ব্ৰুক এডামছ (ইংৰাজী ভাষা: Brooke Adams; জন্ম: ৮ ফেব্ৰুৱাৰী, ১৯৪৯) এগৰাকী আমেৰিকা যুক্তৰাষ্ট্ৰন অভিনেত্ৰী।১ তেওঁ বিশেষকৈ ডেজ অৱ হেভেন (১৯৭৮), ইনভেচন অৱ দা বডী স্নেচাৰ্ছ (১৯৭৮) আৰু দা ডেড জ’ন (১৯৮৩) আদি ছবিত কৰা অভিনয়ৰ বাবে জনাজাত।
প্ৰাৰম্ভিক জীৱন
এডামছৰ জন্ম ১৯৪৯ চনৰ ৮ ফেব্ৰুৱাৰীত নিউয়ৰ্ক চহৰত হৈছিল। তেওঁৰ মাতৃ আছিল অভিনেত্ৰী ৰোজালিণ্ড (পূৰ্বৰ উপাধি গোল্ড) আৰু পিতৃ ৰবাৰ্ট কে. এডামছ, যি এজন প্ৰযোজক, অভিনেতা আৰু চিবিএছৰ (CBS) প্ৰাক্তন উপ-সভাপতি আছিল। তদুপৰি তেওঁৰ পিতৃ আমেৰিকাৰ ৰাষ্ট্ৰপতি জন এডামছ আৰু জন কুইন্সি এডামছৰ এজন অপ্ৰমাণিত বংশধৰ আছিল।২৩ তেওঁৰ ভগ্নী হ'ল অভিনেত্ৰী লিন এডামছ। তেওঁ হাইস্কুল অৱ পাৰফৰ্মিং আৰ্টছ আৰু স্কুল অৱ আমেৰিকান বেলেত শিক্ষা গ্ৰহণ কৰিছিল। সৰু কালত তেওঁ মিছিগানৰ মণ্টাগুত থকা পেহীয়েকৰ ষ্টুডিঅ'ত নৃত্যৰ প্ৰশিক্ষণ লৈছিল।৪
কেৰিয়াৰ
টেলিভিছন আৰু শ্বক ৱেভছৰ দৰে কম বাজেটৰ ছবিত অভিনয় কৰাৰ পাছত,৫ এডামছে ১৯৭৬ চনৰ ছবি কাৰ ৱাছত অভিনয় কৰে। ইয়াৰ পিছত তেওঁ ডেজ অৱ হেভেন (১৯৭৮) আৰু ইনভেচন অৱ দা বডী স্নেচাৰ্ছৰ (১৯৭৮) ৰিমেক সংস্কৰণত অভিনয় কৰে, যাৰ বাবে তেওঁ শ্ৰেষ্ঠ অভিনেত্ৰীৰ 'শনি বঁটা'ৰ (Saturn Award) মনোনয়ন লাভ কৰিছিল। তেওঁ কিউবা (১৯৭৯), দা ডেড জ’ন (১৯৮৩), কী এক্সচেঞ্জ৬ (১৯৮৫) আৰু গেছ ফুড লজিং (১৯৯২) ছবিতো অভিনয় কৰিছিল। শেষৰখন ছবিৰ বাবে তেওঁ 'ইণ্ডিপেণ্ডেণ্ট স্পিৰিট এৱাৰ্ড'ৰ শ্ৰেষ্ঠ সহকাৰী অভিনেত্ৰীৰ মনোনয়ন লাভ কৰে।
২০০২ চনত তেওঁ তেওঁৰ ভগ্নী লিন এডামছে লিখা আৰু স্বামী টনি শ্বালহৌবে পৰিচালনা কৰা ৰোমাণ্টিক কমেডী ছবি মেড-আপত অভিনয় কৰে। এডামছে ইয়াৰ উপৰি এট লাষ্ট আৰু দা লেজেণ্ড অৱ লুচি কীজ (দুয়োখন ২০০৫ চনৰ) নামৰ ছবি দুখনত অভিনয় কৰাৰ লগতে ব্ৰডৱেৰ নাটক দা চেৰী অৰ্চাৰ্ড, লেণ্ড মি এ টেনৰ আৰু ৱেণ্ডি ৱাছাৰষ্টাইনৰ দা হেইডি ক্ৰনিকলছত (১৯৯০) অভিনয় কৰিছিল। তেওঁ তেওঁৰ স্বামী অভিনীত ধাৰাবাহিক মংকৰ পাঁচটা ভিন্ন খণ্ডত চাৰিটা বেলেগ বেলেগ চৰিত্ৰত অভিনয় কৰিছিল আৰু ধাৰাবাহিকখনৰ টিভি চিনেমা মিষ্টাৰ মংকছ লাষ্ট কেছতো ভূমুকি মাৰিছিল। ইয়াৰ কেইবছৰমান আগতে তেওঁ স্বামীৰ সৈতে উইংছ নামৰ ধাৰাবাহিকখনৰ এটা খণ্ডতো অতিথি শিল্পী হিচাপে অভিনয় কৰিছিল।
ব্যক্তিগত জীৱন
এডামছে ১৯৯২ চনত অভিনেতা টনি শ্বালহৌবৰ সৈতে বিবাহপাশত আবদ্ধ হয়।৭ তেওঁলোকৰ দুগৰাকী কন্যা সন্তান আছে, যি দুয়োকে তেওঁলোকে তুলি লৈছিল (দত্তক লৈছিল)।৮
তথ্যসূত্ৰ
- ↑ Genzlinger, Neil. (2004-01-20). An Actress of a Certain Age Eyes the Beauty Cult. The New York Times
- ↑ Buckley, Tom. (November 17, 1978). At the Movies. The New York Times
- ↑ (February 16, 1981). Robert K. Adams, 72, a Producer Of Television and Theater Shows. The New York Times
- ↑ Adams, Brooke. (December 6, 2017). All She Wants to Do is Dance. The Huffington Post
- ↑ Mannikka, Eleanor. (2008). Shock Waves. The New York Times
- ↑ Canby, Vincent. (August 14, 2015). Key Exchange (1985) SCREEN: 'KEY EXCHANGE,' A COMEDY. The New York Times
- ↑ McColl, Katy. (July 25, 2010). Tony Shalhoub's Country Cottage. Country Living
- ↑ Gliatto, Tom. (November 4, 1996). Now He's Cooking. People
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “ব্ৰুক এডামছ” প্ৰবন্ধৰ সংশোধন ৫৯৬০৪৩ (২৮ মাৰ্চ ২০২৬)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।