মেহজাবীন চৌধুৰী

মেহজাবীন চৌধুৰী (ইংৰাজী ভাষা: Mehazabien Chowdhury; জন্ম: ১৯ এপ্ৰিল ১৯৯১) এগৰাকী বাংলাদেশী অভিনেত্ৰী, মডেল আৰু ২০০৯ চনৰ লাক্স চেনেল আই ছুপাৰষ্টাৰ বিজয়ী।^১ বাংলাদেশৰ সৌন্দৰ্য প্ৰতিযোগিতা লাক্স চেনেল আই ছুপাৰষ্টাৰ জিকাৰ পিছতে তেওঁ অভিনয় জীৱন আৰম্ভ কৰিছিল।^২৩৪

ম’বাইল ফোন অপাৰেটৰ বাংলালিংকৰ এটা টেলিভিছন বিজ্ঞাপনত অভিনয় কৰি চৌধুৰীয়ে বিশেষ চৰ্চা লাভ কৰিছিল। এটিএন বাংলাত সম্প্ৰচাৰিত টেলিভিছন নাটক তুমি থাকো সিন্ধু পাৰেৰ জৰিয়তে তেওঁ আত্মপ্ৰকাশ কৰে। তেতিয়াৰপৰাই তেওঁ বড় ছেলে, চম্পা হাউচ, বুকেৰ বাঁ পাশে, আলো, লতা অডিঅ’, চিৰকাল আজ আৰু কাজলেৰ দিন ৰাত্ৰিৰ দৰে কেইবাখনো নাটকত অভিনয় কৰিছে।

প্ৰাৰম্ভিক জীৱন আৰু শিক্ষা

১৯৯১ চনৰ ১৯ এপ্ৰিলত বাংলাদেশৰ চট্টগ্ৰামত চৌধুৰীৰ জন্ম হৈছিল।^৫৬৭

২০২৫ চনৰ ১৪ ফেব্ৰুৱাৰীত মেহজাবীনে পৰিচালক, প্ৰযোজক তথা চিত্ৰনাট্যকাৰ আদনান অল ৰাজীৱৰ সৈতে বিবাহপাশত আবদ্ধ হয়।^৮৯

কৰ্মজীৱন

চৌধুৰীয়ে মডেল হিচাপে নিজৰ কেৰিয়াৰ আৰম্ভ কৰিছিল। ২০০৯ চনত তেওঁ লাক্স চেনেল আই ছুপাৰষ্টাৰৰ খিতাপ দখল কৰে, য’ত মৌনিতা খান ঈশানা প্ৰথম ৰানাৰ্ছ আপ আৰু সাদিকা স্বৰ্ণা দ্বিতীয় ৰানাৰ্ছ আপ হৈছিল।^১০ এই প্ৰতিযোগিতাত বিজয়ী হোৱাৰ পিছত তেওঁ নিয়মিতভাৱে সংবাদ মাধ্যমত কাম কৰিবলৈ আৰম্ভ কৰে।^১১

চৌধুৰীৰ প্ৰথম টেলিভিছন অভিষেক ঘটিছিল তুমি থাকো সিন্ধু পাৰে নাটকৰ জৰিয়তে।^১২ ইয়াৰ পিছত তেওঁ টেলিভিছন বিজ্ঞাপনত ভূমুকি মাৰিবলৈ আৰম্ভ কৰে।^১৩

২০১৬ চনত চৌধুৰীয়ে নৃত্যৰ ৰিয়েলিটি শ্ব’ মংগোলী-চেনেল আই সেৰা নাচিয়েত অতিথি বিচাৰক হিচাপে কাম কৰিছিল।^১৪

চৌধুৰীয়ে ৰোমাণ্টিক-কমেডী টেলিফিল্ম একাই ১০০ত নায়িকাৰ চৰিত্ৰত অভিনয় কৰিছিল।^১৫ ২০১৭ চনত তেওঁ জনপ্ৰিয় টেলিভিছন নাটক বড় ছেলেত অভিনয় কৰে।^১৬১৭

২০২০ চনত চৌধুৰীক বহুজাতিক পাদুকা ব্ৰেণ্ড বাটা বাংলাদেশৰ ব্ৰেণ্ড এম্বেছেডৰ হিচাপে নিৰ্বাচিত কৰা হয়।^১৮ ২০২৩ চনত তেওঁ অনলাইন মাৰ্কেটপ্লেচ দাৰাজ বাংলাদেশৰ ব্ৰেণ্ড এম্বেছেডৰ হিচাপে ঘোষণা কৰা হয়।^১৯২০ চৌধুৰী বৰ্তমান নিহাৰ নেচাৰেল হেয়াৰ অইলৰ এগৰাকী ব্ৰেণ্ড এম্বেছেডৰ।^১৩

২০২২ চনৰ ফেব্ৰুৱাৰী মাহত ভিকি জাহেদৰ পৰিচালনাত তেওঁৰ প্ৰথমখন ৱেব ফিল্ম ৰেডৰাম চৰকীত মুক্তি পায়।^২১

২০২২ চনত চৌধুৰীয়ে মাচৰাঙা টেলিভিছনত সম্প্ৰচাৰিত সংগীতৰ ৰিয়েলিটি শ্ব’ স্কুৱেৰ সুৰেৰ সেৰাত অতিথি বিচাৰক হিচাপে অংশগ্ৰহণ কৰিছিল।^২২