মেগান চুৰী

মেগান চুৰী (ইংৰাজী ভাষা: Megan Suri; জন্ম: ২৮ মাৰ্চ, ১৯৯৯) এগৰাকী আমেৰিকা যুক্তৰাষ্ট্ৰন অভিনেত্ৰী। তেওঁ বিশেষকৈ ২০১৯ চনৰ স্বতন্ত্ৰ চলচ্চিত্ৰ দ্য মিছএডুকেচন অৱ বিন্দু আৰু নেটফ্লিক্সৰ কিশোৰ কমেডী ধাৰাবাহিক নেভাৰ হেভ আই এভাৰ (২০২০–২০২৩) ত কৰা অভিনয়ৰ বাবে পৰিচিত।

প্ৰাৰম্ভিক জীৱন

চুৰীৰ জন্ম আমেৰিকা যুক্তৰাষ্ট্ৰত এহাল ভাৰতীয় পাঞ্জাবী প্ৰব্ৰজনকাৰী পিতৃ-মাতৃৰ ঘৰত হৈছিল। শৈশৱত তেওঁ দুবছৰ ভাৰতত কটাইছিল।^১ তেওঁৰ দুজন ককায়েক-ভাইৰেক আৰু এগৰাকী ভগ্নী আছে। তেওঁৰ পিতৃ এজন প্ৰাক্তন পেছাদাৰী ক্ৰিকেট খেলুৱৈ।^২ চুৰীয়ে কেলিফৰ্ণিয়াৰ ডাউনী চহৰত পৰিয়ালৰ সৈতে বসবাস কৰে। তেওঁলোকৰ এটা পোহনীয়া কুকুৰ আছে।^২

কৰ্মজীৱন

২০১০ চনত ৰোমাণ্টিক কমেডী ছবি ভেলেণ্টাইনছ ডেৰ জৰিয়তে চুৰীয়ে অভিনয় জগতত আত্মপ্ৰকাশ কৰে।^৩২ পৰৱৰ্তী সময়ত তেওঁ ফ্ৰেছ অফ দ্য বোটৰ বেকড'ৰ পাইলট মেজিক মটৰ ইনত অভিনয় কৰে।^২

২০১৯ চনত চুৰীয়ে স্বতন্ত্ৰ কমেডী ছবি দ্য মিছএডুকেচন অৱ বিন্দুত অভিনয় কৰে।^৪৫৬ এজন সমালোচকে উল্লেখ কৰিছিল যে "বিন্দু চৰিত্ৰটোৰ বাবে মেগান চুৰী একেবাৰে সঠিক নিৰ্বাচন।" ^৭ ২০২১ চনৰপৰা ২০২৩ চনলৈ তেওঁ নেভাৰ হেভ আই এভাৰ ধাৰাবাহিকত দেৱীৰ হাইস্কুললৈ যোৱা আন এগৰাকী ভাৰতীয় ছাত্ৰী আনিছা কুৰেশ্বীৰ চৰিত্ৰত অভিনয় কৰিছিল।^{৮৯১০১১} এজন সমালোচকৰ মতে "আনিছা হিচাপে মেগান চুৰী অসাধাৰণ।" ^১২

চুৰীৰ প্ৰথমটো মুখ্য চৰিত্ৰ আছিল ২০২৩ চনৰ ভৌতিক ছবি ইট লিভছ ইনচাইড, যিখন বিশাল দত্তই পৰিচালনা কৰিছিল।^২

অভিনয় তালিকা

চলচ্চিত্ৰ

দূৰদৰ্শন