বহনক্ষম উন্নয়নৰ লক্ষ্য

বহনক্ষম উন্নয়নৰ লক্ষ্য (Sustainable Development Goals চমুকৈ SDGs) বা গোলকীয় লক্ষ্য হৈছে "সকলোৰে বাবে এক উন্নত আৰু অধিক বহনক্ষম ভৱিষ্যত প্ৰাপ্ত কৰা"ৰ বাবে প্ৰস্তুত কৰা ১৭ টা আন্তঃসংযোজিত লক্ষ্যৰ এক সংগ্ৰহ।^১ ২০১৫ চনৰ ছেপ্টেম্বৰ মাহত ৰাষ্ট্ৰসংঘৰ সাধাৰণ সভাই সিদ্ধান্ত লৈ ১৭টা নতুন বহনক্ষম উন্নয়নৰ বিশ্বজোৰা লক্ষ্য বান্ধি দিছিল যিকেইটা ২০৩০ চনৰ ভিতৰত সম্পূৰ্ণ কৰাৰ উদ্দেশ্যে। এই সিদ্ধান্ত মূলতে আছিল দৰিদ্ৰতা শেষ কৰিবলৈ, পৃথিৱীখন সুৰক্ষিত কৰিবলৈ আৰু ২০৩০ চনৰ ভিতৰত সকলো লোকে শান্তি আৰু সমৃদ্ধি উপভোগ কৰাটো নিশ্চিত কৰাৰ বাবে এক সৰ্বজনীন আহ্বান।^১ ভাৰতত বহনক্ষম উন্নয়নৰ লক্ষ্যত সন্নিৱিষ্ট সমৃদ্ধ থকা জাতীয় সূচকসমূহৰ বিকাশৰ ভূমিকা, মন্ত্ৰালয়ৰ দ্বাৰা পৰিকল্পনাসমূহৰ ৰূপায়ণৰ তত্ত্বাৱধায়ন কৰা, উন্নয়নৰ লক্ষ্য সাৰ্থক কৰাৰ বাবে ৰাজ্যসমূহৰ লগত সমন্বয় স্থাপন কৰাৰ বাবে নিটি আয়োগক নিয়োগ কৰা হৈছে।^২

লক্ষ্যসমূহ

১৭টা বহনক্ষম উন্নয়নৰ লক্ষ্য হৈছে:^২

1. দৰিদ্ৰতা নিৰ্মূল
2. ক্ষুধা নিবাৰণ
3. সুস্বাস্থ্যৰ জৰিয়তে পৰয়ালৰ কল্যাণ সাধন
4. গুণগত শিক্ষা
5. লিংগ সমতা ৰক্ষা
6. বিশুদ্ধ খোৱাপানী আৰু অনাময় ব্যৱস্থা
7. সুলভ আৰু স্বচ্ছ শক্তি
8. ভাল কাৰ্যৰ জৰিয়তে অৰ্থনৈতিক বিকাশ সাধন
9. উদ্যোগ, নতুনত্ব আৰু অভিনৱত্ব
10. বহনক্ষম চহৰ আৰু সম্প্ৰদায়
11. অসমানতা হ্ৰাস কৰা
12. দায়িত্বশীল সেৱন আৰু উৎপাদন
13. জলবায়ু নিয়ন্ত্ৰণ
14. সাগৰীয় জীৱকূল
15. জীৱন আৰু ভূমি
16. শান্তি, ন্যায় আৰু শক্তিশালী সংস্থা
17. সমেত অংশীদাৰিত্ব আৰু বহনক্ষম লক্ষ্য