শ্ৰুতি কাপুৰ

ড° শ্ৰুতি কাপুৰ (জন্ম-২৫ ছেপ্টেম্বৰ) এগৰাকী ভাৰতীয় অৰ্থনীতিবিদ, মহিলা অধিকাৰ কৰ্মী আৰু সামাজিক উদ্যোগী। তেওঁ ছেইফটি (Sayfty)ৰ প্ৰতিষ্ঠাপক,^১যি পদক্ষেপৰ লক্ষ্য হৈছে যুৱতী আৰু কিশোৰীক সকলো ধৰণৰ হিংসাৰ বিৰুদ্ধে শিক্ষিত কৰা আৰু তেওঁলোকক সবলীকৰণ কৰা।^২

প্ৰাথমিক জীৱন আৰু শিক্ষা

ভাৰতৰ কানপুৰত জন্মগ্ৰহণ কৰা কাপুৰে ২০০০ চনত আমেৰিকালৈ যায়।^৩৪ মাৰকেউট বিশ্ববিদ্যালয়ৰ পৰা অৰ্থনীতিত স্নাতকোত্তৰ ডিগ্ৰী লাভ কৰাৰ পিছত তেওঁ দুবছৰ ধৰি ৱাশ্বিংটন ডি চিৰ বিশ্ব বেংকৰ অৰ্থনীতিবিদ হিচাপে কাম কৰিছিল৷^{৫ ৬}ইয়াৰ পিছত তেওঁ অৰ্থনীতিত পিএইচডি সম্পূৰ্ণ কৰিবলৈ কেলিফৰ্ণিয়ালৈ যায়৷^৬ আৰু বিশ্ব বেংকৰ পৰামৰ্শদাতা হিচাপে কাম কৰে। ডক্টৰেট ডিগ্ৰী লাভ কৰাৰ পিছত কাপুৰে এবছৰ ধৰি অক্সিডেণ্টেল কলেজত অৰ্থনীতিৰ অধ্যাপনা কৰে।^৬

কৰ্ম

কাপুৰে ২০১৩ চনৰ জুন মাহত যুৱতী আৰু কিশোৰীক সকলো ধৰণৰ হিংসাৰ বিৰুদ্ধে শিক্ষা আৰু সবলীকৰণৰ বাবে Sayfty প্ৰতিষ্ঠা কৰে।^৩ এই পদক্ষেপে যুৱতী আৰু কিশোৰীসকলক আত্মৰক্ষাৰ ক্ষেত্ৰত প্ৰশিক্ষণ দিয়া, জলকীয়া-স্প্ৰেৰ দৰে সুৰক্ষা সঁজুলি ব্যৱহাৰ কৰা^৫ আইন আৰু আইনী অধিকাৰৰ প্ৰতি সজাগতা বৃদ্ধি কৰা,^৫ আৰু মহিলাসকলে অসুৰক্ষিত অনুভৱ কৰোৱা একাধিক দিশত গুৰুত্ব আৰোপ কৰা হৈছে। ২০১৫ চনত ফেমভাৰটাইজিঙৰ দ্বাৰা আয়োজিত অনুষ্ঠানত তেওঁলোকৰ প্ৰতিষ্ঠানটোৱে পিপলছ চয়ছ বঁটা লাভ কৰে।^৭৮ ২০১২ চনত দিল্লীত ২৩ বছৰীয়া এগৰাকী মহিলাক দলবদ্ধ ধৰ্ষণ আৰু হত্যাৰ পিছত কাপুৰে ছেইফটি প্ৰতিষ্ঠা কৰিছিল৷^৯