মেঘনা ৰেড্ডী

মেঘনা ৰেড্ডী (Meghna Reddy; জন্ম: ২৪ অক্টোবৰ ১৯৭৫) অন্ধ্ৰপ্ৰদেশৰ এগৰাকী ভাৰতীয় মডেল আৰু প্ৰাক্তন টেলিভিছন উপস্থাপিকা।^১ ১৯৯০-ৰ দশকৰ মাজভাগত তেওঁ চেনেল ভি-ৰ 'মাংতা হ্যায়' অনুষ্ঠানটোৰ সহ-উপস্থাপনা কৰাৰ বাবে পৰিচিত আছিল।^২

প্ৰাৰম্ভিক জীৱন

ৰেড্ডীৰ জন্ম অন্ধ্ৰপ্ৰদেশৰ ৰাজামুন্দ্ৰীত হৈছিল,^৩ কিন্তু তেওঁ বোম্বাইত (বৰ্তমান মুম্বাই) ডাঙৰ-দীঘল হৈছিল। তেওঁৰ পিতৃ চিন্তাপলি ৰেড্ডী এজন তেলেগু ব্যৱসায়ী আছিল আৰু মাতৃ এগৰাকী মাংগালোৰীয় কোংকণী মহিলা।^৪৫ তেওঁ বৰ্তমান নিউয়ৰ্কত বাস কৰে। তেওঁৰ মাতৃ নক্ষত্ৰ এগৰাকী অণুজীৱবিজ্ঞানী আছিল আৰু এটা বেচৰকাৰী সংস্থাৰ সৈতে কাম কৰিছিল।^৬ তেওঁৰ দুগৰাকী ভগ্নী আছে; ^৭ জ্যেষ্ঠগৰাকী সুষমা ৰেড্ডী এজন প্ৰাক্তন ভাৰতীয় অভিনেত্ৰী,^৮ আৰু কনিষ্ঠগৰাকী সমীৰা ৰেড্ডী এগৰাকী বলিউডৰ অভিনেত্ৰী তথা মডেল।^৯১০ ২০০৮ চনৰ ১২ ডিচেম্বৰত ৰেড্ডী গ্ৰীচত গ্ৰীক ব্যৱসায়ী এৰিয়েল মিঅ'নিছৰ সৈতে বিবাহপাশত আবদ্ধ হয়। ৰেড্ডীয়ে তেওঁৰ স্বামীক এজন শিল্পী, কবি, ফটোগ্ৰাফাৰ আৰু চিত্ৰকৰ হিচাপে বৰ্ণনা কৰিছে।^১১

কেৰিয়াৰ

ৰেড্ডী এগৰাকী প্ৰাক্তন ভিজে, যিয়ে নব্বৈৰ দশকৰ মাজভাগত চেনেল ভি-ত 'মাংতা হ্যায়' অনুষ্ঠানটোৰ সহ-উপস্থাপনা কৰিছিল। বহু বছৰ ধৰি ভিজে হিচাপে কাম কৰাৰ পাছত তেওঁ উন্নত সুযোগৰ সন্ধানত ইংলেণ্ডলৈ যায়। তেওঁ মেচিছ, টমি হিলফীগাৰ আৰু চিচলে আদিৰ দৰে মেইল কেটেলগৰ প্ৰচাৰত অংশ লৈছিল।^১২ ২০০২ চনৰ ছেপ্টেম্বৰ মাহত ডিজাইনাৰ ডায়েন ভন ফাৰষ্টেনবাৰ্গৰ হৈ ৰেম্পত খোজ দি তেওঁ নিউয়ৰ্কৰ ফেশ্বন জগতত আত্মপ্ৰকাশ কৰে।^১৩ ২০০৩ চনৰ বলিউডৰ ইৰ’টিক থ্ৰিলাৰ ছবি বুমত তেওঁক অভিনয়ৰ বাবে নিৰ্বাচন কৰা হৈছিল যদিও মাজভাগতে তেওঁ কামটো এৰি দিয়ে আৰু তেওঁৰ ঠাইত কেটৰিনা কাঈফক স্থলাভিষিক্ত কৰা হয়।^১৪ ১৯৯৯ চনৰ আগষ্ট মাহৰ নেশ্যনেল জিঅ’গ্ৰাফিক আলোচনীৰ বেটুপাতত গোলকীয় সংস্কৃতি বিভাগৰ এটা প্ৰবন্ধৰ সৈতে তেওঁক স্থান দিয়া হৈছিল।^১