শ্বেতা ত্ৰিপাঠী

শ্বেতা ত্ৰিপাঠী (জন্ম-৭ জুলাই ১৯৮৫) হৈছে এগৰাকী ভাৰতীয় অভিনেত্ৰী৷ প্ৰডাকচন সহকাৰী আৰু সহযোগী পৰিচালিকা হিচাপে তেখেতে ছবিজগতত নিজৰ কেৰিয়াৰৰ পাতনি মেলে৷ কিন্তু হিন্দী কথাছবি আৰু ৱেব চিৰিজত অভিনয়ৰ জৰিয়তেহে শ্বেতাই প্ৰশংসা আৰু সমাদৰ লাভ কৰে৷ তেখেতৰ উল্লেখনীয় কৰ্ম হৈছে মাছান (২০১৫) আৰু হাৰামখোৰ (২০১৭).^১২৩

ব্যক্তিগত জীৱন

১৯৮৫ চনৰ ৬ জুলাইত শ্বেতা ত্ৰিপাঠীৰ জন্ম হৈছিল৷ জন্মৰ স্থান আছিল নতুন দিল্লী৷ ^৪ তেখেতৰ পিতৃ ভাৰতীয় অসামৰিক সেৱাৰ লগত জড়িত৷ মাতৃ এগৰাকী অৱসৰপ্ৰাপ্ত শিক্ষয়িত্ৰী৷ পিতৃয়ে চাকৰিসূত্ৰে কেইবাখনো ঠাই সলাই থাকিবলগা হোৱা বাবে শ্বেতাই তেওঁৰ শৈশৱ আন্দামান আৰু নিকোবৰ দ্বীপপুঞ্জ, আৰু মুম্বাইত কটাবলগীয়া হয়৷ ^৪ আন্দামানত কটোৱা সময়খিনিত তেখেতে সৰ্বাধিক সুখৰ সময় বুলি অভিহিত কৰে-"That’s when I discovered how much I like travelling and being outdoors. Every weekend used to be a picnic on a new island, and it was an enriching experience".^৫ উচ্চতৰ মাধ্যমিকৰ শিক্ষা গ্ৰহণ কৰিবলৈ ত্ৰিপাঠী নতুন দিল্লীলৈ ঘূৰি আহে আৰু আৰকে পুৰমত থকা দিল্লী পাব্লিক স্কুলত শিক্ষাগ্ৰহণ কৰে৷ তাৰপিছত তেখেতে "নেশ্যনেল ইনষ্টিটিউট অৱ ফেশ্যন টেকন'লজি"ত অধ্যয়ন কৰে আৰু ফেশন কমিউনিকেশণত ডিগ্ৰী অৰ্জন কৰে৷^৬ ২০১৮ চনৰ ২৯ জুনত অভিনেতা আৰু ৰেপাৰ চৈতন্য শৰ্মাৰ লগত তেখেতে বৈবাহিকজীৱনৰ পাতনি মেলে৷ ^৭

অভিনয়-জীৱন

হিন্দী কথাছবি "মছান"ৰ জৰিয়তে শ্বেতা চৰ্চাৰ মাজলৈ আহে৷ ইয়াৰ পিছত শ্বেতাই ডিজনি ইণ্ডিয়াৰ ছিট কম "ক্য মষ্ট হ্যে লাইফ"ত এটি ল'ৰাসুলভ চৰিত্ৰ "জেনিয়া খান" ৰূপায়ণ কৰে৷ ^৮৯ টাটা স্কাই, ভোডাফোন আৰু মেকডোনাল্ডছৰ দৰে ব্ৰেণ্ডৰ বিজ্ঞাপনতো শ্বেতাই অভিনয় কৰিছে৷^১০ ফেমিনা ইণ্ডিয়াৰ আলোচনীত তেখেতে ফটো সম্পাদক হিচাপে কাৰ্যনিৰ্বাহ কৰিছিল৷ "ক্যা মষ্ট হে লাইফ"ৰ লগত জড়িত হোৱাৰ আগেয়ে শ্বেতাই পিক্সিৱন ট্ৰেইলাৰ হাউছত কাম কৰিছিল৷ তদুপৰি তেখেতে "অল মাই টি প্ৰডাকছনচ" নামৰ থিয়েটাৰ কোম্পানী এটাও চলাইছিল৷^১১

বিন্দাছত প্ৰচাৰিত "দ্য ট্ৰিপ"ত শ্বেতাই অংশ লৈছিল৷ ^১২সাৰাৱন ৰাজেন্দ্ৰন পৰিচালিত "মেহেন্দী চাৰ্কাছ" আছিল শ্বেতাৰ প্ৰথমখন তামিল ভাষাৰ ছবি৷^১৩ আইফোনযোগে দৃশ্যগ্ৰহণ কৰা পূৰ্ণ দৈঘ্যৰ ভাৰতীয় ছবি "মুভি জু"ত শ্বেতাই কাম কৰিছিল৷^১৪পৰৱৰ্তী কালত শ্বেতাই "মিৰ্জাপুৰ" নামৰ ৱেব-চিৰিজটোত অভিনয় কৰে৷^১৫ শেহতীয়া ছবি গ'ন কেশ হৈছে শ্বেতাৰ উল্লেখনীয় কৰ্ম৷ ছবিখনত শ্বেতাই এলোপেছিয়া ৰোগত আক্ৰান্ত যুৱতীৰ চৰিত্ৰত অভিনয় কৰে-যিয়ে জীৱনত সংঘাত আৰু আত্মমৰ্যাদা প্ৰতিষ্ঠা কৰিবলৈ যুঁজ দিবলগীয়া হয়৷^১৬

টিভিএফৰ "ট্ৰিপলিঙ"ৰ দ্বিতীয়টো ছিজনত শ্বেতাই বেগম জেইনাবৰ চৰিত্ৰ ৰূপায়ণ কৰে৷ ^১৭

এমাজন প্ৰাইম ভিডিঅ'যোগে সম্প্ৰচাৰিত হোৱা ৱেব-চিৰিজ "লাখো মে এক"ৰ দ্বিতীয়টো চিজনত শ্বেতাই এগৰাকী চিকিৎসক ডা০ শ্ৰেয়াৰ ভূমিকা ৰূপায়ণ কৰে৷ শ্বেতাৰ অভিনয়ৰ প্ৰশংসা কৰি ইণ্ডিয়া টুডেয়ে কয় যে-The star of the show is Shweta Tripathi (Masaan and Mirzapur), in her first leading turn in a web series.^১৮

চলচ্চিত্ৰপুঞ্জী

ছবি

দূৰদৰ্শন