ভাৰতীয় বন সৰ্বেক্ষণ ( হৈছে ১৯৮১ চনৰ জুন মাহত প্ৰতিষ্ঠা হোৱা আৰু উত্তৰাখণ্ডৰ দেৰাডুনত মুখ্য কাৰ্যালয় থকা ভাৰত চৰকাৰৰ পৰিৱেশ, বন আৰু জলবায়ু পৰিৱৰ্তন মন্ত্ৰ্যালয়ৰ এটা সংস্থা, যিয়ে সময়ৰ লগে লগে ভূমি আৰু বনজ সম্পদৰ পৰিৱৰ্তিত অৱস্থা নিৰীক্ষণ কৰিবলৈ আৰু পৰিৱেশ সুৰক্ষাৰ ৰাষ্ট্ৰীয় পৰিকল্পনা, সংৰক্ষণ আৰু বহনক্ষম ব্যৱস্থাপনাৰ বাবে তথ্য দাঙি ধৰিবলৈ বন জৰীপ,আৰু বন প্লকল্পৰ অধ্যয়ন আৰু গৱেষণা কৰে। ১২৩৪৫
ইতিহাস
১৯৮১ চনত স্থাপিত ভাৰতীয় বন জৰীপ হৈছে খাদ্য আৰু কৃষি সংস্থা (FAO) আৰু ৰাষ্ট্ৰসংঘৰ উন্নয়ন কাৰ্যসূচী (UNDP)ৰ পৃষ্ঠপোষকতাত ভাৰত চৰকাৰে ১৯৬৫ চনত আৰম্ভ কৰা "Pre-Investment Survey of Forest Resources" (PISFR)ৰ উত্তৰাধিকাৰী। ১৯৭৬ চনৰ প্ৰতিৱেদনত ৰাষ্ট্ৰীয় কৃষি আয়োগে দেশৰ বনজ সম্পদৰ নিয়মীয়া, সময়ে সময়ে আৰু ব্যাপক জৰীপৰ বাবে ৰাষ্ট্ৰীয় বন জৰীপ সংস্থা গঠনৰ পৰামৰ্শ দিছিল, যাৰ ফলত একে বছৰতে এফ এছ আই গঠন কৰা হৈছিল। ৬৭৩
সংগঠন
প্ৰতি দুবছৰৰ মূৰে মূৰে এফ এছ আয়ে ৰিম’ট চেন্সিং উপগ্ৰহৰ তথ্যৰ ডিজিটেল ব্যাখ্যাৰ জৰিয়তে দেশৰ বনাঞ্চলৰ আৱৰণৰ মূল্যায়ন কৰে আৰু ইয়াৰ ফলাফল ষ্টেট অৱ ফৰেষ্ট ৰিপ’ৰ্ট (এছ এফ আৰ) নামৰ প্ৰতিৱেদনত প্ৰকাশ কৰে। ১৯৮৭ চনত আৰম্ভ হোৱাৰপৰাই ১৬টা এছ এফ আৰ আছে। ২০০৪ চনৰপৰা এফ এছ আয়ে MODIS (Moderate-Resolution Imaging Spectrometer) আৰু GIS ভিত্তিক প্ৰযুক্তি ব্যৱহাৰ কৰি সমগ্ৰ দেশতে বনজুইৰ ওপৰত নিৰীক্ষণ কৰি আহিছে। ৮২৩ এফ এছ আইৰ চাৰিটা আঞ্চলিক কাৰ্যালয় আছে:
- মধ্য অঞ্চল, নাগপুৰ
- দক্ষিণ অঞ্চল, বেংগালুৰু
- পূব অঞ্চল, কলকাতা
- উত্তৰ অঞ্চল, চিমলা
প্ৰশিক্ষণ
(FSI )এফ এছ আয়ে ভাৰতৰ বিভিন্ন ৰাজ্যৰ বনকৰ্মী কেডাৰসকলক প্ৰশিক্ষণ প্ৰদান কৰে। ৩বন সম্পদ মূল্যায়নৰ উপৰি প্ৰধান সংস্থাটোৰ প্ৰশিক্ষণ ইউনিটে ১৯৮১ চনৰপৰা বনজ কৰ্মীসকলক প্ৰশিক্ষণ প্ৰদানৰ সৈতেও জড়িত হৈ পৰিছিল যাতে বন জৰীপত ব্যৱহাৰ কৰা আধুনিক কৌশলৰ জ্ঞান আৰু তথ্য প্ৰচাৰৰ প্ৰয়াস কৰি দক্ষ পৰিকল্পনা, ব্যৱস্থাপনা, বৈজ্ঞানিক আৰু বহনক্ষম ৰাষ্ট্ৰৰ বন সম্পদ সক্ষম কৰিব পৰা যায়। গতিকে প্ৰশিক্ষণে মানৱ সম্পদ উন্নয়ন আৰু কাৰিকৰী দক্ষতাৰ গুৰুত্ব উপলব্ধি কৰি পৰিকল্পনা আৰু সামৰ্থ্য বিকাশক সামৰি লয়।
প্ৰকাশন
এফ এছ আইৰ দ্বিবাৰ্ষিক "ভাৰতীয় বন অৱস্থাৰ প্ৰতিৱেদন" আৰু "ইনভেণ্টৰী আৰু কাঠ ব্যৱহাৰৰ অধ্যয়নৰ প্ৰতিৱেদন"ৰ(The Reports on Inventory and Wood Consumption Studies) ওপৰত এলেকা-নিৰ্দিষ্ট প্ৰতিৱেদন আছে। ৫৩
বাহ্যিক সংযোগ
তথ্যসূত্ৰ
- ↑ Forest Survey of India, Dehradun. Ministry of Environment and Forests, ভাৰত চৰকাৰ
- ↑ P.R. Shukla, 2003, Climate Change and India: Vulnerability Assessment and Adaptation
- ↑ India 2014 Concise, p105
- ↑ Kailash Chandra Bebarta, 2007, Forest Planning at Landscape Level: A Case Study of Working Plan
- ↑ Prodyut Bhattacharya, 2017, Redefining Forestry for Effective Livelihoods
- ↑ Berthold Ribbentrop, 1989, Forestry in British India
- ↑ Brief History. About Us. orest Survey of India
- ↑ Objectives of FSI. About Us. orest Survey of India
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “ভাৰতীয় বন সৰ্বেক্ষণ” প্ৰবন্ধৰ সংশোধন ৫৬২৪৯৯ (১০ ডিচেম্বৰ ২০২৫)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।