ন ডৰাই

ন ডৰাই (No Dorai) তনীম ৰহমান অংশুৰ পৰিচালনাত নিৰ্মিত ২০১৯ চনৰ এখন বাংলাদেশী নাট্যধৰ্মী ছবি। কক্স বজাৰৰ পটভূমিত ৰচিত ন ডৰাইৰ কাহিনীটো এগৰাকী বাংলাদেশী কণমানি ছোৱালীৰ জীৱনৰ ওপৰত আধাৰিত, যিয়ে সমাজৰ নীতি-নিয়মক অৱজ্ঞা কৰি চাৰ্ফাৰ হোৱাৰ সপোন অনুসৰণ কৰে। এইখন প্ৰথম বাংলাদেশী চাৰ্ফিং ছবি। ^১ ন ডৰাইৰ আক্ষৰিক অৰ্থ চাটগঞা উপভাষাত "ভয় নকৰা।" ইয়াত সুনেৰা বিণ্টে কমল আৰু ছৰিফুল ৰাজে মুখ্য চৰিত্ৰত অভিনয় কৰিছে। ^{২ ৩ ৪}

এই ছবিখন ষ্টাৰ চিনেপ্লেক্সৰ চলচ্চিত্ৰ নিৰ্মাণৰ প্ৰথম উদ্যোগ। ^৫ ছবিখন মুক্তিৰ পূৰ্বে মোহন শ্বৰীফে গোৱা ইয়াৰ গীত ‘যন্ত্ৰণা’ই ছবিখনৰ বিষয়ে ঢৌৰ সৃষ্টি কৰিছিল। ^৬ ষ্টাৰ চিনেপ্লেক্সৰ ‘ন ডৰাই’ আৰু ফৰিদুৰ ৰেজা সাগৰৰ ‘ফাগুন হাৱাই’ যৌথভাৱে ২০১৯ চনৰ শ্ৰেষ্ঠ ছবিৰ বাংলাদেশ ৰাষ্ট্ৰীয় চলচ্চিত্ৰ বঁটা লাভ কৰিছে। ^৭

সঁহাৰি

মুক্তিৰ পূৰ্বে সৃষ্টি হোৱা ঢৌ সত্ত্বেও ^৮ ন ডৰাইয়ে নেতিবাচক সমালোচনা লাভ কৰিছিল। কক্সৰ বজাৰৰ সুন্দৰ দৃশ্য আৰু নৱাগত অভিনেতা-অভিনেত্ৰীৰ অভিনয়ৰ বাবে ছবিখনে প্ৰশংসা লাভ কৰিছে। কিন্তু কাহিনীটোৱে সমালোচকসকলৰ ভাল সমাদৰ পোৱা নাছিল।

বাহ্যিক সংযোগ

• Review by Dhaka Tribune