ল'ৰা ভাণ্ডাৰভৰ্ট

ল’ৰা ডায়েন ভাণ্ডাৰভৰ্ট^১ (জন্ম: ২২ ছেপ্টেম্বৰ, ১৯৮৪)^১ এগৰাকী কানাডিয়ান অভিনেত্ৰী। তেওঁ এবিচিৰ বিজ্ঞান কল্পকাহিনী ধাৰাবাহিক ভিত (২০০৯) লিছাৰ চৰিত্ৰত অভিনয় কৰাৰ বাবে বেছিকৈ পৰিচিত।^২৩৪ ইয়াৰ উপৰি তেওঁ চিটিভিৰ টিন ড্ৰামা ধাৰাবাহিক ইনষ্টেণ্ট ষ্টাৰত চেডি হেৰিছন, ছিফিৰ অতিপ্ৰাকৃতিক ড্ৰামা ধাৰাবাহিক হেভেনত আৰ্লা ক’গান আৰু দ্য চিডব্লিউৰ ধাৰাবাহিক স্মলভিলত কাৰা জোৰ-এল (ছুপাৰগাৰ্ল) চৰিত্ৰৰ বাবে জনাজাত।^২৫৩৪ ২০১৪ চনত তেওঁ কেলী আৰ্মষ্ট্ৰঙৰ গ্ৰন্থ শৃংখলা ৱমেন অৱ দ্য আদাৰৱৰ্ল্ডৰ টেলিভিছন ৰূপান্তৰ বিটেনত এলেনা মিচেলছ হিচাপে অভিনয় কৰিছিল।^৪৬৭৮

প্ৰাৰম্ভিক জীৱন

ভাণ্ডাৰভৰ্টৰ জন্ম আৰু লালন-পালন অণ্টাৰিঅ’ৰ টৰণ্টোত হৈছিল।^১২ তেওঁ এগৰাকী কানাডিয়ান মাতৃ আৰু এজন ডাচ (ওলন্দাজ) পিতৃৰ কন্যা। জন্মৰ প্ৰথম কেইসপ্তাহমানৰ ভিতৰতে তেওঁ মেনিনজাইটিছত আক্ৰান্ত হৈছিল, যাৰ ফলত তেওঁ কেইবামাহো ধৰি গুৰুতৰ নৰিয়াত পৰিছিল। আৰম্ভণিতে তেওঁৰ পিতৃ-মাতৃক কোৱা হৈছিল যে তেওঁ বাচি থকাৰ সম্ভাৱনা নাই।^৯১০ ডাঙৰ-দীঘল হোৱাৰ সময়ত ভাণ্ডাৰভৰ্ট ফুটবল, কেৰাটে (য’ত তেওঁ দ্বিতীয় ডিগ্ৰী ব্লেক বেল্ট লাভ কৰিছে),^১২৮ বাস্কেটবল, টেনিছ, জিমনাষ্টিক আৰু বেছবলৰ দৰে কেইবাটাও খেলৰ সৈতে জড়িত আছিল। তেওঁৰ চাৰা নামৰ এগৰাকী ডাঙৰ ভগ্নী আছে^১৪ আৰু তেওঁ কানাডিয়ান অভিনেতা গৰ্ডন পিনচেণ্টৰ সম্পৰ্কীয়।

কেৰিয়াৰ

১৯৯৭ চনত ১৩ বছৰ বয়সত তেওঁ অভিনয়ত আত্মপ্ৰকাশ কৰে।^২ কেইবাটাও পাঠ্যক্ৰম গ্ৰহণ কৰাৰ লগতে ৰোড টু এভনলিয়া আৰু হেৰিয়েট দ্য স্পাইৰ দৰে কানাডিয়ান শ্ব’ত নেপথ্যৰ কাম (background work) কৰাৰ পাছত, তেওঁ কানাডিয়ান শিশুসকলৰ ভৌতিক ধাৰাবাহিক গোচবাম্পছ আৰু আৰ ইউ এফ্ৰাইড অৱ দ্য ডাৰ্ক?ত তেওঁৰ প্ৰথম সংলাপ থকা চৰিত্ৰ লাভ কৰে। এই দুয়োখন ধাৰাবাহিক ৱাইটিভি (YTV)ত সম্প্ৰচাৰিত হৈছিল।^২

