মেডিচন বেইলী

মেডিচন লিলি বেইলী (ইংৰাজী ভাষা: Madison Lilly Bailey; জন্ম: ২৯ জানুৱাৰী, ১৯৯৯) এগৰাকী আমেৰিকা যুক্তৰাষ্ট্ৰন অভিনেত্ৰী। তেওঁ নেটফ্লিক্সৰ টিন ড্ৰামা ধাৰাবাহিক আউটাৰ বেংকছত (২০২০–বৰ্তমান) কৰা অভিনয়ৰ বাবে পৰিচিত।^১

প্ৰাৰম্ভিক জীৱন

বেইলীৰ জন্ম উত্তৰ কেৰোলিনাৰ কাৰ্নাৰ্চভিলত হৈছিল আৰু তেওঁক তোলনীয়া পিতৃ-মাতৃয়ে ডাঙৰ-দীঘল কৰিছিল। তেওঁৰ তিনিজন ককায়েক আৰু তিনিগৰাকী বায়েক আছে, যাৰ ভিতৰত পাঁচজনকেই ফষ্টাৰ কেয়াৰৰ জৰিয়তে তোলনীয়া হিচাপে গ্ৰহণ কৰা হৈছিল।^২ তেওঁ মৰিচীয় আৰু ইটালীয় বংশোদ্ভূত। তেওঁৰ মাতৃৰ ২০১৮ চনত মৃত্যু হয়। বেইলীয়ে কাৰ্নাৰ্চভিলৰ ইষ্ট ফৰচাইথ হাইস্কুলত অধ্যয়ন কৰিছিল।^৩

কেৰিয়াৰ

বেইলীয়ে প্ৰথমে গায়িকা হ’বলৈ বিচাৰিছিল, কিন্তু মানুহৰ আগত গান গাবলৈ ভয় লগাৰ বাবে ১৫ বছৰ বয়সত অভিনয় আৰু মডেলিং জগতত ভৰি দিয়ে।^৪ তেওঁ ২০১৫ চনত পেছাদাৰী অভিনয় জীৱন আৰম্ভ কৰিছিল। তেওঁ টিভি ধাৰাবাহিক মিষ্টাৰ মাৰ্চিডিজ আৰু কনষ্টাণ্টিনত অভিনয় কৰিছিল। ২০১৮ চনত তেওঁ ছি ডব্লিউৰ কল্পবিজ্ঞান ধাৰাবাহিক ব্লেক লাইটনিংত ৱেণ্ডি হাৰ্নাণ্ডেজৰ চৰিত্ৰত অভিনয় কৰিবলৈ সুযোগ পায়।

২০২০ চনৰপৰা তেওঁ নেটফ্লিক্সৰ ৰহস্যধৰ্মী ধাৰাবাহিক আউটাৰ বেংকছত কিয়াৰা "কি" কেৰেৰাৰ চৰিত্ৰত অভিনয় কৰি আহিছে।^৫

ব্যক্তিগত জীৱন

প্ৰায় ১৮ বছৰ বয়সত বেইলী বৰ্ডাৰলাইন পাৰ্চনেলিটি ডিচঅৰ্ডাৰত আক্ৰান্ত বুলি ধৰা পৰিছিল।^৬৭

২০১৭ চনত বেইলীয়ে নিজকে পেনচেক্সুৱেল বুলি ঘোষণা কৰিছিল। ২০২০ চনৰপৰা ২০২৫ চনলৈ তেওঁ অৱসৰপ্ৰাপ্ত বাস্কেটবল খেলুৱৈ মাৰিয়া লিনীৰ সৈতে সম্পৰ্কত আছিল।^২৮৯ তেওঁ নিজে নিজৰ মেকআপ কৰি ভাল পায় আৰু ফেণ্টি বিউটিৰ বিজ্ঞাপন অভিযানত অংশ লৈছে।^৯১০