নাজলি তাবাতাবাই-খাটামবখছ

নাজলি তাবাতাবাই-খাটামবখছ গিল্ডহল স্কুল অৱ মিউজিক এণ্ড ড্ৰামাৰ অপেৰা লিব্ৰেটিষ্ট প্ৰেকটিচ বেচডৰ উদ্বোধনী কলাত্মক ডক্টৰেট গৱেষক। ইয়াৰ উপৰি তেওঁ এই প্ৰতিষ্ঠানখনত এমএ অপেৰা মেকিং এণ্ড ৰাইটিং পাঠ্যক্ৰমৰ ড্ৰামেটিক ৰাইটিং বিষয়ৰ অধ্যাপক।^১ তেওঁৰ শেহতীয়া অপেৰা পৰ্টফলিঅ’ৰ ভিতৰত ৰয়েল বেলে এণ্ড অপেৰা, অল্ডবাৰ্গ ফেষ্টিভেল স্নেপ মাল্টিংছ ব্ৰিটেন পিয়েৰ্ছ আৰ্টছ, বাৰ্মিংহাম অপেৰা কোম্পানী, ৱেলছ নেচনেল অপেৰা, অক্সফৰ্ড চং, নেচনেল ইউথ কয়ৰ, পাৰফৰমেন্স আৰ্টছ লেব, টেটে এ টেটে আৰু ৰয়েল ৱেলছ কলেজ অৱ মিউজিক এণ্ড ড্ৰামা অন্তৰ্ভুক্ত। তেওঁ পূৰ্বৰ আৰ্টছ কাউন্সিল ইংলেণ্ড নেচনেল পৰ্টফলিঅ’ অৰ্গেনাইজেশ্যনৰ অন্তৰ্গত জেন্দেহনামৰ প্ৰতিষ্ঠানটোৰ প্ৰতিষ্ঠাপক আৰু কলাত্মক সঞ্চালক (চিইঅ’) আছিল।^২

প্ৰাৰম্ভিক জীৱন

নাজলি তাবাতাবাই-খাটামবখছৰ জন্ম ১৯৭৭ চনৰ ফেব্ৰুৱাৰী মাহত উত্তৰ ইৰানৰ তাব্ৰিজ চহৰত হৈছিল। অতি কম বয়সতে তেওঁ পিতৃ-মাতৃৰ সৈতে যুক্তৰাজ্যলৈ আহে আৰু শৈশৱৰ কিছুসময় ফ্ৰান্সতো কটাইছিল। তেওঁৰ পিতৃ এজন শিক্ষাবিদ আছিল আৰু পৰিয়ালটোৱে এডিনবাৰ্গত নিগাজিকৈ থাকিবলৈ লয়, য’ত তেওঁৰ পিতৃয়ে কাম কৰিছিল। তেওঁৰ মাতৃয়ে ৰয়েল লাইচিয়াম থিয়েটাৰৰ বিপৰীতে এখন মিঠাইৰ দোকান চলাইছিল। নাজলীয়ে এডিনবাৰ্গৰ জেমছ গিলেচপিছ হাইস্কুলত পঢ়া-শুনা কৰিছিল আৰু তেওঁৰ প্ৰিয় বিষয়সমূহৰ ভিতৰত নাটক, ইংৰাজী আৰু কলা অন্তৰ্ভুক্ত আছিল।

ইংলেণ্ডত তেওঁৰ প্ৰথমটো চৰিত্ৰ আছিল ২০০১ চনত লেষ্টাৰ হেইমাৰ্কেট থিয়েটাৰত ( বৰ্তমান দ্য কাৰ্ভ নামেৰে জনাজাত) আৰ্টছ কাউন্সিল ইংলেণ্ডৰ এগৰাকী প্ৰশিক্ষাৰ্থী পৰিচালক হিচাপে। তেওঁ ডাৰ্বি প্লেহাউচত ষ্টাফ ডাইৰেক্টৰ আৰু তাৰ পিছত থিয়েটাৰ ৱৰ্কশ্বপ এডিনবাৰ্গত সহযোগী সঞ্চালক হিচাপে কাৰ্যনিৰ্বাহ কৰিছিল। ২০০৪ চনত তেওঁ জেন্দেহ নামৰ এটা থিয়েটাৰ কোম্পানী প্ৰতিষ্ঠা কৰে; এই নামটোৰ অৰ্থ পাৰ্চী ভাষাত "জীৱন্ত।" ^৩

তেওঁৰ কলাত্মক সৃষ্টিশীলতাত প্ৰভাৱ পেলোৱা উপাদানসমূহৰ ভিতৰত তেওঁ আন্তৰ্জাতিক থিয়েটাৰ, ইৰানৰ ৰাজনীতি আৰু সীমান্তৱৰ্তী অঞ্চল, বিজ্ঞান আৰু চিল্ক ৰোড বা ৰয়েল ৰোডৰ কাহিনীসমূহৰ কথা উল্লেখ কৰে। জেন্দেহৰ অধীনত বিকশিত হোৱা তেওঁৰ সৃষ্টিশীল পৰিচালনা আৰু প্ৰযোজনাসমূহত এইবোৰৰ প্ৰত্যক্ষ প্ৰভাৱ দেখা পোৱা যায়।^৪৫

