্ৰী লাভ কৰিছে (২০০৭)।^১ ভূটানৰ ৰয়েল হাইকোৰ্টতো কেৰাণী হিচাপে কাম কৰিছিল, পিছলৈ ভূটান ৰাজ্যৰ ন্যায়পালিকাত ভূটান নেচনেল লিগেল ইনষ্টিটিউটৰ (বিএনএলআই) সভানেত্ৰী হিচাপে কাম কৰিছিল।

ভূটানী ভাষাত সোণম শব্দৰ অৰ্থ হৈছে, পুণ্য, দীৰ্ঘায়ু আৰু সৌভাগ্য।

বিবাহ আৰু সন্তান

২০০৯ চনৰ ৫ এপ্ৰিলত মটিথাং প্ৰাসাদত তেওঁৰ এজন দূৰৈৰ আত্মীয় ফুব ডব্লিউ ডৰ্জি (জন্ম ১৯৮০ চনৰ ১ জানুৱাৰীত)^২ বিবাহপাশত আবদ্ধ হয়। ফুব ডব্লিউ ডৰ্জিয়ে আমেৰিকাৰ বিশ্ববিদ্যালয়ৰ পৰা ডিগ্ৰী লাভ কৰিছে, পিছলৈ তেওঁ বিত্ত মন্ত্ৰালয়ত কাম কৰিছিল।^৩

তেওঁলোকৰ দুজন পুত্ৰ আছে:

• জিগজে চিংগে ৱাংচাক (জন্ম ৩ ডিচেম্বৰ ২০০৯)।^৪৫৬৭
• বৈৰোচানা ৰিনপোচে ঙাৱাং জিগমে জিগটেন ৱাংচুক, বৈৰোচানা ৰিনপোচে (জন্ম ২৩ জুন ২০১৩)। ৭০ নং জে খেনপো জিগমে চোয়েড্ৰাক গ্ৰেট লটছাৱা (অনুবাদক) বৈৰোত্সনাৰ পুনৰ্জন্ম হিচাপে স্বীকৃতি দিয়ে।^৮

পৃষ্ঠপোষকতা

• তাৰায়না ফাউণ্ডেশ্যন (টি এফ)ৰ ব'ৰ্ডৰ সদস্য।^৯
• ২০১০ চনৰ পৰা জিগমে চিংগে ৱাংচাক স্কুল অৱ ল (জে এছ ডব্লিউ ল)ৰ সন্মানীয় সভাপতি।^১০

চৰকাৰী ভ্ৰমণ

• ২৪ অক্টোবৰ ২০১৭ – জাপান।^১১
• ৩ অক্টোবৰ ২০২২ – জাপান^১২

শিৰোনাম আৰু শৈলী

৫ আগষ্ট ১৯৮১ – বৰ্তমান: তেওঁৰ ৰয়েল হাইনেছ ৰাজকুমাৰী আশী সোণম ডেচান ৱাংচাক।^১৩

বিদেশী সন্মান

• টংগা:
• টংগাৰ মুকুটৰ ৰয়েল অৰ্ডাৰৰ নাইট গ্ৰেণ্ড ক্ৰছ^১৪

লগতে চাওক

• হাউচ অৱ ৱাংচাক
• ভূটানৰ সিংহাসনৰ উত্তৰাধিকাৰ ৰেখা