বিভিন্ন বিজ্ঞাপন আৰু মিউটেণ্ট এক্স, প্ৰম কুইন: দ্য মাৰ্ক হল ষ্ট’ৰী, গোচবাম্পছ, টুৱাইচ ইন এ লাইফটাইম, ডক, ছু থমাছ: এফ.বি.আই., ট্ৰাবলড ৱাটাৰ্ছ, দ্য ড্ৰেছডেন ফাইলছ আৰু কেইখনমান ডিজনী চেনেলৰ মৌলিক চলচ্চিত্ৰত (মমছ গট এ ডেট উইথ এ ভেম্পায়াৰ আৰু এলী কেটছ ষ্ট্ৰাইক) অতিথি শিল্পী হিচাপে অভিনয় কৰাৰ পাছত, ১৯ বছৰ বয়সত তেওঁ চিটিভিৰ টিন ড্ৰামা ধাৰাবাহিক ইনষ্টেণ্ট ষ্টাৰত চেডি হেৰিছনৰ মুখ্য চৰিত্ৰত অভিনয় কৰাৰ সুযোগ পায়। সেই সময়ত তেওঁ ইয়ৰ্ক বিশ্ববিদ্যালয়ত মনোবিজ্ঞান আৰু ইংৰাজী বিষয়ত অধ্যয়ন কৰি আছিল।^১১১ এই ধাৰাবাহিকখন চাৰিটা ছিজন ধৰি চলিছিল।^২১১

২০০৬ চনত ভাণ্ডাৰভৰ্টে জেফ ডেনিয়েলছ, জোচেফ গৰ্ডন-লেভিট, মেথিউ গুড আৰু ইছলা ফিচাৰৰ সৈতে দ্য লুকআউট নামৰ তেওঁৰ প্ৰথমখন পূৰ্ণদৈৰ্ঘ্য চলচ্চিত্ৰত অভিনয় কৰে। ইয়াৰ পিছত চিএছআই: ক্ৰাইম চীন ইনভেষ্টিগেচনৰ দৰে কেইবাটাও টেলিভিছন অনুষ্ঠানত অভিনয় কৰাৰ সূত্ৰে তেওঁ দ্য চিডব্লিউৰ ধাৰাবাহিক স্মলভিলত ক্লাৰ্ক কেণ্টৰ ক্ৰিপ্টোনিয়ান ভগ্নী "কাৰা কেণ্ট"ৰ (ছুপাৰগাৰ্ল হ’বলগীয়া চৰিত্ৰটো) চৰিত্ৰত অভিনয় কৰাৰ সুযোগ পায়।^২৫৪৮ তেওঁ সপ্তম ছিজনত এগৰাকী নিয়মীয়া শিল্পী আছিল আৰু অষ্টম ছিজনৰ "ব্লাডলাইন" খণ্ডত অভিনয় কৰিছিল।^৫ তাৰপিছত তেওঁ স্মলভিলৰ দশম তথা অন্তিম ছিজনৰ আন দুটা খণ্ডৰ বাবে উভতি আহে।^৩

স্মলভিলৰ পিছত ভাণ্ডাৰভৰ্টে ইনটু দ্য ব্লু নামৰ চলচ্চিত্ৰখনৰ ছিকুৱেল ইনটু দ্য ব্লু ২: দ্য ৰিফত অভিনয় কৰে।^৫ ইয়াৰ পিছত তেওঁ দ্য জাজমেন নামৰ এখন স্বতন্ত্ৰ প্ৰযোজনাৰ ছবিত অভিনয় কৰে।

