ফেদা গীৰ্জা

ফেদা গীৰ্জা হৈছে চাৰ্চ অৱ নৰৱেৰ এখন পাৰিচ গীৰ্জা, যি নৰৱেৰ আগ্দেৰ জিলাৰ ক্ৱিনেছডাল মিউনিচিপেলিটীৰ ফেদা গাঁৱৰ ফেদাফিঅৰ্ডেনৰ কাষত অৱস্থিত। এই গীৰ্জাখন লিষ্টাৰ অগ মানডাল প্ৰ'স্তি (ডীনাৰী)ৰ অন্তৰ্গত ফেদা পাৰিচৰ অংশ। সেউজীয়া, কাঠৰে নিৰ্মিত এই‌ গীৰ্জাখন এম্পায়াৰ শৈলীৰ ক্ৰুচিফৰ্ম নক্সাত ১৮০২ চনত গঢ়ি তুলিছিল, অৱশ্যে ইয়াৰ স্থপতিকৰ নাম অজ্ঞাত। গীৰ্জাখনত প্ৰায় ২৪০ গৰাকী লোক বহিব পৰা যায়।^১২৩

ইতিহাস

গীৰ্জাখনৰ আটাইতকৈ পুৰণি লিখিত ইতিহাস ১৩০২ চনৰ পৰা পোৱা গৈছে, যদিও এই গীৰ্জাখন তাৰ আগতেই অৱস্থিত আছিল বুলি বিশ্বাস কৰা হয়। প্ৰাৰম্ভিক গীৰ্জাখন সম্ভৱতঃ এখন ষ্টেভ গীৰ্জা আছিল। ১৫৯৩ চনত, পুৰণি গীৰ্জাখন ভাঙি পেলাই কাঠেৰে গঢ়ি তোলা এখন আয়তাকাৰ আকৃতিৰ নেভ আৰু ঠেক আয়তকাৰ চেন্সেলযুক্ত নতুন গীৰ্জা নিৰ্মাণ কৰা হয়। ১৮০০ চনত এই গীৰ্জাখনো ভাঙি তাতেই নতুন ক্ৰুচিফৰ্ম আকৃতিৰ গীৰ্জা নিৰ্মাণ আৰম্ভ কৰা হয়। এই নতুন গীৰ্জাখন ১৮০২ চনত উদ্‌ঘাটিত হৈছিল। ১৮৫০ চনৰ দশকৰ ভিতৰত গীৰ্জাখনত দ্বিতীয় তলাৰ নতুন আসন, এখন পাল্পিট, এখন বেদীৰ ছবি আৰু এখন বাপ্তিস্মৰ সঁজুলি সংযুক্ত কৰা হয়। ১৮৫৪ চনত শ্মশানখন প্ৰায় ৯০০ বৰ্গ মিটাৰলৈ সম্প্ৰসাৰণ কৰা হৈছিল।^৪

আৰু চাওক

• ফেদা (দ্ব্যৰ্থতা দূৰীকৰণ পৃষ্ঠা)