ফেৰেষ্টেহ হোছেইনী

ফেৰেষ্টেহ হোছেইনী (ফাৰ্চী ভাষা: فرشته حسینی; জন্ম ২৬ এপ্ৰিল, ১৯৯৭) এগৰাকী আফগান-ইৰানীয় অভিনেত্ৰী। ফাৰ্চী ভাষাত তেওঁৰ নামটো ফ্ৰেশ্বটেহ হোছেইনী বুলি উচ্চাৰণ কৰা হয়। তেওঁ মুখ্যত পাৰ্টিং (২০১৬), দ্য ফ্ৰগ (২০২০-২০২১) আৰু ডুৱেলিং এমং দ্য গডছ (২০২৪) চলচ্চিত্ৰত কৰা অভিনয়ৰ বাবে পৰিচিত। পাৰ্টিং চলচ্চিত্ৰখনত আগবঢ়োৱা উৎকৃষ্ট অভিনয়ৰ বাবে হোছেইনীয়ে ১৬ সংখ্যক মাৰাকেচ আন্তঃৰাষ্ট্ৰীয় চলচ্চিত্ৰ মহোৎসৱত শ্ৰেষ্ঠ অভিনেত্ৰীৰ বঁটা লাভ কৰিবলৈ সক্ষম হৈছিল।^১

প্ৰাৰম্ভিক জীৱন

ফেৰেষ্টেহ হোছেইনীৰ জন্ম ১৯৯৭ চনৰ ২৬ এপ্ৰিলত ইৰানৰ তেহৰাণত হৈছিল।^২৩৪ তেওঁৰ পিতৃ-মাতৃ আছিল আফগানিস্তানৰ যুদ্ধৰ বাবে তেওঁৰ জন্মৰ পূৰ্বেই ইৰানলৈ প্ৰব্ৰজন কৰা দুজন আফগান হাজাৰা শৰণাৰ্থী। হোছেইনীৰ মাছুমেহ, মৰিয়ম, হানিয়েহ আৰু জাহ্ৰা নামেৰে চাৰিগৰাকী ভগ্নী আৰু মহম্মদ নামেৰে এজন ভাতৃ আছে। তেওঁৰ ভগ্নী মৰিয়মও এগৰাকী অভিনেত্ৰী।

ব্যক্তিগত জীৱন

২০২০ চনত হোছেইনী আৰু ইৰানৰ অভিনেতা নবীদ মোহম্মদজাদেহৰ মাজত প্ৰেমৰ সম্পৰ্ক গঢ়ি উঠা বুলি উৰাবাতৰি ওলাইছিল। ২০২১ চনৰ এপ্ৰিল মাহত মোহম্মদজাদেহে ইনষ্টাগ্ৰামত এটা পোষ্ট শ্বেয়াৰ কৰি এই বাতৰি সঁচা বুলি নিশ্চিত কৰে।^৫ পৰৱৰ্তী সময়ত ২০২১ চনৰ জুলাই মাহত এই যুগল বিবাহপাশত আৱদ্ধ হয়।^৬৭৮

থিয়েটাৰ

বঁটা আৰু মনোনয়ন

বাহ্যিক সংযোগ

• Fereshteh Hosseini On SourehCinema (in Persian)