ভাণ্ডাৰভৰ্টে ২০০৯ চনৰ এবিচিৰ বিজ্ঞান কল্পকাহিনী ধাৰাবাহিক ভিত "লিছা" নামৰ এক বহিৰ্জাগতিক দৰ্শনাৰ্থীৰ চৰিত্ৰত অভিনয় কৰিছিল, যিখন ১৯৮০ চনৰ একে নামৰ বিজ্ঞান কল্পকাহিনী ফ্ৰেঞ্চাইজিৰ পুনৰ্নিৰ্মাণ আছিল।^২৩৪৮

২০১০ চনত ভাণ্ডাৰভৰ্টে ৰিভাৰৱৰ্ল্ড নামৰ দুটা খণ্ডৰ মিনিচিৰিজত জেছি মেকচালানৰ চৰিত্ৰত অভিনয় কৰে। ২০১১ চনত তেওঁ ৰে লিঅ’টা আৰু কেভিন জেগাৰ্ছৰ সৈতে দ্য এণ্টিটল্ড নামৰ এখন ছছপেন্স চলচ্চিত্ৰত অভিনয় কৰে।^২১২

২০১১ চনৰ অক্টোবৰত তেওঁ "এক্সটিক স্কিনছ" অভিযানৰ অংশ হিচাপে পেটা (PETA)ৰ বাবে পোজ দিছিল আৰু ২০১৪ চনত সাগৰীয় স্তন্যপায়ী প্ৰাণীবোৰক আবদ্ধ কৰি ৰখাৰ বিৰুদ্ধে প্ৰতিবাদ জনাই আন এটা বিজ্ঞাপনৰ বাবে তেওঁ বিবস্ত্ৰ হৈ পোজ দিছিল।^১৩ ২০১২ চনত তেওঁ চেঠ মেকফাৰলেনৰ কমেডী চিনেমা টেডত মাৰ্ক ৱাহলবাৰ্গৰ সহকৰ্মী তানিয়াৰ এটা সৰু চৰিত্ৰত অভিনয় কৰিছিল।^২৪

২০১৪ চনত তেওঁ কেলী আৰ্মষ্ট্ৰঙৰ উপন্যাসৰ আধাৰত নিৰ্মিত টিভি ধাৰাবাহিক বিটেনত অভিনয় কৰে।^{৪৬৭১৪}

২০১৬ চনত ভাণ্ডাৰভৰ্টে চিবিএছৰ এক্সন-এডভেন্সাৰ ধাৰাবাহিক ছুপাৰগাৰ্লৰ প্ৰথম ছিজনৰ তিনিটা খণ্ডত ছুপাৰভিলেন ইণ্ডিগো/ব্ৰেইনিয়াক ৮ হিচাপে অভিনয় কৰিছিল।

২০১৯ চনত ভাণ্ডাৰভৰ্টে জোনাথন মেবেৰীৰ গ্ৰন্থ শৃংখলাৰ নেটফ্লিক্স ৰূপান্তৰ ভি ৱাৰ্ছত ইয়ান চমেৰহাল্ডাৰৰ সৈতে অভিনয় কৰে।^১৫

ব্যক্তিগত জীৱন

ভাণ্ডাৰভৰ্ট অণ্টাৰিঅ’ৰ টৰণ্টোত বাস কৰে।^২৪১৬ ২০১৩ চনত তেওঁ অভিনেতা অলিভাৰ ট্ৰেভেনাৰ সৈতে বিবাহপাশত আবদ্ধ হ’বলৈ থিৰ কৰিছিল, কিন্তু ২০১৫ চনত তেওঁলোকৰ এই সম্পৰ্কটো ভাঙি যায়।^১৭ ২০২৩ চনত তেওঁ ডেচিবেল কেনাবিছ কোম্পানীৰ মুখ্য ৰাজহ বিষয়া এডাম ক’টছৰ সৈতে বাগদান সম্পন্ন কৰে আৰু ২০২৫ চনৰ ৬ ছেপ্টেম্বৰত কানাডাৰ লেংডন হল কাউণ্টি হাউচ, হোটেল এণ্ড স্পাত তেওঁলোক বিবাহপাশত আবদ্ধ হয়।^{১৮১৯২০}

বাহ্যিক সংযোগ

• Laura Vandervoort on WhoSay