এলাইনা হাফমেন

এলাইনা কালঞ্জ (ইংৰাজী ভাষা: Alaina Huffman; এলাইনা হাফমেন নামেৰেও পৰিচিত; জন্ম: ১৭ এপ্ৰিল, ১৯৮০) এগৰাকী কানাডিয়ান চলচ্চিত্ৰ আৰু টেলিভিছন অভিনেত্ৰী। তেওঁ টেলিভিছন ধাৰাবাহিক পেইনকিলাৰ জেনৰ বাবে পৰিচিত, য’ত তেওঁ মৌৰিন বাৱাৰ্ছৰ চৰিত্ৰত অভিনয় কৰিছিল। তেওঁ স্মলভিল ধাৰাবাহিকত ডাইনা লেন্স / ব্লেক কেনাৰী আৰু ষ্টাৰগেট ইউনিভাৰ্ছত লেফটেনেণ্ট তামৰা জোহানচেনৰ চৰিত্ৰত অভিনয় কৰিছিল, য’ত তেওঁ এজন নিয়মীয়া অভিনয় শিল্পী আছিল।^১ তেওঁ আমেৰিকান ডাৰ্ক-ফেণ্টাছী ধাৰাবাহিক ছুপাৰনেচাৰেলত নাইট অৱ হেল 'এবাডন'ৰ চৰিত্ৰতো অভিনয় কৰিছিল।

জীৱনী

হাফমেনৰ জন্ম হৈছিল কানাডাৰ ব্ৰিটিছ কলম্বিয়াৰ ভেনকুভাৰত। তেওঁ ক্ৰোৱেচিয়ান বংশোদ্ভূত। ১৩ বছৰ বয়সত তেওঁ ফক্স ফেমিলি চেনেলৰ এটা পাইলট খণ্ডৰ বাবে প্ৰথম অডিচন দিছিল, য’ত তেওঁক মুখ্য চৰিত্ৰৰ বাবে প্ৰস্তাৱ দিয়া হৈছিল। তাৰ পৰিৱৰ্তে এগৰাকী মডেলিং স্কাউটে হাফমেনক নিৰ্বাচিত কৰে আৰু পৰৱৰ্তী কেইবছৰমানৰ বাবে তেওঁ ইউৰোপ আৰু জাপানৰ হাই ফেশ্বন ৰানৱেত মডেলিং কৰিছিল।

যেতিয়া তেওঁৰ পিতৃ-মাতৃ টেক্সাছৰ ডালাচলৈ স্থানান্তৰিত হয়, তেতিয়া তেওঁ আমেৰিকা যুক্তৰাষ্ট্ৰত থকা আৰু কলেজত নামভৰ্তি কৰাৰ সুযোগ দেখে আৰু মডেলিং ত্যাগ কৰে। স্কুলত থকাৰ সময়তে তেওঁ ধাৰাবাহিকভাৱে কেইবাখনো স্বতন্ত্ৰ ছবিত অভিনয় কৰিছিল। অৱশেষত তেওঁ লছ এঞ্জেলচলৈ গুচি যায় আৰু তাত নিজৰ কেৰিয়াৰত অধিক টেলিভিছন ক্ৰেডিট যোগ কৰে।

এলাইনাৰ প্ৰাক্তন স্বামী জন হাফমেনৰ সৈতে চাৰিটা সন্তান আছে: পুত্ৰ এলিজাহ আৰু লিংকন, আৰু কন্যা হান্না আৰু চাৰ্লি-জেন। চাৰ্লি-জেনৰ গৰ্ভধাৰণৰ সময়ত তেওঁ ষ্টাৰগেট ইউনিভাৰ্ছৰ প্ৰথম ছিজনত অভিনয় কৰি আছিল, সেয়েহে গৰ্ভধাৰণৰ কথাটো ধাৰাবাহিকখনৰ কাহিনীৰ ভিতৰতে অন্তৰ্ভুক্ত কৰা হৈছিল।^২

চলচ্চিত্ৰপঞ্জী