লৰা বেনে

লৰা বেনে (ইংৰাজী: Laura Beyne; জন্ম: ২৫ মে’ ১৯৯২) এগৰাকী বেলজিয়ান টিভি ঘোষিকা আৰু সৌন্দৰ্য প্ৰতিযোগিতাৰ খিতাপধাৰী, যিয়ে মিছ বেলজিয়াম ২০১২ ৰ মুকুট লাভ কৰিছিল। তেওঁ ২০১২ চনৰ মিছ ইউনিভাৰ্ছ আৰু মিছ ৱৰ্ল্ড প্ৰতিযোগিতাত নিজৰ দেশক প্ৰতিনিধিত্ব কৰিছিল।^১ ইয়াৰ উপৰি তেওঁ এগৰাকী টেলিভিছন ঘোষিকা আৰু বেলজিয়ান টিভি শ্ব’ প্লেচ ৰয়েল আৰু প্লাগ পিপলৰ আঁতধৰোঁতা হিচাপে কাম কৰিছে।^২

প্ৰাৰম্ভিক জীৱন

বেনেৰ জন্ম ব্ৰাছেলছত হৈছিল। তেওঁ ইংৰাজী, ফৰাচী আৰু ওলন্দাজ ভাষা ক’ব পাৰে। তেওঁৰ পিতৃ বেলজিয়ান আৰু মাতৃ কংগোদেশীয়।^৩

মিছ বেলজিয়াম ২০১২

২০১২ চনৰ ৮ জানুৱাৰীত নক-হেইষ্টৰ কেচিনো ডি নকত অনুষ্ঠিত এক অনুষ্ঠানত জাষ্টিন ডি জংকিয়েৰে (মিছ বেলজিয়াম ২০১১) লৰা বেনেক মিছ বেলজিয়াম ২০১২ ৰ মুকুট পিন্ধায়। বেনেয়ে ২০১২ চনৰ ১৮ আগষ্টত ইনাৰ মংগোলিয়াৰ অৰ্ডোচত অনুষ্ঠিত হোৱা মিছ ৱৰ্ল্ড ২০১২ প্ৰতিযোগিতাত বেলজিয়াক প্ৰতিনিধিত্ব কৰিছিল।^৪৫ তেওঁ আছিল মিছ বেলজিয়াম খিতাপ জয় কৰা দ্বিতীয়গৰাকী কৃষ্ণাংগ ব্যক্তি।^৬

মিছ ইউনিভাৰ্ছ ২০১২

বেনেয়ে লছ ভেগাছত অনুষ্ঠিত হোৱা মিছ ইউনিভাৰ্ছ ২০১২ প্ৰতিযোগিতাত বেলজিয়াক প্ৰতিনিধিত্ব কৰিছিল।^৭

টেলিভিছন কেৰিয়াৰ

২০২০ চনৰ ফেব্ৰুৱাৰীত তেওঁ বেলজিয়ান টিভি ষ্টেচন আৰটিএল-টিভিআইত হুইটনী হিউষ্টনৰ ওপৰত আধাৰিত ‘হুইটনী, মাই আইডল’ নামৰ এটা অনুষ্ঠানৰ আঁত ধৰিছিল।^৮ টিভি ঘোষিকা হিচাপে এয়া আছিল তেওঁৰ প্ৰথম কাম।^৯

২০২১ চনৰ জুন মাহত তেওঁ ‘প্লেচ ৰয়েল’ নামৰ টিভি শ্ব’টোৰ সহ-ঘোষিকা হিচাপে যোগদান কৰে।^১০১১ তেওঁৰ প্ৰথমটো খণ্ডৰ দৃশ্যগ্ৰহণৰ সময়ত তেওঁ ক’ভিড-১৯ ত আক্ৰান্ত হোৱাৰ বাবে শ্বুটিং কৰিব পৰা নাছিল, সেয়েহে সেই খণ্ডটোত কেৱল তেওঁৰ কণ্ঠস্বৰহে ব্যৱহাৰ কৰা হৈছিল।^১২১৩

২০২১ চনৰ নৱেম্বৰত ঘোষণা কৰা হৈছিল যে তেওঁ ‘প্লাগ পিপল’ নামৰ এটা বেলজিয়ান টিভি শ্ব’ৰ ঘোষিকা হ’ব।^১৪

বাহ্যিক সংযোগ

• Official Miss Belgium website