বেহাতি প্ৰিন্সলু

বেহাতী প্ৰিন্সলু (ইংৰাজী ভাষা: Behati Prinsloo; জন্ম: ১৬ মে’ ১৯৮৮) এগৰাকী নামিবিয়ান মডেল। ২০০৮ চনত তেওঁ ‘পিংক’ৰ এজন চুক্তিবদ্ধ মডেল হয় আৰু ২০০৯ চনত ‘ভিক্টোৰিয়াছ ছিক্ৰেট এঞ্জেল’ হিচাপে নিৰ্বাচিত হয়।^১ তেওঁ মুঠ বাৰখন ‘ভিক্টোৰিয়াছ ছিক্ৰেট ফেশ্বন শ্ব’ত (২০০৭–২০১৫; ২০১৮; ২০২৪–২০২৫) অংশগ্ৰহণ কৰিছে আৰু ২০১৪ তথা ২০১৫ চনত ধাৰাবাহিকভাৱে ভিক্টোৰিয়াছ ছিক্ৰেট ফেশ্বন শ্ব’ মুকলি কৰিছিল।^২

প্ৰাৰম্ভিক জীৱন

প্ৰিন্সলুৰ জন্ম ১৯৮৮ চনৰ ১৬ মে’ত^৩৪৫ নামিবিয়াৰ (তেতিয়াৰ দক্ষিণ-পশ্চিম আফ্ৰিকাৰ অংশ) গ্ৰুটফণ্টেইনত হৈছিল।^৬৭ তেওঁৰ পিতৃ বোট প্ৰিন্সলু এজন চাৰ্চৰ ধৰ্মগুৰু আৰু মাতৃ মাগদাই এটা বিছনা আৰু ব্ৰেকফাষ্টৰ ব্যৱসায় চলায়।^৮৯ প্ৰিন্সলু পৰিয়ালটো আফ্ৰিকানাৰ জনগোষ্ঠীৰ; তেওঁ আফ্ৰিকানী ভাষা কৈ ডাঙৰ-দীঘল হৈছিল আৰু স্কুলত পঢ়াৰ লগতে ডাঙৰ হোৱাৰ লগে লগে ইংৰাজী ভাষী লোকক লগ পাইহে ইংৰাজী শিকিছিল।^১০ তেওঁ গ্ৰুটফণ্টেইন চেকেণ্ডাৰী স্কুলত অধ্যয়ন কৰিছিল আৰু মডেলিং কেৰিয়াৰ আগবঢ়াই নিবলৈ নৱম শ্ৰেণীৰ পিছত স্কুল ত্যাগ কৰিছিল।^১১

ককাক-আইতাকৰ সৈতে কেপ টাউনত ছুটি কটাই থকা সময়তে তেওঁক পোনপ্ৰথমবাৰৰ বাবে মডেলিংৰ বাবে আৱিষ্কাৰ কৰা হৈছিল। সেই সময়ৰ স্মৃতি ৰোমন্থন কৰি প্ৰিন্সলুৱে কৈছিল: "আমি গীৰ্জাৰপৰা অহাৰ পাছত গেলামালৰ দোকানলৈ গৈছিলোঁ আৰু এজন মানুহ মোৰ ওচৰলৈ আহি মই মডেল নেকি সুধিলে আৰু এখন কাগজত তেওঁৰ নম্বৰটো লিখি দিলে...।" ^১২

ব্যক্তিগত জীৱন

২০১২ চনত প্ৰিন্সলুৱে মাৰুন ৫ বেণ্ডৰ আমেৰিকান সংগীতজ্ঞ এডাম লেভিনৰ সৈতে ডেটিং আৰম্ভ কৰে; ২০১৪ চনত মেক্সিকোত তেওঁলোক বিবাহপাশত আবদ্ধ হয়।^১৩ তেওঁলোকৰ দুগৰাকী কন্যা (জন্ম: ২০১৬ আৰু ২০১৮) আৰু এজন পুত্ৰ (জন্ম: ২০২৩) সন্তান আছে।^১৪১৫

তেওঁ সহযোগী মডেল কেণ্ডিচ স্বানেপোৱেল আৰু লিলি এলড্ৰিজৰ ঘনিষ্ঠ বন্ধু।^১৬

২০১৮ চনত মাৰুন ৫-ৰ ভিডিঅ’ "গাৰ্লছ লাইক ইউ"-ত প্ৰিন্সলুৱে স্বামী লেভিন আৰু তেওঁলোকৰ কন্যা ডাষ্টি ৰোজৰ সৈতে অভিনয় কৰিছিল।^১৭ পাঁচ বছৰৰ পাছত তেওঁলোকে পুনৰ বেণ্ডটোৰ "মিডল গ্ৰাউণ্ড" নামৰ গীতটিত জিঅ’ গ্ৰেচৰ সৈতে অভিনয় কৰে।^১৮

২০২১ চনত লেভিন আৰু প্ৰিন্সলুৱে কেলিৰোছা নামৰ কেলিফৰ্ণিয়াৰ ৰঙা মদৰ পিপাত পুৰণি কৰা টেকুইলাৰ এটা ব্ৰেণ্ড প্ৰতিষ্ঠা কৰে।^১৯২০