আজিজা ছিদ্দিকী

আজিজা ছিদ্দিকী (জন্ম-প্ৰায় ১৯৮৩) এগৰাকী আফগান মহিলা অধিকাৰ কৰ্মী।^১২ তেওঁ আফগান বেচৰকাৰী সংগঠন একচন এইডৰ সৈতে মহিলা অধিকাৰ সমন্বয়ক আছিল৷ য'ত তেওঁ গ্ৰাম্য আফগান মহিলাসকলৰ পৰিস্থিতিৰ ওপৰত গৱেষণা কৰিছিল আৰু তেওঁলোকৰ অধিকাৰৰ বিষয়ে জ্ঞান দিছিল৷ ইয়াৰ লগতে তেওঁৰ কামৰ বাবে ব্যক্তিগতভাৱে ভাবুকি পোৱাৰ পিছতো সিদ্ধান্ত গ্ৰহণৰ প্ৰশিক্ষণৰ আয়োজন কৰিছিল।^২৩৪

আফগানিস্তানত জন্মগ্ৰহণ কৰা ছিদ্দিকীয়ে যুদ্ধৰ বাবে আঠ বছৰ বয়সত পাকিস্তানলৈ গুচি যায় যদিও ২০০৩ চনত মহিলাৰ অধিকাৰৰ বাবে কাম কৰিবলৈ আফগানিস্তানলৈ উভতি আহে।^১ ২০০৭ চনত তেওঁ আন্তঃৰাষ্ট্ৰীয় মহিলা সাহস বঁটা লাভ কৰে।^১ কিন্তু সুপৰিচিত হোৱাৰ বাবে তেওঁ ইয়াৰ পিছত আফগানিস্তানলৈ নিৰাপদে উভতি যাব নোৱাৰিলে আৰু সেয়েহে তেওঁ আমেৰিকাত আশ্ৰয় লয়।^১

২০০৮ চনত তেওঁ BIAS, Bi-lingual International Assistant Services ৰ বাবে কেছ ৱৰ্কাৰ হিচাপে কাম কৰিবলৈ আৰম্ভ কৰে, যিয়ে বৃদ্ধ আৰু অক্ষম অনুপ্ৰৱেশকাৰী, আশ্ৰয়প্ৰাপ্ত আৰু শৰণাৰ্থীসকলক সহায় কৰে।^১ ২০০৯ চনত ছিদ্দিকীয়ে গীতানা প্ৰডাকচনৰ পৰা "বছৰৰ অসাধাৰণ ব্যক্তি" বঁটা লাভ কৰে, যিয়ে কলা আৰু কলা শিক্ষাৰ জৰিয়তে বৈচিত্ৰ্যক প্ৰসাৰিত কৰে।^১