ভজন লাল শৰ্মা

ভজন লাল শৰ্মা (Bhajan Lal Sharma; জন্ম: ১৫ ডিচেম্বৰ, ১৯৬৭) হৈছে ৰাজস্থানৰ এগৰাকী ৰাজনীতিবিদ তথা ৰাজস্থানৰ বৰ্তমানৰ মুখ্যমন্ত্ৰী।^১ তেওঁ ৰাজস্থান বিধানসভাৰ সদস্য হিচাপে সাংগানেৰ বিধানসভা সমষ্টিক প্ৰতিনিধিত্ব কৰে।^২ তেওঁ ভাৰতীয় জনতা পাৰ্টীৰ ৰাজ্যিক সাধাৰণ সম্পাদক হিচাপেও চাৰিবাৰকৈ কাৰ্যনিৰ্বাহ কৰিছে।^৩

প্ৰাথমিক জীৱন আৰু শিক্ষা

ৰাজস্থানৰ ভৰতপুৰ জিলাৰ নাদবাই অঞ্চলৰ অন্তৰ্গত আটাৰী গাঁৱত ভজন লাল শৰ্মাৰ জন্ম হৈছিল।^৪ তেখেতৰ পিতৃ কিষাণ স্বৰূপ শৰ্মা আৰু মাতৃ গোমতী দেৱী।^৫ নিৰ্বাচনী শপতনামাত উল্লেখ কৰা শৈক্ষিক অৰ্হতা অনুসৰি তেওঁ ৰাজস্থান বিশ্ববিদ্যালয়ৰ পৰা ৰাজনীতি বিজ্ঞানত এম এ ডিগ্ৰী লাভ কৰিছে।^৬

ৰাজনৈতিক জীৱন

শৰ্মাই স্কুলীয়া দিনৰে পৰা ৰাষ্ট্ৰীয় স্বয়ংসেৱক সংঘৰ ছাত্ৰ শাখা অখিল ভাৰতীয় বিদ্যাৰ্থী পৰিষদৰ জৰিয়তে ৰাজনৈতিক জীৱনৰ আৰম্ভণি কৰিছিল। পিছলৈ তেওঁ তাতেই জিলা সহ আহ্বায়ক আৰু সহ-জিলা প্ৰমুখ হৈ পৰে। পিছলৈ ভাৰতীয় জনতা যুৱ মৰ্চাত যোগদান কৰি ২৭ বছৰ বয়সত জন্ম গাঁৱৰ সৰ্পঞ্চ হয়।^৬

তেওঁ একেৰাহে চতুৰ্থবাৰৰ বাবে ভাৰতীয় জনতা পাৰ্টী, ৰাজস্থানৰ সাধাৰণ সম্পাদক হিচাপে কাৰ্যনিৰ্বাহ কৰি আহিছে।^৭

২০০৩ চনত ভাৰতপুৰৰ নদবাই বিধানসভা সমষ্টিৰ পৰা ৰাজস্থান সমাজিক ন্যায় মঞ্চৰ টিকটত শৰ্মাই বিধানসভা নিৰ্বাচনত বিফলভাৱে প্ৰতিদ্বন্দ্বিতা কৰি ৫,৯০০ ভোটৰ অলপ বেছি ভোট আৰু ৬.২৮% ভোটৰ অংশীদাৰিত্ব লাভ কৰি পঞ্চম স্থান দখল কৰে।^৮

২০২৩ চনৰ ৰাজস্থান বিধানসভা নিৰ্বাচনৰ পিছত তেওঁ সংগনেৰ বিধানসভা সমষ্টিৰ পৰা বিধায়ক হিচাপে নিৰ্বাচিত হয়।^৯

২০২৩ চনৰ ১২ ডিচেম্বৰত প্ৰথমবাৰৰ বাবে বিধায়ক হিচাপে ভাৰতীয় জনতা পাৰ্টিয়ে দুজন উপ মুখ্যমন্ত্ৰী দিয়া কুমাৰী আৰু প্ৰেম চান্দ বৈৰৱাৰ সৈতে ৰাজস্থানৰ চতুৰ্দশ মুখ্যমন্ত্ৰী হিচাপে নিযুক্তি দিয়ে।^১০

ৰাজস্থানৰ মুখ্যমন্ত্ৰী

২০২৩ চনৰ ১২ ডিচেম্বৰত ভাৰতীয় জনতা পাৰ্টীয়ে দুজন উপ-মুখ্যমন্ত্ৰী দিয়া কুমাৰী আৰু প্ৰেম চান্দ বৈৰৱাৰ সৈতে ৰাজস্থানৰ চতুৰ্দশ মুখ্যমন্ত্ৰী হিচাপে তেওঁক নিযুক্তি দিয়ে।^১১১২

ব্যক্তিগত জীৱন

তেওঁ বিবাহিত আৰু তেওঁৰ দুজন পুত্ৰ আছে। ডাঙৰ পুত্ৰ অভিষেক শৰ্মা পঢ়া-শুনা কৰি এটা ব্যক্তিগত চাকৰি কৰি আছে। তেওঁৰ কনিষ্ঠ পুত্ৰ কুনাল শৰ্মা এগৰাকী এমবিবিএছ ডাক্তৰ।