মংগলদোষ

মংগলদোষ ( IAST: Maṅgala-doṣa ), ভাৰতত হিন্দু ধৰ্মাৱলম্বীৰ মাজত প্ৰচলিত অন্ধবিশ্বাস।^১২ হিন্দু জ্যোতিষৰ মতে মংগল গ্ৰহৰ প্ৰভাৱত জন্ম লোৱা ব্যক্তিৰ "মংগল দোষ" থাকে আৰু এনে ব্যক্তিক মংগলিকা (বা মাংগলিক) বোলা হয়। অন্ধবিশ্বাসৰ অনুসৰি মাংগলিক আৰু অ-মাংগলিকৰ মাজত বিবাহ হ'ব নোৱাৰে।^১

এনে বিবাহৰ ফলত পতি বা পত্নীৰ মৃত্যু হ'ব পাৰে বুলি অন্ধবিশ্বাসত বিশ্বাসী লোকসকলে ভাবে। এই দুৰ্যোগ ৰোধ কৰিবলৈ ব্যক্তিজনক কোনো গছ (যেনে কল বা আঁহত), কোনো প্ৰাণী বা কোনো নিৰ্জীৱ বস্তুৰ লগত বিয়া পাতি দিব লাগে বুলি অন্ধবিশ্বাসত বিশ্বাসী লোকসকলে ভাবে। এই নকল বিবাহ প্ৰথাত অনুষ্ঠানত ব্যৱহাৰ কৰা "পত্নী"ৰ ওপৰত নিৰ্ভৰ কৰি বিভিন্ন নাম থাকে; উদাহৰণস্বৰূপে, যদি ব্যক্তিজনক মাটিৰ পাত্ৰ (কুম্ভ)ৰ সৈতে বিয়া কৰা হয়, তেন্তে সেই অনুষ্ঠানটোক "কুম্ভ-বিবাহ" ("পাত্ৰৰ সৈতে বিয়া") বুলি কোৱা হয়। বিশ্বাস কৰা হয় যে মংগল দোষৰ ফলত হোৱা সকলো কু-প্ৰভাৱ নকল "পত্নী"ৰ ওপৰত পৰে: এইদৰে ব্যক্তিজন মংগালিক হোৱাৰ পৰিণতিৰ পৰা মুক্ত হয়, আৰু পৰৱৰ্তী সময়ত মানুহৰ সৈতে তেওঁলোকৰ বিবাহ সুখী হ'ব বুলি আশা কৰা হয়।^৩৪৫