মৌ ডিমৰু

মৌ ডিমৰু বা আওঠা ডিমৰু ''(Ficus auriculata) (মিচিং- কুকৱাল-টাকুক্-আছিং; কাৰ্বি-লঠেৰি -আৰং; খআচিয়া- দিয়েং-চহ-লামপিন^১) এবিধ মজলীয় আকাৰৰ ডিমৰু গছ৷ এই গছজোপা সমগ্ৰ এছিয়া মহেদেশতে পোৱা যায়৷^২ এই গছজোপাৰ বৃদ্ধিৰ বাবে পৰ্য্যাপ্ত পৰিমাণে ৰ'দৰ প্ৰয়োজন হয়৷^৩

বিৱৰণ

মৌ ডিমৰুৰ ডালবিলাক গছজোপাৰ চাৰিওফালে ফেৰ মেলি গছজোপাক এখ ছত্ৰাকাৰ ৰূপ দিয়ে৷ ইয়াৰ বাকলিৰ বৰণ মদৰুৱা আৰু উপৰিভাগ খহটা৷ বাকলিৰ ভিতৰভাগ ৰঙচুৱা হয় আৰু তাত বগা বৰণৰ দীঘলীয়ে লম্ব ৰেখা কিছুমান থকা দেখা যায়৷^১

এই ডিমৰুৰ পাতবোৰেৰ আকৃতি ডাঙৰ৷ পাতৰ দাঁতিত কেতিয়াবা সৰু সৰু খাঁজ কটা দাগৰ উৎপত্তি হয় নাইবা কোনো ক্ষেত্ৰত দাঁতিভাগ সমান হৈয়ে ৰয়৷^১

প্ৰজনন

মৌ ডিমৰুৰ একেজোপা গছে বেলেগে বেলেগে পুংপুষ্প আৰু স্ত্ৰীপুষ্প ধাৰণ কৰে৷ Ceratosolen emarginatus নামৰ পতংগবিধে এই গছৰ প্ৰজননত সহায় কৰে৷^৪৫ ফল কোমল আৰু সুস্বাদু হয়৷

ব্যৱহাৰ

মৌ ডিমৰুৰ ফলে পেটৰ নানা উপসৰ্গ যেনে বদহজমী, কৌষ্ঠকাঠিন্য আদি নিৰাময়ত সহায় কৰে বুলি জনা যায়৷