কৰ্মজীৱন

তাবাতাবাই-খাটামবখছ গিল্ডহল স্কুল অৱ মিউজিক এণ্ড ড্ৰামাৰ মাষ্টাৰ্ছ ইন অপেৰা মেকিং এণ্ড ৰাইটিং পাঠ্যক্ৰমৰ ড্ৰামেটিক ৰাইটিং বিষয়ৰ অধ্যাপক। ইয়াৰ উপৰি তেওঁ এই প্ৰতিষ্ঠানখনত সহযোগিতাৰ ওপৰত গুৰুত্ব দিয়া এগৰাকী সহযোগী শিল্পী হিচাপেও কৰ্মৰত। তেওঁ অক্সফৰ্ড স্কুল অৱ ড্ৰামাৰ উদ্বোধনী সহযোগী শিল্পী আৰু ৰয়েল চেণ্ট্ৰেল স্কুল অৱ স্পীচ এণ্ড ড্ৰামাৰ বাহ্যিক পৰীক্ষক।

তাবাতাবাই-খাটামবখছ উত্তৰ-পূব ইংলেণ্ডৰ এটা থিয়েটাৰ কোম্পানী জেন্দেহৰ কলাত্মক সঞ্চালক আছিল, যিটো কোম্পানী আৰ্টছ কাউন্সিল ইংলেণ্ডৰ নেচনেল পৰ্টফলিঅ’ অৱ অৰ্গেনাইজেশ্যনছৰ অন্তৰ্ভুক্ত আছিল। এই কোম্পানীটোৱে কাব্যিক উপাদান আৰু পৌৰাণিক কাহিনীৰ সংমিশ্ৰণ ঘটাই এক সহজ-সৰল উপায়েৰে গোলকীয় ৰাজনৈতিক আৰু সামাজিক দৃষ্টিভংগীসমূহ অন্বেষণ কৰা নাটক নিৰ্মাণ কৰিছিল। জেন্দেহৰ বহুতো প্ৰদৰ্শনত ইৰানী পৌৰাণিক কাহিনীসমূহ প্ৰদৰ্শিত হৈছিল, যিয়ে তাবাতাবাই-খাটামবখছৰ সাংস্কৃতিক ঐতিহ্যক প্ৰতিফলিত কৰিছিল।^৬ যদিও তেওঁলোকৰ কৰ্মৰাজিয়ে প্ৰায়ে কোনো নিৰ্দিষ্ট সাংস্কৃতিক প্ৰতিনিধিত্ব প্ৰত্যাখ্যান কৰি এক অধিক প্ৰভাৱবাদী, যাদুকৰী বাস্তৱবাদ (magical realism), দৃশ্যগত আৰু শাৰীৰিক শৈলীৰ থিয়েটাৰ সৃষ্টি কৰিছিল। জেন্দেহ আৰু নাজলিৰ পৰিচালনা তথা কলাত্মক চৰ্চা আছিল সহযোগিতামূলক; তেওঁলোকে শিল্পী আৰু সাধাৰণ ৰাইজৰ সৈতে মিলি কাম কৰিছিল, বিভিন্ন কলাৰ সংমিশ্ৰণ ঘটাইছিল আৰু ডিজিটেল প্ৰযুক্তি ব্যৱহাৰ কৰি গল্পসমূহ শ্বেয়াৰ কৰিবলৈ আৰু মানৱীয় সম্পৰ্ক বিচাৰি উলিয়াবলৈ অহৰহ কল্পনাধৰী উপায় অৱলম্বন কৰিছিল। নাজলিৰ সমগ্ৰ কৰ্মজীৱনত তেওঁ যুক্তৰাজ্যত বৈচিত্ৰ্যপূৰ্ণ থিয়েটাৰ প্ৰযোজনাত, বিশেষকৈ ইৰান, সীমান্তৱৰ্তী অঞ্চল</ref>

তেওঁ নিউয়ৰ্কৰ ইণ্টাৰনেচনেল ছচাইটি অৱ পাৰফৰমিং আৰ্টছ (ISPA)ৰ পৰিচালনা সমিতিৰ এগৰাকী সদস্য হিচাপেও কাৰ্যনিৰ্বাহ কৰিছে।

ব্যক্তিগত জীৱন

নাজলি ড° এম. টি. তাবাতাবাই-খাটামবখছ আৰু শ্ৰীমতী এম. তাবাতাবাই-খাটামবখছৰ কন্যা। বৰ্তমান তেওঁ যুক্তৰাজ্যৰ লণ্ডনত বসবাস কৰে।^৭

বাহ্যিক সংযোগ

• Creative Case NORTH with Arts Council England
• Nazli Tabatabai-Khatambakhsh''s Biography, International Society for the Performing Arts
• List of Plays by Nazli Tabatabai-Khatambakhsh
• Nazli Tabatabai-Khatambakhsh, The Royal Central School of Speech and Drama
• NAZLI TABATABAI-KHATAMBAKHSH at the National Theatre of Scotland