মাৰিয়ানা ৰাইট ছেপমেন

মাৰিয়ানা ৰাইট ছেপমেন (Mariana Wright Chapman; ১৪ মাৰ্চ, ১৮৪৩ – ৯ নৱেম্বৰ, ১৯০৭) এগৰাকী আমেৰিকান সমাজ সংস্কাৰক আৰু নাৰী অধিকাৰ কৰ্মী আছিল৷ তেওঁৰ আটাইতকৈ সক্ৰিয় কাম আছিল কাৰাগাৰৰ সংস্কাৰ আৰু মহিলাৰ সম অধিকাৰৰ দিশত। ছেপমেনে হিক্সচাইট ছ’চাইটি অৱ ফ্ৰেণ্ডছত কৰা কামৰ জৰিয়তে সুপৰিচিত আছিল৷ ছেপমেন ব্ৰুকলিনৰ মহিলা ভোটাধিকাৰ সংস্থাৰ সভানেত্ৰী আছিল, যিটো কাৰ্যালয়ৰ পৰা তেওঁ পদত্যাগ কৰি নিউয়ৰ্ক ষ্টেট মহিলা ভোটাধিকাৰ সংস্থাৰ সভানেত্ৰী হৈছিল।^১২

১৮৪৩ চনৰ ১৪ মাৰ্চত নিউয়ৰ্কত জন্মগ্ৰহণ কৰা মাৰিয়ানা ৰাইটৰ পিতৃৰ নাম ড° এৰন ৰাইট আৰু মাতৃ মেৰী উইলেটছ৷ তেওঁ নিউয়ৰ্কৰ এমোছ উইলেটছৰ কন্যা৷ দুয়োগৰাকীয়ে ছ'চাইটি অৱ ফ্ৰেণ্ডছৰ সদস্য।^৩

তেওঁৰ প্ৰাৰম্ভিক শিক্ষা নিউয়ৰ্ক চহৰৰ ব্যক্তিগত বিদ্যালয়ত লাভ কৰে, য'ত ফ্ৰেণ্ডছ ইনষ্টিটিউটও অন্তৰ্ভুক্ত, যাক পিছলৈ ফ্ৰেণ্ডছ চেমিনাৰী বুলি কোৱা হয়,^৪১৮৫৭ চনত পৰিয়ালটোক অহাইঅ'ৰ স্প্ৰিংব'ৰ'লৈ স্থানান্তৰিত কৰাৰ পিছত তেওঁ দুবছৰ এন্টিঅ'ক কলেজত পঢ়িছিল।^৫২

১৮৬৪ চনত স্প্ৰিংব'ৰ' মান্থলী সভাৰ তত্বাৱধানত অহাইঅ'ৰ চিনচিনাটিৰ নোয়া এইচ ছেপমেনৰ সৈতে বিবাহপাশত আবদ্ধ হয় আৰু ১৮৮০ চনলৈকে তেওঁলোকে চিনচিনাটিৰ ওচৰতে বাস কৰে আৰু ব্ৰুকলিনলৈ (কিংছ কাউন্টি, নিউয়ৰ্ক) গুচি যায়।^৬ তেওঁলোকৰ তিনিজন পুত্ৰ চাৰ্লছ, ৰাইট আৰু হাৱাৰ্ড আৰু দুগৰাকী কন্যা মেৰী আৰু চাৰ্লট আছিল।^৭২

যেতিয়া গৱৰ্ণৰ ৰুজভেল্টে নিউয়ৰ্ক ৰাজ্যৰ বিধানসভাক পৰামৰ্শ দিছিল যে ই মহিলাসকলৰ বাবে কিছু পৰিমাণে প্ৰতিনিধিত্ব সম্প্ৰসাৰণ কৰিব লাগে৷ তেতিয়া ছেপমেন আছিল অন্যতম মহিলা যিসকলক তেওঁৰ সৈতে আলোচনা কৰিবলৈ নিউয়ৰ্কৰ আলবানিলৈ মাতি অনা হৈছিল। এই বিষয়ে বিধানসভাৰ সন্মুখতো তেওঁ কেইবাবাৰো ভাষণ দিছিল৷^৮ যিহেতু ৰাজহুৱা বক্তাসকলৰ মাজত তেওঁ অস্বাভাৱিকভাৱে ফলপ্ৰসূ আছিল।^২

ছেপমেন আছিল নিউয়ৰ্ক লীগ ফৰ পলিটিকেল এডুকেচনৰ চাৰ্টাৰ মেম্বাৰ।^৯ থানাত মেট্ৰন নিযুক্তি দিয়া বিধেয়কখনৰ তেওঁ অন্যতম সমৰ্থক আছিল৷ তেওঁ কাৰাগাৰ সংস্কাৰৰ অন্যান্য শাৰী আৰু শান্তি আন্দোলনৰ সক্ৰিয় সমৰ্থক আছিল।^২৮