পল্লৱী ফৌজদাৰ

পল্লৱী ফৌজদাৰ (: Pallavi Fauzdar; জন্ম: ২০ ডিচেম্বৰ ১৯৭৯) এগৰাকী উচ্চ পৰ্বতীয়া অঞ্চলত মটৰচাইকেল চলোৱা আৰু সমাজসেৱাৰ বাবে সুপৰিচিত ভাৰতীয় মহিলা। লিমকা বুক অৱ ৰেকৰ্ডছৰ দ্বাৰা বিভিন্ন অসাধাৰণ কৃতিত্বৰ বাবে প্ৰথমবাৰৰ বাবে স্বীকৃতি লাভ কৰিছে।

প্ৰাৰম্ভিক জীৱন আৰু পটভূমি

পল্লৱী ফৌজদাৰৰ জন্ম হৈছিল ভাৰতৰ উত্তৰ প্ৰদেশৰ আগ্ৰাত। তেওঁৰ পিতৃ অশোক ফৌজদাৰ, এজন অৱসৰপ্ৰাপ্ত বৈদ্যুতিক অভিযন্তা। পল্লৱীয়ে প্ৰথমে ১৪ বছৰ বয়সত দেউতাকৰ মটৰ চাইকেল চলাই মটৰ চাইকেল চলোৱাৰ প্ৰতি আকৰ্শিত হৈছিল। ২০০৪ চনত পল্লৱীৰ বিবাহ হয়, তেওঁ ২টা সন্তান মাতৃ আৰু নতুন দিল্লীত থাকে।^১

কৰ্ম জীৱন

নতুন দিল্লীৰ এটা ৰাইডিং গ্ৰুপত যোগদান কৰি পল্লৱী ফৌজদাৰে ৰাইডিং কেৰিয়াৰ আৰম্ভ কৰিছিল। ২০১৫ চনত তেওঁৰ প্ৰথম উল্লেখযোগ্য অভিযান আছিল, সমুদ্ৰপৃষ্ঠৰ পৰা ৫৬৩৮ মিটাৰ বা ১৮৭৭৪ ফুট উচ্চতাত মানা পাছলৈ এককভাৱে যাত্ৰা কৰিছিল, যিটো তেতিয়া বিশ্বৰ সৰ্বোচ্চ মটৰচাইকেল চলাব পৰা পাছ আছিল। তেওঁৰ এই কৃতিত্ব লিমকা বুক অৱ ৰেকৰ্ডছে স্বীকৃতি দিয়ে।^২৩ সেই বছৰতে তেওঁ একেটা ভ্ৰমণতে ৫০০০ মিটাৰৰ ওপৰৰ আঠটা মাউণ্টেন পাছলৈ ৰাইডিং কৰি আন এক অভিলেখ গঢ়িছিল।^৪পল্লৱী ফৌজদাৰ উচ্চ পৰ্বতীয়া অঞ্চলত মটৰচাইকেল ৰাইডিং কৰি নতুন পাৰসমূহ আৰু দুৰ্গম পথবোৰ অতিক্ৰম কৰি যাবলৈ লাগিছিল। লগতে, তেওঁ সামাজিক সচেতনতা বৃদ্ধি কৰাৰ বাবে দেশৰ বিভিন্ন স্থানত কাৰণ-সচেতনতা (cause-awareness) ৰাইড কৰিছিল।^৫ ২০১৭ চনত পল্লৱীয়ে ঘোঁৰাত উঠি ভাৰতৰ লাডাখ অঞ্চললৈ গৈ ৫৮০৩ মিটাৰ বা ১৯৩২৩ ফুট উচ্চতাত উমলিং লা পাছত উঠিছিল, এই পথ অতিক্ৰম কৰা তেওঁ প্ৰথম ব্যক্তি আছিল।^৬ উমলিং লা পাছ এতিয়া বিশ্বৰ সৰ্বোচ্চ মটৰচলাব পৰা যোগ্য পাছ।^৭৮

সামাজিক কৰ্ম

পল্লৱীয়ে বেচৰকাৰী সংস্থা আৰু উত্তৰ প্ৰদেশ ৰাজ্য চৰকাৰৰ মহিলা আৰু শিশু বিভাগৰ সৈতে মহিলা আৰু শিশুৰ সহায়ৰ বাবে মহিলা আৰু শিশু হেল্পলাইন ১৮১ আৰু "বেটি বাচাও, বেটি পঢ়াও" অভিযানৰ ব্ৰেণ্ড এম্বেছাদৰ হিচাপে কাম কৰিছে।^৫৯১০

টেলিভিছন

পল্লৱীয়ে নিয়মিতভাৱে টেলিভিছন আৰু ডি ডি নেচনেলকে ধৰি সংবাদ মাধ্যমৰ সাক্ষাৎকাৰ দিয়ে।^{১১১২১৩৩}