প্ৰিয় মালতী

প্ৰিয় মালতী (Priyo Maloti; বিকল্প শিৰোনাম: Whispers of a Thirsty River)^১ ২০২৪ চনৰ এখন বাংলাদেশী অপৰাধমূলক নাট্যধৰ্মী ছবি। এটা সত্য ঘটনাৰ দ্বাৰা অনুপ্ৰাণিত হৈ^২ শংখ দাসগুপ্তই কাহিনী আৰু চিত্ৰনাট্য ৰচনা কৰিছে। পৰিচালনাও শংখ দাসগুপ্তৰ।^৩ অ'টিটি প্লেটফৰ্ম চ'ৰকিৰ সহযোগত ফ্ৰেম পাৰ ছেকেণ্ডে এই ছবিখন নিৰ্মাণ কৰিছিল। ইয়াত মেহজাবীন চৌধুৰীয়ে মুখ্য চৰিত্ৰত অভিনয় কৰিছে।^৪ ইয়াত মাতৃত্বৰ ওচৰ চাপি অহা এগৰাকী মহিলা মালতীৰ যাত্ৰাৰ কাহিনী বৰ্ণিত হৈছে। মালতীৰ স্বামী পলাশৰ এক বিধ্বংসী জুইত মৃত্যু হোৱাৰ পিছত তেওঁৰ জীৱনে এক মৰ্মান্তিক ৰূপ লয়।^৫

২০২৪ চনৰ ২০ ডিচেম্বৰত ছবিগৃহত মুক্তি পোৱা এই ডাঙৰ পৰ্দাৰ ছবি এখনত মুখ্য অভিনেত্ৰী হিচাপে মেহাজাবীন চৌধুৰী, পৰিচালক হিচাপে শংখ দাসগুপ্ত আৰু প্ৰযোজক হিচাপে আদনান আল ৰাজীবৰ আত্মপ্ৰকাশ আছিল।^৬

বৰকত হোছেইন পলাশৰ চিনেমেট'গ্ৰাফী আৰু ৰুছলান ৰহমানৰ আৱহ সংগীতৰ সৈতে ছবিখনে দৰ্শকক মালতীৰ জীৱনৰ উত্থান-পতনত নিমজ্জিত কৰি ৰখাত সফল হৈছে আৰু দৰ্শকৰ পৰা ইতিবাচক সমালোচনা লাভ কৰিছে।^৭

সন্মান

২৩তম ঢাকা আন্তঃৰাষ্ট্ৰীয় চলচ্চিত্ৰ মহোৎসৱত প্ৰিয় মালতী ছবিখনক বাংলাদেশ পেনোৰামা শাখাত FIPRESCI বঁটাৰে সন্মানিত কৰা হয়।^৮