মুন্নী সাহা

মুন্নী সাহা এগৰাকী বাংলাদেশী সাংবাদিক আৰু দূৰদৰ্শনৰ অনুষ্ঠান সঞ্চালিকা।^১২ তেওঁ মূলতঃ এটিএন নিউজত কাম কৰিছিল।^৩ তেওঁ এটিএন নিউজৰ সংবাদ বিভাগৰ মুৰব্বী আছিল,^৪৫ যিটো বাংলাদেশৰ এটা সংবাদ সম্প্ৰচাৰমূলক দূৰদৰ্শন চেনেল।^৬

প্ৰাৰম্ভিক জীৱন আৰু শিক্ষা

মুন্নী সাহাই ইডেন মহিলা কলেজত অধ্যয়ন কৰে আৰু ১৯৯১ চনত B.Sc. (H Pass) ডিগ্ৰী লাভ কৰে।^৭

কৰ্মজীৱন

১৯৯১ চনৰ মে’ মাহৰপৰা ১৯৯২ চনৰ জানুৱাৰী মাহলৈকে মুন্নী সাহাই ৰাষ্ট্ৰীয় দৈনিক আজকেৰ কাগজত আন্তঃৰাষ্ট্ৰীয় ডেস্কত উপ-সম্পাদক হিচাপে কৰ্মজীৱন আৰম্ভ কৰে।^৮ তাৰ পিছত তেওঁ ভোৰেৰ কাগজত ষ্টাফ ৰিপোৰ্টাৰ হিচাপে কাম কৰে।

১৯৯৯ চনত তেওঁ একুশে টিভিৰ বিশেষ সংবাদদাতা হয়, ২০০৩ চনত এটিএন বাংলাৰ বিশেষ সংবাদদাতা আৰু ২০১০ চনত এটিএন নিউজৰ সংবাদ বিভাগৰ মুৰব্বী নিযুক্ত হয়।^৮ ২০১৬ চনৰপৰা তেওঁ এটিএন নিউজৰ মুখ্য কাৰ্যনিৰ্বাহী সম্পাদক হিচাপে দায়িত্ব পালন কৰি আহিছে।^৮ তেওঁ মূলত সামাজিক আৰু ৰাজনৈতিক বিষয়সমূহ কভাৰ কৰে যদিও স্বাস্থ্য, নাৰী আৰু শিশুৰ অধিকাৰ, শিশু সৰবৰাহ, নাৰীৰ ওপৰত সহিংসতা (এচিড নিক্ষেপ, ধৰ্ষণ আদি) বিষয়তো প্ৰতিৱেদন আগবঢ়াইছে।^৬

২০২৪ চনৰ আগষ্ট মাহত ছাত্ৰ-জনতাৰ অভ্যুত্থানৰ জৰিয়তে শেখ হাছিনা চৰকাৰ পতনৰ পিছত, মুন্নী সাহাক কেইবাজনো সাংবাদিকৰ সৈতে মানৱতাৰ বিৰুদ্ধে অপৰাধৰ অভিযোগত অভিযুক্ত কৰা হয়।^৯ এই অভিযোগসমূহ অভ্যুত্থানকালীন ঘটনাৰ সৈতে সম্পৰ্কিত মানৱতাৰ বিৰুদ্ধে অপৰাধৰ এটা হত্যাকাণ্ডৰ গোচৰৰ সৈতে জড়িত আছিল।^১০

২০২৪ চনৰ অক্টোবৰ মাহত বাংলাদেশ ফাইনেনচিয়েল ইণ্টেলিজেন্স ইউনিটে তেওঁৰ বেংক একাউণ্টসমূহৰ তথ্য বিচাৰে।^১১ ২০২৪ চনৰ ৩০ নৱেম্বৰ তাৰিখে তেওঁক কাৰৱান বজাৰ, ঢাকাত জনসাধাৰণে আটক কৰি আৰক্ষীৰ হাতত চমজাই দিয়ে আৰু পাছত তেওঁক ডিটেক্টিভ ব্ৰাঞ্চৰ জিম্মাত দিয়া হয়।^১২