মুখচ্ছবি (গ্ৰন্থ)

কিতাপৰ মুখচ্ছবি বা ফ্ৰন্টস্পিচ হৈছে কিতাপৰ শিৰোনাম পৃষ্ঠাৰ সম্মুখত থকা সজ্জাগত বা তথ্যসমৃদ্ধ চিত্ৰ, সাধাৰণতে কিতাপৰ সোঁহাতৰ বা ৰেক্টো পৃষ্ঠাৰ বিপৰীতে বাওঁফালৰ বা ভেৰ্ছো পৃষ্ঠাত।^১ কিছুমান প্ৰাচীন সংস্কৰণ বা আধুনিক বিলাসী সংস্কৰণত মুখচ্ছবিত বিষয়ভিত্তিক বা ৰূপক উপাদানৰ বৈশিষ্ট্য থাকে, আন কিছুমানত লেখকৰ প্ৰতিকৃতি যিটো মুখচ্ছবি হিচাপে দেখা যায়। মধ্যযুগীয় তথ্য সম্বলিত পাণ্ডুলিপিত উপস্থাপন কৰা কিতাপ বা পাঠ (কাৰ দ্বাৰা আৰু কাক ভিন্ন) দেখুওৱা ক্ষুদ্ৰ চিত্ৰৰ উপস্থাপনক প্ৰায়ে ফ্ৰন্টস্পিচ হিচাপে ব্যৱহাৰ কৰা হৈছিল।

ব্যুৎপত্তিবিজ্ঞান

এই শব্দটো ফৰাচী frontispice ৰ পৰা আহিছে, যিটো লেটিন ভাষাৰ শেষৰ ফালৰ frontispicium^২ৰ পৰা উদ্ভৱ হৈছে, যিটো লেটিন frons ('কপাল') আৰু specere ('চাব')ৰ দ্বাৰা গঠিত। ইয়াৰ সমাৰ্থক আছিল ‘মেট’প’স্কপি’। ইংৰাজীত ইয়াক প্ৰথমে স্থাপত্যৰ শব্দ হিচাপে ব্যৱহাৰ কৰা হৈছিল, যিটোৱে এটা অট্টালিকাৰ সজ্জাগত সম্মুখভাগক বুজায়। ১৭ শতিকাত ইটালিয়ান ভাষাৰ দৰে অন্যান্য ভাষাতো^৩ এই শব্দটোৱে কিতাপ এখনৰ শিৰোনাম পৃষ্ঠাক বুজাবলৈ আৰম্ভ কৰে, যিখন সেই সময়ত প্ৰায়ে স্থাপত্যৰ পৰা শৈলীগত উপাদান যেনে স্তম্ভ আৰু পেডিমেণ্টৰ পৰা লোৱা জটিল খোদিত শিল্পকৰ্মৰে সজাই তোলা হৈছিল।

১৭ শতিকাৰ কালছোৱাত কিতাপ এখনৰ শিৰোনাম পৃষ্ঠাৰ লগত সম্মুখৰ পৃষ্ঠাত এটা চিত্ৰ (ইটালীয় ভাষাত antiporta বুলি জনা যায়), যাৰ ফলত ইংৰাজীত এই শব্দটোৱে ১৬৮২ চনৰ পৰাই আজিৰ তাৰিখত যি অৰ্থ ধৰি আছে, সেই অৰ্থ লাভ কৰে। তেতিয়ালৈকে ইংৰাজী বানানো লোক ব্যুৎপত্তিবিজ্ঞানৰ দ্বাৰা 'ফ্ৰন্টস্পাইচ'ৰ পৰা 'ফ্ৰন্টস্পিচ' ('ফ্ৰন্ট' + 'পিচ')লৈ ৰূপান্তৰিত হৈছিল।^৪ অসমীয়াত ইয়াক অভিধানমতে মুখচ্ছবি বুলি অৰ্থ কৰা আছে।