নামিৰেম্বে বিতামাজিৰে

জেৰাল্ডিন নামিৰেম্বে বিতামাজিৰে (১৭ জুলাই ১৯৪১ – ১৪ জানুৱাৰী ২০২৬) উগাণ্ডাৰ এগৰাকী শিক্ষাবিদ আৰু ৰাজনীতিবিদ আছিল। তেওঁ উগাণ্ডা মেনেজমেণ্ট ইনষ্টিটিউটৰ চ্যান্সেলৰ আছিল।^১ ১৯৭৯ চনৰপৰা ১৯৮০ চনলৈ আৰু পুনৰ ২০০৫ চনৰপৰা ২০১১ চনলৈ শিক্ষা মন্ত্ৰী হিচাপে কাৰ্যনিৰ্বাহ কৰিছিল। ২০০১ চনৰপৰা ২০১১ চনলৈকে তেওঁ উগাণ্ডাৰ সংসদত এমপিগি জিলাৰ মহিলাসকলক প্ৰতিনিধিত্ব কৰি সংসদৰ সদস্য হিচাপেও কাৰ্যনিৰ্বাহ কৰিছিল।^২৩

প্ৰাথমিক জীৱন আৰু শিক্ষা

১৯৪১ চনৰ ১৭ জুলাইত উগাণ্ডাৰ প্ৰটেক্টৰেটৰ মধ্য অঞ্চলত জন্মগ্ৰহণ কৰিছিল বিটামাজিৰে। হাইস্কুলীয়া শিক্ষাৰ বাবে তেওঁ ট্ৰিনিটি কলেজ নাবিংগোত পঢ়িছিল।^৪ তাৰ পিছত ১৯৬৪ চনত মাকেৰেৰে বিশ্ববিদ্যালয়ৰপৰা শিক্ষাত ডিপ্লমা লাভ কৰে। তাৰ পিছত ১৯৬৭ চনত কলা শাখাত স্নাতক আৰু ১৯৮৭ চনত কলা শাখাত স্নাতকোত্তৰ ডিগ্ৰী লাভ কৰে, দুয়োটাই মাকেৰেৰে বিশ্ববিদ্যালয়ৰপৰা।^২

কেৰিয়াৰ

১৯৭১ চনৰপৰা ১৯৭৩ চনলৈকে তেওঁ প্ৰথম ইষ্ট আফ্ৰিকান কমিউনিটিৰ অংশ ইষ্ট আফ্ৰিকান হাৰ্বাৰছ কৰ্পৰেশ্যনৰ সঞ্চালিকা হিচাপে কাৰ্যনিৰ্বাহ কৰিছিল। ১৯৭১ চনৰপৰা ১৯৭৪ চনলৈকে ট’ৰ’ৰো গাৰ্লছ স্কুলৰ প্ৰধান শিক্ষয়িত্ৰী হিচাপেও কাৰ্যনিৰ্বাহ কৰিছিল। ১৯৭৪ চনৰপৰা ১৯৭৯ চনলৈকে উগাণ্ডাৰ শিক্ষা আৰু ক্ৰীড়া মন্ত্ৰ্যালয়ৰ জ্যেষ্ঠ শিক্ষা বিষয়া হিচাপে কাৰ্যনিৰ্বাহ কৰিছিল। ১৯৭৯ চনত শিক্ষা মন্ত্ৰী হিচাপে নিযুক্তি লাভ কৰি ১৯৮০ চনলৈকে সেই পদত কাৰ্যনিৰ্বাহ কৰে। ১৯৮১ চনৰপৰা ১৯৯৬ চনলৈকে বিতামাজিৰে শিক্ষক সেৱা আয়োগৰ উপ-সভাপতি আছিল।^৫ ১৯৯৯ চনত তেওঁ শিক্ষাৰ ৰাজ্যিক মন্ত্ৰী হিচাপে নিযুক্তি লাভ কৰে আৰু ২০০৫ চনলৈকে সেই পদত কাৰ্যনিৰ্বাহ কৰে আৰু তাৰ পিছত তেওঁ শিক্ষা আৰু ক্ৰীড়া মন্ত্ৰী হিচাপে নিযুক্তি লাভ কৰে।^৬ ২০১০ চনত এমপিগি জিলাক তিনিটা ভাগত বিভক্ত কৰা হৈছিল; বুটাম্বালা জিলা, গোম্বা জিলা, আৰু আজিৰ সৰু এমপিগি জিলা। ২০১১ চনৰ ৰাষ্ট্ৰীয় নিৰ্বাচনৰ সময়ত বুটাম্বালা জিলাৰ ৰাষ্ট্ৰীয় প্ৰতিৰোধ আন্দোলন (এন আৰ এম) ৰাজনৈতিক দলৰ মৰিয়াম নালুবেগাই প্ৰাইমাৰীত বিতামাজিৰে পৰাস্ত কৰে।^৭ ২০১১ চনৰ ২৭ মে'ত হোৱা মন্ত্ৰীসভাৰ পৰিৱৰ্তনত বিটামাজিৰেক মন্ত্ৰীসভাৰপৰা আঁতৰাই দিয়া হয় আৰু তেওঁৰ ঠাইত জেচিকা আলুপোক নিযুক্তি দিয়া হয়।^৮

পিছলৈ বিটামাজিৰে ইউগাণ্ডা মেনেজমেণ্ট ইনষ্টিটিউটৰ চ্যান্সেলৰ হিচাপে কাম কৰে, যিটো ৰাজহুৱা, ডিগ্ৰী প্ৰদানকাৰী, উচ্চ শিক্ষাৰ তৃতীয় পৰ্যায়ৰ প্ৰতিষ্ঠান, যাৰ স্বীকৃতি বিশ্ববিদ্যালয়ৰ সমতুল্য আছিল।^১

ব্যক্তিগত জীৱন আৰু মৃত্যু

বিতামাজিৰে উগাণ্ডাৰ পিপলছ ডিফেন্স ফৰ্চৰ আলফন্স বিতামাজিৰেৰ সৈতে বিবাহপাশত আবদ্ধ হৈছিল। এন আৰ এম ৰাজনৈতিক দলৰ আছিল তেওঁ। ১৯৯৮ চনৰপৰা ২০০১ চনলৈকে ৰাষ্ট্ৰসংঘৰ মহিলাৰ অৱস্থা আয়োগৰ সদস্য আছিল আৰু আফ্ৰিকান মহিলা শিক্ষাবিদসকলৰ মঞ্চৰ প্ৰতিষ্ঠাপক সদস্য আছিল।^২

২০২৬ চনৰ ১৪ জানুৱাৰীত ৮৪ বছৰ বয়সত বিতামাজিৰেৰ মৃত্যু হয়।^{৯১০১১১২}