বছিৰা পাইঘাম

বছিৰা পাইঘাম (জন্ম ১৯৯৭/১৯৯৮)^১ এগৰাকী আফগান এলজিবিটিকিউ-অধিকাৰ কৰ্মী।

জীৱন

২০১৫ চনত পাইঘামে বেনামীভাৱে ছ’চিয়েল মিডিয়া ব্যৱহাৰ কৰি আফগানিস্তানৰ অন্যান্য এলজিবিটিকিউ ব্যক্তিৰ সৈতে সংযোগ স্থাপন কৰিবলৈ আৰম্ভ কৰে। ২০১৬ চনত তেওঁ বিশেষভাৱে এলজিবিটি আফগানসকলৰ বাবে এটা ফেচবুক গ্ৰুপ গঠন কৰে।^১ ২০১৮ চনত পাইঘাম আৰু তেওঁৰ কিছুমান সতীৰ্থ কৰ্মীয়ে কাবুলত কমিউনিটি মিট-আপৰ আয়োজন কৰাৰ লগতে সহযোগী এলজিবিটি আফগানসকলৰ বাবে পাৰস্পৰিক সাহায্যৰ আয়োজন কৰে। এই সময়ছোৱাত পাইগামে আফগানিস্তানত বাস কৰা এলজিবিটিকিউ ব্যক্তি হিচাপে তেওঁৰ জীৱনৰ বিষয়ে ছদ্মনামেৰে আন্তঃৰাষ্ট্ৰীয় গোট আৰু সাংবাদিকসকলৰ সৈতেও কথা পাতিছিল।.^১

২০২১ চনত তালিবানে ক্ষমতা দখল কৰাৰ পিছৰ দিনকেইটাত পাইঘামক অজ্ঞাত নম্বৰৰ পৰা ভাবুকিমূলক ফোন আহিবলৈ আৰম্ভ কৰে আৰু তেওঁৰ এপাৰ্টমেণ্টত তালাচী চলোৱা হয়।^২ ২০২১ চনৰ অক্টোবৰ মাহত তেওঁ পাকিস্তানত প্ৰৱেশ কৰিবলৈ ভিছা লাভ কৰে আৰু তাৰ পৰা তেওঁ আয়াৰলেণ্ডলৈ পলায়ন কৰে।^৩পাইঘামক বিবিচিয়ে বছৰৰ ১০০ গৰাকী প্ৰভাৱশালী মহিলাৰ ভিতৰত অন্যতম হিচাপে স্বীকৃতি দিছিল; সেই সময়ত তেওঁ ডুংগাৰভানৰ আইৰিছ শৰণাৰ্থী শিবিৰত বাস কৰিছিল।^১৩৪৫ শৰণাৰ্থী শিবিৰত থকাৰ সময়তে তেওঁ শৰণাৰ্থী শিশুসকলৰ সৈতে কাম কৰি তেওঁলোকক ইতিবাচক আৰু সম্প্ৰদায়কেন্দ্ৰিক কাৰ্য্যকলাপত জড়িত কৰিবলৈ আৰম্ভ কৰিছিল। বিবিচিৰ স্বীকৃতিৰ পিছত কিছুমান অভিভাৱকে নিজৰ সন্তানক পাইঘামৰ সৈতে সাক্ষাৎ কৰাত বাধা দিবলৈ আৰম্ভ কৰে, "তেওঁ তেওঁলোকক সমকামিতাৰ বিষয়ে শিকাব বুলি ভয় কৰি", আৰু পাইঘামে ছ'চিয়েল মিডিয়াত হাৰাশাস্তিৰ সন্মুখীন হয়।^৫৬আফগানিস্তানত তেওঁৰ পৰিয়ালক তালিবানে লক্ষ্য কৰি লৈছিল;^৫২০২২ চনৰ ফেব্ৰুৱাৰী মাহত তেওঁৰ পিতৃ আৰু ভাতৃক দুসপ্তাহৰ বাবে আটক কৰি ৰখা হৈছিল আৰু "এগৰাকী সমকামী ছোৱালীক লালন-পালন কৰা আৰু ইছলাম আৰু আফগানিস্তানৰ বিৰুদ্ধে পশ্চিমীয়া মূল্যবোধক সমৰ্থন কৰা"ৰ অভিযোগ উত্থাপন কৰা হৈছিল।^৬ কেইসপ্তাহমানৰ পিছত মাকক ওচৰ-চুবুৰীয়াই প্ৰহাৰ কৰে।^৬

পাইঘামে চিকিৎসালয়ৰ চাফাই কৰ্মী হিচাপে কাম কৰিবলৈ আৰম্ভ কৰে, আফগানিস্তানৰ এখন বৃহৎ চহৰলৈ যোৱাৰ বাবে ধন ঘূৰাই পৰিয়াললৈ পঠিয়াই দিয়ে।^৬

ফ্ৰেড্ৰিখ নৌমান ফাউণ্ডেশ্যন ফৰ ফ্ৰিডমৰ ২০২২ চনৰ বৰ্ণ উইথ প্ৰাইড সন্মিলনত পাইঘাম মুখ্য বক্তা আছিল। ২০২৩ চনত তেওঁক আউটৰাইট ইণ্টাৰনেশ্যনেলৰ ৰাষ্ট্ৰসংঘৰ অধিকাৰ আৰু ধৰ্ম সভ্য হিচাপে নিযুক্তি দিয়া হয়।^৭