সন্দীপ দীক্ষিত

সন্দীপ দীক্ষিত (জন্ম ১৫ আগষ্ট ১৯৬৪) এজন ভাৰতীয় ৰাজনীতিবিদ, উন্নয়ন পৰিচালক আৰু শিক্ষাবিদ। তেওঁ দিল্লীৰ প্ৰাক্তন মুখ্যমন্ত্ৰী শীলা দীক্ষিতৰ পুত্ৰ। তেওঁ ভাৰতৰ ১৫সংখ্যক লোকসভাৰ সদস্য আছিল।^১ তেওঁ দিল্লীৰ পূব দিল্লী সমষ্টিক প্ৰতিনিধিত্ব কৰিছিল আৰু ভাৰতীয় জাতীয় কংগ্ৰেছ (INC) ৰাজনৈতিক দলৰ সদস্য।^২

প্ৰাথমিক জীৱন

সন্দীপ দীক্ষিতৰ জন্ম হৈছিল দিল্লীৰ প্ৰাক্তন মুখ্যমন্ত্ৰী শীলা দীক্ষিত আৰু উত্তৰ প্ৰদেশৰ কেডাৰৰ আই এ এছ বিষয়া বিনোদ দীক্ষিত ^৩ৰ ঘৰত।

সন্দীপে ছেইণ্ট ষ্টিফেন্স কলেজৰপৰা ইতিহাসত স্নাতকোত্তৰ ডিগ্ৰী লাভ কৰে আৰু ১৯৮৯ চনত ইনষ্টিটিউট অৱ ৰুৰেল মেনেজমেণ্ট, আনন্দ (আই আৰ এম এ)ত গ্ৰাম্য ব্যৱস্থাপনাত স্নাতকোত্তৰ ডিপ্লমা লাভ কৰে।^৪

কেৰিয়াৰ

সক্ৰিয় ৰাজনীতিত প্ৰৱেশ কৰাৰ পূৰ্বে সন্দীপ দীক্ষিত সমাজ উন্নয়ন গোট সংকেত তথ্য আৰু গৱেষণা সংস্থা প্ৰাইভেট লিমিটেডৰ নেতৃত্ব দিছিল। লিমিটেডে ১৯৯৬ চনত বিশ্বৰ প্ৰথমটো উপ-ৰাষ্ট্ৰীয় মানৱ উন্নয়ন প্ৰতিৱেদনৰ পথ-প্ৰদৰ্শক আছিল।^৫৬ তেওঁ শনিপাটৰ অ' পি জিণ্ডাল গ্ল'বেল ইউনিভাৰ্চিটিত অধ্যাপক হিচাপেও কাৰ্যনিৰ্বাহ কৰিছিল।^৭

২০১৯ চনৰ জুন মাহত তেওঁ ভাৰতীয় সেনা প্ৰধান জেনেৰেল বিপিন ৰাৱটৰ আচৰণক "ৰাস্তাত গুণ্ডা"ৰ সৈতে তুলনা কৰি বিতৰ্কৰ সূচনা কৰিছিল আৰু পিছত টুইটাৰৰ জৰিয়তে ক্ষমা বিচাৰিছিল।^৮

ব্যক্তিগত জীৱন

তেওঁৰ বিবাহ মোনা দীক্ষিতৰ সৈতে।^৩ তেওঁলোকৰ এগৰাকী কন্যা সন্তান আছে।^৩